၂၀၁၅ ရွှေးကောက်ပွဲ သန့်ရှင်းမျှတမှုရှိရန် မုံရွာတွင် ဆန္ဒထုတ်ဖော်

၂၀၁၅ ခုနှစ်အတွင်း ကျင်းပမည့် အထွေထွေရွေးကောက်ပွဲအား သန့်ရှင်းမျှတမှု
ရှိစေရန် နိုဝင်ဘာ ၂၂ ရက်က မုံရွာမြို့၊ ရုံးကြီးရပ်ကွက်ရှိ ဗိုလ်ချုပ်လမ်းတွင် လူအင်အား ၅၀ ခန့် ဆန္ဒပြတောင်းဆိုခဲ့ကြသည်။

ဆန္ဒပြသူများက ၂၀၁၅ အထွေထွေရွေးကောက်ပွဲတွင် သန့်ရှင်းမျှတမှုရှိစေရန်ဟု
ဆိုကာ ပြည်ထောင်စုရွေးကော က်ပွဲကော်မရှင် ဖြုတ်ချပေးရန်၊ ပြည်သူလေးစား ယုံကြည်သော၊ နိုင်ငံရေးပါတီကင်းရှင်းသော ပြည်ထောင်စု ရွေးကောက်ပွဲကော်
မရှင်တစ်ရပ် ဖွဲ့စည်းပေးရန်၊ ၂၀၁၅ ရွေးကောက်ပွဲကျင်းပမည့် လနှင့်ရက် သတ်မှတ်ပေးရန်၊ ပြည်ထောင်စု ရွေးကောက်ပွဲ ကော်မရှင်နှင့်ပတ်သက်သည့် ဥပဒေများ ပြင်ဆင်ပေးရန်နှင့် လေးပွင်းဆိုင် တွေ့ဆုံဆွေးနွေရန် တောင်းဆို ခဲ့ကြသည်။

“၂၀၁၅ ရွေးကောက်ပွဲ သန့်ရှင်းမျှတဖို့ဆိုရင် ပြည်ထောင်စုကော်မရှင်ကို အမြန်ဆုံး ဖြုတ်ချပေးဖို့ လိုအပ်ပါတယ်” ဟု ဦးဆောင်ဆန္ဒပြသူ ကိုအောင်ဆန်းမြင့် က မဇ္ဈိမကို ပြောသည်။

ဆန္ဒပြပွဲစီစဉ်သူများက မုံရွာမြို့နယ် ရဲတပ်ဖွဲ့မှူးရုံးသို့ ဆန္ဒပြ လူအင်အား (၁၅၀၀) ခန့် တင်ပြထားသော်လည်း ဆန္ဒပြသူဦးရေ ၅၀ ခန့်သာ ရှိသည်ဟု ဆန္ဒပြပွဲတွင် လုံခြုံရေးယူထားသည့် ရဲတပ်ဖွဲ့ဝင် တစ်ဦးက ဆိုသည်။

Mizzima - News in Burmese

စကားကြီးဆယ်ခွန်း

စကားပြောဆိုရာ၌ ကျွမ်းကျင်လိမ္မာစေရန်
စကားပြောနည်း ၁၀-မျိုးရှိတာကိုကြားဖူးကြမှာပါ ။
မြန်မာလူမျိုး တို့က စကားကြီး ၁၀-မျိုးဟုခေါ်ဝေါ်ခဲ့ကြပါသည်။
ရေကူးညာတင်၊ ကောက်ပင်ရိတ်လှီး
ရေစီးဖောင်ဆန်၊ အိုးတန်ဆန်ခပ်
ဆီပွတ်ကျည်ပွေ့၊ ဆင်ဝှေ့ရန်ရှောင်
တောင်သူယာခုတ်၊ ကြက်ဆုတ်ခွပ်ပစ်
ရေစစ်ကရား၊ ခက်တင်မောင်းနင်း
ဆိုခြင်းစကား 'ဤဆယ်ပါး'
ကဗျာလေးနှင့် မှတ်မိနိုင်ကြပါစေ သူတို့ရဲ့အနက်ကိုတော့ အောက်တွင်ဖော်ပြထားပါတယ်

၁။ ရေကူးညာတင်ပြောဆိုခြင်း
မြစ်တဘက်မှ လိုရာဆိပ်ကမ်းသို့ ကူးလိုလျှင် မြစ်ညာက တင်၍ကူးမှ လိုရာသို့ ရောက်သကဲ့သို့ မိမိအလိုရှိရာသို့ ရောက်အောင် အထက်က တင်ကူး၍ ပြောခြင်းသည် "ရေကူးညာတင် ပြောခြင်း "လို့
ခေါ်ဆိုကြပါတယ်

