ဓမ္မဒူတ ဆရာတော် ဒေါက်တာ အရှင်ဆေကိန္ဒ ဦးဆောင်မှုဖြင့် ငလျင်ဒဏ်ကြောင့် ပြိုကျပျက် စီးသွားသည့် မြစည်းခုံစေတီတော်ကို အသစ်ပြန်လည် တည်ဆောက်

Tuesday, August 2, 2016

ဓမ္မဒူတ ဆရာတော် ဒေါက်တာ အရှင်ဆေကိန္ဒ ဦးဆောင်မှုဖြင့် ငလျင်ဒဏ်ကြောင့် ပြိုကျပျက် စီးသွားသည့် မြစည်းခုံစေတီတော်ကို အသစ်ပြန်လည် တည်ဆောက်

Unknown / at 6:27 PM / No comments

ဓမ္မဒူတ ဆရာတော်အရှင်ဆေကိန္ဒသည် စစ် ကိုင်းမြို့ရှိ စေတီဘုရားများအား ပြုပြင်တည်ဆောက်လျက်ရှိရာတွင် ၂ဝ၁၄ ခုနှစ်က လှုပ်ခတ်ခဲ့သည့် စစ်ကိုင်း-မန္တလေးငလျင်ကြောင့် ပြိုကျပျက်စီးသွားသည့် စစ်ကိုင်း ခါဝဲတောင်ပေါ်ရှိ စူဠာမဏိမြစည်း ခုံစေတီတော်ကြီးလည်း ပါဝင်သည့်အတွက် ၁၈ ဆူမြောက်စေတီတော်အဖြစ် တည်ဆောက်နေပြီဖြစ်၍ သီတင်းကျွတ်လမတိုင်မီတည်ဆောက် ရေးလုပ်ငန်းများပြီးစီး မည်ဖြစ်ကြောင်း သိရသည်။
စူဠာမဏိမြစည်းခုံစေတီမှာ သက္ကရာဇ် ၈၄၄ ခုနှစ်တွင် ဒုတိယ မင်းခေါင်၏နှမတော် ဟံသာဝတီ ပဲခူးဘုရင် ရာဇာဓိရာဇ်၏ချွေးမ ဝိမလာဒေဝီအမည်ရှိ အမိစိုးမင်းက တည်ခဲ့သည်။ မူလတည်စဉ်က စူဠာမဏိစေ တီတော်ဟု ဘွဲ့သမုတ်ခဲ့ သော်လည်း နောက်ပိုင်းတွင်မြစည်း ခုံစေတီတော်အဖြစ် ထင်ရှားသည်။ စစ်ကိုင်း-မန္တလေးငလျင် ကြောင့် ပြိုပျက်ခဲ့သောစေတီများကို ဓမ္မဒူတ ဒေါက်တာအရှင်ဆေကိန္ဒက ပြုပြင်ခဲ့ရာ စစ်ကိုင်း မြို့ဘုရားများ ဖြစ်သည့် လေးကျွန်းမာရ်အောင်၊ အောင်မြေလောက၊ သားဆုပန်၊ ချမ်းသာကြီး၊ သံပန်းကုန်း၊ ရွှေပွင့် လန်းဘုရားများအပါအဝင် စေတီ တော် ၁၇ ဆူအား ပြုပြင်တည် ဆောက်ပြီးဖြစ်သည်။
(၁၈)ဆူမြောက်ပြုပြင်သည့် မြစည်းခုံစေတီတော်မှာ အခြေ ၇၅ ပေပတ်လည်၊ အမြင့်ဥာဏ်တော် ၉၃ ပေရှိပြီး၊ ဘုံကိုးဆင့်ပါထီးတော်၊ အမြင့်မှာ ခြောက်ပေသုံးလက်မရှိပြီး ယခုအခါ စေတီလုံးတော်ပြည့်တည်ထား ပြီးဖြစ်၍ အချောသပ်လုပ်ငန်းများ စတင်ဆောင်ရွက်နေပြီဖြစ်ရာ လာမည့်သီတင်းကျွတ်လမတိုင်မီ အပြီးအစီးတည်ဆောက်မည်ဖြစ်သည်။ ဓမ္မဒူတဆရာတော်အနေဖြင့် ငလျင်ကြောင့်ပျက်စီးခဲ့သော စေတီများပြုပြင် တည်ဆောက်ရာတွင် စစ် ကိုင်းမြို့မှ စေတီ ၁၈ ဆူအပြင် ကန့်ဘလူမလယ်ရွာမှ ဘုရားသုံးဆူ နှင့် အညာသီဟတောဘုရားများ ပါဝင်ကြောင်း သိရသည်။
DW
‪#‎democracytoday‬