၂။ ကောက်ပင်ရိတ်လှီးပြောဆိုခြင်း
စပါးရိတ်သောအခါ ကောက်ပင်ကို လက်တဖက်ဖြင့် ဆုတ်သိမ်းကာ တံဇဉ်ဖြင့် အရင်းမှ ဖြတ်၍ ရိတ်ယူသကဲ့သို့ တဘက်လူ၏ စကားကို သိမ်းကျုံးဖမ်းယူပြီးမှ အရင်းက ဖြတ်၍ ပိုင်လောက်အောင် ပြောဆိုခြင်းသည် "ကောက်ပင်ရိတ်လှီး ပြောခြင်း"လို့ခေါ်ဆိုပါတယ်

၃။ ရေစီးဖောင်ဆန်ပြောဆိုခြင်း
ဖောင်ကြီးသည် အညာသို့ ဆန်သောကာလ လိုရာရှိသမျှကို တင်ယူ၍ ဖြည်းညင်းသာယာစွာ ဆန်လျှင် လိုရာအရပ်သို့ ရောက်နိုင်သကဲ့သို့ စကားအရာတွင်လည်း ဥပမာ, ဥပမေယျ တို့ဖြင့် ဖြည်းညင်း သာယာစွာ လိုရာရောက်အောင် ပြောဆိုခြင်းသည် "ရေစီးဖောင်ဆန် ပြောခြင်း"ဖြစ်သည်

၎။ အိုးတန်ဆန်ခပ်ပြောဆိုခြင်း
အိုးနှင့်ဆန်သည် တန်အောင်ချက်လျှင် နူးနပ်စွာ သုံးဆောင်ရသကဲ့သို့ စကားအရာတွင်လည်း မယုတ်မလွန်နှင့် လိုရင်းရောက်အောင် ပြောဆိုခြင်းသည် "အိုးတန်ဆန်ခပ်"ပြောဆိုခြင်းဖြစ်သည်

၅။ ဆီပွတ်ကျည်ပွေ့ပြောဆိုခြင်း
ဆီကို ရအောင် ပွတ်သည့်အခါတွင် အထပ်ထပ်အခါခါ ပွတ်ရသကဲ့သို့ အလိုရှိသော စကားကို အထပ်ထပ် ပြောဆိုခြင်းသည် "ဆီပွတ်ကျည်ပွေ့"ပြောဆိုခြင်းဖြစ်သည်

၆။ ဆင်ဝှေ့ရန်ရှောင်
ဆင်ဝှေ့မည်ဟု လိုက်လျှင် လွတ်ရာလွတ်ကြောင်း တိမ်းရှောင်က ချမ်းသာသကဲ့သို့ စကားအရာတွင်လည်း မိမိအဖို့ ဘေးရောက်မည့် စကားကို ရှောင်လွှဲ၍ ပြောဆိုခြင်းသည် "ဆင်ဝှေ့ရန်ရှောင်"ပြောနည်းပင်ဖြစ်သည်

၇။ တောင်သူယာခုတ်
တောင်သူတို့သည် ယာခုတ်လျှင် ခြုံငယ်သစ်ပင်ငယ်တို့ကို ဦးစွာရှင်းလင်းခုတ်ထွင်ပြီးမှ သစ်ပင်ကြီးများကို လှဲသကဲ့သို့ စကားအရာတွင်လည်း ဦးစွာစကားငယ်ပြော၍ နောက်မှ စကားကြီးများကို ပြောခြင်းဖြင့် အနိုင်ယူခြင်းသည် "တောင်သူယာခုတ်"ပြောခြင်းဖြစ်သည်

၈။ ကြက်ဆုတ်ခွပ်ပစ်ပြောခြင်း
ကြက်တို့၏ သဘောသည် ခွပ်မည်ပြုသောအခါ နောက်သို့ဆုတ်ဟန်ပြု၍ တကယ်ခွပ်သောအခါမှသာ စီး၍ခွပ်သကဲ့သို့ စကားအရာတွင်လည်း သူ့အလိုကို လိုက်တန်သရွှေ့ လိုက်ပြီးလျှင် စီးသာသောအခါမှ စီးလျက် ပြောသောစကားမျိုးသည် "ကြက်ဆုတ်ခွပ်ပစ်"ပြောခြင်းဖြစ်သည်

၉။ ရေစစ်ပမာပြောခြင်း
ရေစစ်ကို ရေတွင် နှစ်၍ ရေပြည့်လျှင် အပေါက်ကို လက်ဖြင့် ပိတ်ယူပါက ရေမထွက်နိုင်သကဲ့သို့ တဘက်လူ၏စကားကို ပိတ်မိအောင် ပြောဆိုခြင်းသည် "ရေစစ်ပမာ စကားပြောခြင်း" ခြင်းဖြစ်သည်

၁၀။ ခက်တင်မောင်းနင်း
သူ့စကားကို ဟုတ်၏လည်း မဆို၊ မဟုတ်ဟုလည်း မဆိုဘဲ မတင်မကျ ပြောဆိုခြင်းသည် "ခက်တင်မောင်းနင်း" ပြောခြင်းဖြစ်သည်၊

(စကားအလင်္ကာစာအုပ်မှ စကားကြီး ၁၀ခွန်း ပြောခဲ့တာလေးကိုပြန်လည့်မျှဝေခြင်းဖြစ်ပါသည် )
Credit - အဆိုအမိန့်များနှင့် ဗဟုသုတများ

;ကျေးဇူးတော်ရှင် ဆရာတော်ကြီးများ၏ ဓမ္မစာစုများ

အလုပ်မှာမပျော်ရင်
မအောင်မြင်နိုင်ဘူး
ပျော်လွန်းနေရင်လည်း
အလုပ်မဖြစ်တာတွေ
ကြုံရလိမ့်မယ်
-----------------------------------
`ရောင့်ရဲတယ်´ ဆိုတာ
အခွင့်အရေးကို
ရသလာက်နဲ့ ကျေနပ်နိုင်တာ
အလုပ်ကို ရောင့်ရဲနေရင်တော့
`အပျင်းကြီးတယ်´ဆိုတဲ့
ဂုဏ်ပုဒ်ပဲရသွားမယ်
------------------------------------
(ဓမ္မဒူတဒေါက်အရှင်ဆေကိန္ဒ၏ အသိပေးစကားစုများစာအုပ်မှ)

ဓမ္မဒူတ အရှင်ဆေကိန္ဒ ၏ ထေရုပ္ပတ္တိအကျဉ်း

ဓမ္မဒူတ အရှင်ဆေကိန္ဒ အလောင်းအလျာကို စစ်ကိုင်းတိုင်း၊ စစ်ကိုင်းမြို့၊ သောတာပန်ရပ်ကွက် ခမည်းတော် ဦးအောင်သန်း+ မယ်တော် ဒေါ်စိန်ကြည်တို့က ကောဇာသက္ကရာဇ် ၁၃၁၉-ခုနှစ်၊ တပို့တွဲလဆန်း (၉)ရက်၊ (28-1-1958) အင်္ဂါနေ့၌ မီးရှူးသန့်စင် ဖွားမြင်တော်မူခဲ့ပါသည်။
၁၉၇၅-ခုနှစ်၌ စစ်ကိုင်းမြို့ အမှတ်(၁) အထက်တန်းကျောင်းမှ ၁၀-တန်းကို အောင်မြင်ခဲ့ပြီး ၁၉၇၉-ခုနှစ်၌ မန္တလေးမြို့ စက်မှုလက်မှုသိပ္ပံ၏ A.G.T.I (civil) မြို့ပြအင်ဂျင်နီယာ ဒီပလိုမာဘွဲ့ကို ရရှိအောင်မြင်ခဲ့ပါသည်။
၁၉၈၃-ခုနှစ်၌ မွန်ပြည်နယ် ဘီးလင်းမြို့နယ် တောင်စွန်း ဓမ္မဒူတတောရ ဆရာတော်ကြီးကို ဥပဇ္ဈာယ်ပြု၍ ရှင်ရဟန်းအဖြစ်ကို ယူခဲ့ပါသည်။ အရှင်မြတ်သည် တောင်စွန်း ဓမ္မဒူတတောရကျောင်းတိုက်ကြီး၌ပင် ပရိယတ္တိ စာပေတို့ကို မူလတန်း၊ ပထမငယ်တန်း၊ ပထမလတ်တန်း၊ ပထမကြီးတန်းတို့ကို နှစ်ချင်းပေါက် အောင်မြင်တော်မူခဲ့ပြီး ၁၉၉၃-ခုနှစ်တွင် စာချတန်း၌ ကျမ်းရင်းသုံးကျမ်းစလုံးကို တစ်နှစ်တည်းဖြင့်ပင် အောင်မြင်တော်မူခဲ့၍ အစိုးရ သာသနဓဇဓမ္မာစရိယဘွဲ့တံဆိပ်ကို ရရှိတော်မူခဲ့ပါသည်။ သဒ္ဓမ္မနေပုည ဓမ္မာစရိယဘွဲ့နှင့် သာသနဇောတိပါလ ဓမ္မာစရိယဘွဲ့တို့ကိုလည်း ရရှိတော်မူခဲ့ပြန်ပါသည်။
ထို့ပြင် နိုင်ငံတော် အစိုးရမှဆက်ကပ်သော မဟာသဒ္ဓမ္မဇောတိကဓဇ၊ မဟာဂန္ထ၀ါစကပဏ္ဍိတ၊ ဓမ္မကထိက ဗဟုဇနဟိတဓရ၊ အပြည်ပြည်ဆိုင်ရာ ထေရ၀ါဒဗုဒ္ဓသာသနာပြု တက္ကသိုလ်မှ M.A (Buddhism) နှင့် Ph.D ဘွဲ့တို့ ကိုလည်းရရှိခဲ့ပါသည်။ ပရိယတ္တိစာပေများကို တောင်စွန်း ဓမ္မဒူတတောရ၊ အမရပူရမြို့ မဟာဂန္ဓာရုံကျောင်းတိုက်၊ မန္တလေးမြို့ မစိုးရိမ်တိုက်၊ စစ်ကိုင်းမြို့ ဇေယျသိန်ပါဠိတက္ကသိုလ်၊ စစ်ကိုင်းမြို့ သုဗောဓာရုံ စာသင်တိုက်စသော ကျောင်းတိုက်တို့ရှိ ဆရာမြတ်တို့၏ အထံတော်မှ နည်းနာခံယူ သင်ယူခဲ့ပါသည်။
၁၉၉၈ ခုနှစ်၌ အပြည်ပြည်ဆိုင်ရာ ထေရ၀ါဒ ဗုဒ္ဓသာသနာပြု တက္ကသိုလ်တွင် နည်းပြအဖြစ် တာဝန်ထမ်းဆောင်တော်မူခဲ့ပါသည်။ ၂၀၀၀ ခုနှစ်တွင် လက်ထောက်ကထိက၊ ၂၀၀၅ ခုနှစ်တွင် ရန်ကုန်တက္ကသိုလ် အရှေ့တိုင်းဌာနတွင် တွဲဖက်ပါမောက္ခအဖြစ် ပူးတွဲတာဝန်ထမ်းဆောင်တော်မူခဲ့ပါသည်။
အရှင်မြတ်သည် ဓမ္မဒူတနာယက အဖွဲ့ဝင်၊ မှော်ဘီမြို့နယ် သံဃနာယက အဖွဲ့ဝင်၊ ဓမ္မဒူတ ဇေတ၀န်တောရ ဆေကိန္ဒာရာမ ကျောင်းတိုက်ကြီး၏ ပဓာန နာယက ဆရာတော်၊ အပြည်ပြည်ဆိုင်ရာ ထေရ၀ါဒ ထေရ၀ါဒဗုဒ္ဓသာသနာပြု တက္ကသိုလ် ပဋိပတ္တိမဟာဌာန (၀ိပဿနာ) ပါမောက္ခ၊ မဟာဌာနမှူး ဆရာတော်စသော တာဝန်တို့နှင့် ကျမ်းစာရေးသားခြင်း၊ စာပေပို့ချခြင်း၊ တရားဟောပြောခြင်း၊ တရားပြသခြင်း၊ ယဉ်ကျေးလိမ္မာ လူငယ်သင်တန်းများ ဖွင့်လှစ်ခြင်း စသည်တို့ကို ဆောင်ရွက်တော် မူလျက်ရှိသည်။

http://www.dhammadutaonline.com/ မှကူးယူပူဇော်သည်…

ဖီဖာ ကမ္ဘာ့ဖလား ယူ၂၀ ပြိုင်ပွဲ FIFA U20 World Cup 2015 (New Zealand) အတွက် ပဏာမ မြန်မာ့ လက်ရွေးစင် ယူ၂၀ ကစားသမား စာရင်း ထုတ်ပြန်ခြင်း

နယူးဇီလန် နိုင်ငံတွင် ကျင်းပမည့် ဖီဖာ ကမ္ဘာ့ဖလား ယူ၂၀ ပြိုင်ပွဲ FIFA U20 World Cup 2015 (New Zealand) အတွက် ပဏာမ မြန်မာ့ လက်ရွေးစင် ယူ၂၀ ကစားသမား စာရင်းကို နည်းပြအဖွဲ့မှ ယနေ့တွင် ထုတ်ပြန် ကြေညာလိုက်သည်။

အဆိုပါ ကစားသမား စာရင်းမှာ အောက်ပါအတိုင်း ဖြစ်ပြီး နိုဝင်ဘာ ၁၇ ရက်နေ့မှ စတင်ကာ လေ့ကျင့်မှုများ ပြုလုပ်နေပြီဖြစ်သည်။

ပဏာမ မြန်မာ့ လက်ရွေးစင် ယူ၂၀ ကစားသမား စာရင်း
ဂိုး- မျိုးမင်းလတ် (ဇေယျာရွှေမြေ)၊ ပြည့်စုံချစ် (ရတနာပုံ လူငယ်)၊ ဝေလင်းအောင် ( ရန်ကုန် လူငယ်)

နောက်တန်း - ထိုက်ထိုက်အောင် (ဧရာဝတီ)၊ နန်းဝေမင်း (ရန်ကုန်လူငယ်)၊ နိုင်လင်းထွန်း (မနောမြေ)၊ နန္ဒကျော် (မကွေး)၊ သီဟထက်အောင် (ဇေယျာရွှေမြေ)၊ ညီညီလွင် (KBZ)၊ ရဲရင့်အောင် (မြန်မာ ဘောလုံးအကယ်ဒမီ၊ မန္တလေး)

အလယ်တန်း - ရဲဝင်းလှိုင် (ရန်ကုန် လူငယ်)၊ စွမ်းထက်အောင် (ရန်ကုန်)၊ ငြိမ်းချမ်းအောင် (မနောမြေ)၊ ကျော်မင်းဦး (ဧရာဝတီ)၊ အောင်သူ (ရတနာပုံ)၊ ကျော်ဇင်ဦး (နေပြည်တော် လူငယ်)၊ မျိုးကိုထွန်း (ရတနာပုံလူငယ်)၊ ရန်နိုင်ဦး (ဇေယျာရွှေမြေ)၊ မောင်မောင်ဝင်း (မကွေးလူငယ်)

ရှေ့တန်း - သန်းပိုင် (ရန်ကုန် လူငယ်)၊ မောင်မောင်စိုး (မကွေး)၊ ဝေယံထိုက် (မြဝတီ အက်ဖ်စီ လူငယ်)၊ အောင်ကောင်းမာန် (ဧရာဝတီ လူငယ်)၊ မောင်မောင်လွင် (ဟံသာဝတီ) တွေပါဝင်နေပါတယ်။
Ref ; #MFF

မိဆင်းရဲ -- (တင်မိုး)

သည်နေရာသို့

ငါလာခဲ့သည်၊ ငါတို့ပြည်။
-
ထမင်း ဆီဆမ်း၊ လက်ဖက်ကွမ်းနှင့်

ရေချမ်းတစ်ခွက်၊ ထန်းလျက်တစ်ခဲ

ထန်းရွက်တဲနှင့်

ပျိုးကြဲစရာ၊ လယ်ယာ တစ်ခင်း

ငါ့အားနှင်းသည်

မိဆင်းရဲမည်၊ ငါတို့ပြည်။

-
အမိ လက်ဆောင်၊ မပြောင်ရောင်လည်း

သားမောင် ပီတိ၊ တိုင်းမသိ။

-
အမိ တိုင်းပြည်၊ ဆင်းရဲသည်ကြောင့်

မစည်မပင်၊ မရွှင် မလန်း

မျက်နှာနွမ်းကို

ရယ်သွမ်း မသွေးရက်နိုင်ပါ။

-
အမိ တိုင်းပြည်၊ သက်တန်း ရှည်၍

ကြည်ကြည် လင်လင်၊ လ၀န်းပြင်သို့

စည်ပင် ထွန်းကား၊ ပါစေသားဟု

သနား ချစ်ကြင်၊ ကျေးဇူးမြင်၍

တင်ပေဖူးသည်

ကျေးဇူးတောင်ထု၊ ဆပ်လိုမှုကြောင့်

စုဆဲ ဆောင်းဆဲ၊ တခဲခဲ။

-
အမိရင်၌

မြပင်သိန်းသန်း၊ စိမ်းလန်းကြစေ။

-
ဟုတ်မှန်ကျန၊ ပုဒ်ပါဒတို့ 

နားကြ ၀ဲဝဲ၊ မြဲကြပါစေ။

-
အမိသွေး၌

လေးမြတ်ဖွယ်ရာ၊ ကရုဏာနှင့်

မေတ္တာ စိတ်ဓာတ်၊ လှည့်ပတ်ကြစေ။

-
အမိ ဦးခေါင်း၊

စိုက်ဆောင်း လွှင့်ထူ ၊သရဖူကို

မည်သူသည်မျှ၊ ချူ မရစေ။

-
ဆင်းရဲခြင်းနှင့်၊ မိတ်ရင်းမှန်ဘိ

အို ... အမိ။
-
အမိ၏ သား၊ ငါတို့ကားလျှင်

တရား စောင့်သိ၊ တို့ မွေးမိ၏

မွှေးတိကြိုင်ထုံ၊ မြတ်သောဂုဏ်ကို

အာရုံပြုကာ နေမြဲကို။

-
စကားဖြောင့်မှန်၊ တွေး ကြံ စွမ်းရှိ

သမာဓိနှင့်၊ ဘူမိ ပမာ

သည်းခံစွာဟု

မြန်မာ မိကောင်း၊ ဂုဏ်အပေါင်းကို

နှစ်ထောင်းကြည်ညိုနေမြဲကို။

-
အမိထံ၌

ဦးဆံဖြေခင်း၊ ပျပ်ဝပ်စင်းလျက်

မိမင်း ကျေးဇူး၊ ဆပ်ပေးဦးအံ့။

-
ပန်းဖူးကြိုင်စွာ၊ လက်အုပ်ကြာဖြင့်

ငါ၏အစွမ်း၊ တစ်လက်ဆွမ်းကို

ဝမ်းမြောက် ပျူ ငှာ၊ လက်ခံပါလော့

မြန်မာမိခင်၊ အို ... မိခင်။

-

တင်မိုး
credit;ကဗျာဆရာကြီးများ ၏ ကဗျာများစုစည်းမှု

ဆရာတော်ကြီးများ၏အသိပေးစကားစုများ

မြန်မာနှင့်ဆူဇူကီးဖလားအုပ်စုတွင်း ပြိုင်ဘက်များ

 

မြန်မာ့လက်ရွေးစင်ဘောလုံးအသင်းသည် ၂၀၁၄ ဆူဇူကီးဖလားနောက်ဆုံးအဆင့်တွင် စင်ကာပူ၊ ထိုင်း၊ မလေးရှားအသင်းတို့နှင့်အုပ်စု(ခ)၌ ကျရောက်နေသည်။ မြန်မာအသင်းသည် ဆူဇူကီးဖလား (ယခင်တိုက်ဂါးဖလား) ပြိုင်ပွဲချန်ပီယံဖြစ်ဖူးသည့်အသင်း သုံးသင်းနှင့်တစ်အုပ်စုတည်းကျရောက်နေပြီး ရုန်းကန်ရမည့်အနေအထားဖြစ်သည်။
အာဆီယံဒေသတွင်း လက်ရွေးစင်အသင်းများပါဝင်ယှဉ်ပြိုင်ရသည့် ယင်းပြိုင်ပွဲသမိုင်းတစ်လျှောက်  မြန်မာအသင်းသည် ၂၀၀၄ ခုနှစ်ပြိုင်ပွဲတစ်ကြိမ်သာအကြိုဗိုလ်လုပွဲအဆင့်သို့ရောက်ရှိခဲ့ဖူးသည်။ အုပ်စုတွင်း ပြိုင်ဘက်အသင်းများ၏ ပြိုင်ပွဲအကြိုပြင်ဆင်မှုကို အကျဉ်းချုပ်ဖော်ပြလိုက်ပါသည်။
 

လက်ရှိချန်ပီယံစင်ကာပူ
ဆူဇူကီးဖလားပြိုင်ပွဲ၏လက် ရှိချန်ပီယံသာမက ပြိုင်ပွဲသမိုင်း တစ်လျှောက် ချန်ပီယံဆုလေး ကြိမ်ရရှိထားကာ အအောင်မြင် ဆုံးအသင်းအဖြစ်ရပ်တည်နေ သည့်စင်ကာပူအသင်းအနေဖြင့် ယခုနှစ်ပြိုင်ပွဲ အုပ်ခု(ခ)ပွဲစဉ်များ ၏  အိမ်ရှင်ဖြစ်သည့်အတွက် နောက်တစ်ဆင့်တက်ရန်ရေပန်း စားမှု ပထမနေရာတွင်ရှိနေသည်။
စင်ကာပူအသင်းသည် ဆူဇီ ကီးဖလား(ယခင်တိုက်ဂါးဖလား) ချန်ပီယံဆု သုံးကြိမ်ရယူပေးခဲ့ သည့် နည်းပြအေဗရာမိုဗစ်နှင့် လမ်းခွဲခဲ့ပြီးနောက် ဂျာမနီသား နည်းပြဘမ်းစတိန်းကိုင်တွယ်မှု ဖြင့်ပြင်ဆင်လျက်ရှိသည်။
 စင်ကာပူအသင်းအတွက် ပြိုင်ပွဲအကြိုခြေစမ်းပွဲများတွင်လာအိုအသင်းကို (၂-၀)ဂိုး၊ ပူးဝါးအာနယူးဂီနီအသင်းကို (၂-၁)ဂိုးဖြင့်အနိုင်ရရှိခဲ့ပြီး ဟောင်ကောင်အသင်းနှင့် ပထမခြေစမ်းပွဲတွင် ဂိုးမရှိသရေ၊ ဒုတိယခြေစမ်းပွဲတွင် (၁-၂)ဂိုးဖြင့် ရှုံးနိမ့်ကာ မကာ အိုအသင်းနှင့်  နှစ်ဂိုးစီသရေ၊ ဘာရိန်းအသင်းနှင့် ခြေ စမ်းပွဲတွင် (၀-၂)ဂိုးဖြင့်ရှုံးနိမ့်ထားသည်။
  စင်ကာပူအသင်းမှ ကွင်း လယ်ကစားသမား Shahril Ishak မှာ ပြီးခဲ့သည့် ၂၀၁၂ ဆူဇူကီးပြိုင် ပွဲတွင် အကောင်းဆုံးဘောလုံး သမားဆုရရှိထားကာဒုတိယဂိုး အများဆုံး(သွင်းဂိုးလေးဂိုး) သွင်း ယူထားသူဖြစ်ပြီး ယခုနှစ်ပြိုင်ပွဲ တွင်လည်း အဓိကစောင့်ကြည့်ရ မည့်ကစားသမားဖြစ်သည်။
စင်ကာပူအသင်းသည်မြန် မာအသင်းနှင့်အုပ်စုဒုတိယပွဲစဉ် တွင် ယှဉ်ပြိုင်ရမည်ဖြစ်သည်။
 

 ကိုင်တီဆတ်၏ထိုင်း
၂၀၁၃ ဆီးဂိမ်းချန်ပီယံထိုင်း ယူ-၂၃ဘောလုံးအသင်းကို ရွှေ တံဆိပ်ရယူပေးခဲ့သည့် နည်းပြ ကိုင်တီဆတ်က ဆူဇူကီးဖလား ပြိုင်ပွဲဝင်မည့် ထိုင်းလက်ရွေးစင် အသင်းနည်းပြချုပ်ဖြစ်နေပါပြီ။ ကိုင်တီဆတ်အနေဖြင့် ပြီးခဲ့သည့် အင်ချွန်းအာရှအားကစားပြိုင်ပွဲ တွင် ထိုင်းယူ-၂၃ အသင်းကို အကြိုဗိုလ်လုပွဲအဆင့်သို့ ပို့ဆောင်ပေးနိုင်ခဲ့ပြီးနောက် ထိုင်းလက်ရွေးစင်နည်းပြအဖြစ် တာဝန်ပေးအပ်ခြင်းခံရခြင်းဖြစ်သည်။
ဆူဇူကီးဖလားပြိုင်ပွဲသမိုင်း တစ်လျှောက် ဗိုလ်လုပွဲသို့ခြောက်ကြိမ်တက်ရောက်ခဲ့ပြီး ချန်ပီယံ သုံးကြိမ်ရရှိထားသည့် ထိုင်း အသင်းအနေဖြင့် ယခုနှစ်ပြိုင်ပွဲ တွင်လည်း နောက်တစ်ဆင့်တက် ရန် အိမ်ရှင်စင်ကာပူပြီးနောက် ရေပန်းစားမှုဒုတိယနေရာတွင်ရှိ သည်။
ထိုင်းလက်ရွေးစင်အသင်း အနေဖြင့် ပြိုင်ပွဲအကြိုခြေစမ်းပွဲ များတွင် ဖိလစ်ပိုင်အသင်းကို (၃-၀)ဂိုးဖြင့်  အနိုင်ရရှိခဲ့ပြီး တရုတ်အသင်းကို (၀-၃)ဂိုးဖြင့် ရှုံးနိမ့်ခဲ့သည်။ နိုဝင်ဘာ ၁၈ ရက်တွင် နယူးဇီလန်အသင်းနှင့်ခြေစမ်းကစားမည်ဖြစ်ပြီး ပြိုင်ပွဲအကြိုပြင်ဆင်မှုကို အဆုံးသတ်မည်ဖြစ်သည်။
ပြီးခဲ့သည့် ၂၀၁၂ ဆူဇူကီးဖလားပြိုင်ပွဲတွင် မြန်မာနှင့်ထိုင်းအသင်းက (၄-၀)ဂိုးဖြင့် အနိုင်ရရှိခဲ့သည်။   ယင်းပွဲစဉ်တွင်ထိုင်း အသင်းတိုက်စစ်မှူး  Teerasil Dangda က  ဟက်ထရစ်သွင်း ယူခဲ့ပြီး ပြိုင်ပွဲတစ်လျှောက် (သွင်းဂိုးငါးဂိုး)ဖြင့် ဂိုးအများဆုံးသွင်းယူသည့် ကစားသမားဖြစ်ခဲ့ကာ ယခုနှစ်ပြိုင်ပွဲတွင်လည်း အဓိကစောင့်ကြည့်ရမည့် ကစားသမားဖြစ်သည်။ထိုင်းအသင်းသည် မြန်မာအသင်းနှင့် အုပ်စုနောက်ဆုံးပွဲစဉ်တွင် တွေ့ဆုံမည်ဖြစ်သည်။
 
 မြန်မာအသင်းနှင့်အေဗရာမိုဗစ်
စင်ကာပူအသင်းကို ဆယ် နှစ်ခန့်ကိုင်တွယ်ကာ ဆူဇူကီး ဖလား(ယခင်တိုက်ဂါးဖလား) ချန် ပီယံသုံးကြိမ်ရယူပေးခဲ့သည့် ဆား ဗီးယားနည်းပြအေဗရာမိုဗစ်က လက်ရှိအချိန်တွင် မြန်မာ့လက် ရွေးစင်အသင်းနည်းပြချုပ်အဖြစ် စင်ကာပူကိုရောက်ရှိနေပါပြီ။
 ပြိုင်ပွဲသမိုင်းတစ်လျှောက် ၂၀၀၄ ခုနှစ်ပြိုင်ပွဲတစ်ကြိမ်သာ အကြိုဗိုလ်လုပွဲအဆင့်တက် ရောက်ထားနိုင်ခဲ့သည့် မြန်မာ အသင်းအနေဖြင့် အုပ်စုတွင်းလေး သင်းတွင် ရေပန်းစားမှုအောက် ဆုံး၌ ရပ်တည်နေသည်။
ပြီးခဲ့သည့် ၂၀၁၂ ဆူဇူကီး ဖလားပြိုင်ပွဲတွင် အုပ်စုနောက်ဆုံး ၌ ရပ်တည်ခဲ့မှုကြောင့် မြန်မာ အသင်းသည် ယခုနှစ်ပြိုင်ပွဲကို ခြေစစ်ပွဲအဆင့်မှဖြတ်သန်းခဲ့ရ သည်။ အုပ်စုပထမဖြင့် ခြေစစ်ပွဲ အောင်မြင်ပြီးနောက် ကာတာနိုင် ငံတွင် နှစ်ပတ်ကျော်လေ့ကျင့်မှု များပြုလုပ်ခဲ့ပြီး ကာတာကလပ် အသင်းများနှင့် ခြေစမ်းပွဲသုံးပွဲယှဉ် ပြိုင်ကစားခဲ့ရာ နှစ်ပွဲသရေ၊ တစ်ပွဲ ရှုံးရလဒ်ရရှိထားသည်။
ခြေစစ်ပွဲအဆင့်တွင် မြန်မာ အသင်း၏ခြေစွမ်းကို ပရိသတ် များအားမရဖြစ်ခဲ့ကြသော်လည်း ဆူဇူကီးနောက်ဆုံးအဆင့်တွင်မူ လက်ရွေးစင်ကစားသမားတစ်ဦး ချင်း၏ အကောင်းဆုံးကြိုးစားမှုကို မြင်တွေ့ရမည်ဟု မိုဗစ်က ပြိုင်ပွဲ မတိုင်မီတွင် အာမခံထားသည်။
၂၀၁၄ နှစ်ဆန်းပိုင်းက မြန် မာ့လက်ရွေးစင်အသင်းကိုစတင်ကိုင်တွယ်ခဲ့သည့် အေဗရာမိုဗစ်က စက်တင်ဘာလအတွင်းက ကျင်းပခဲ့သည့် ဖိလစ်ပိုင်ငြိမ်းချမ်းရေးဖလားကို ရယူပေးခဲ့သည်။ယင်းဆုဖလားသည် ရှစ်နှစ် အတွင်း လက်ရွေးစင်အဆင့်၌ မြန်မာအသင်းအတွက် ပထမဆုံးဆုဖလားဖြစ်ခဲ့သည်။  ပြီးခဲ့သည့် ၂၀၀၄ တိုက်ဂါးဖလား(ယခုဆူဇူ ကီးဖလား)ပြိုင်ပွဲတွင် အကြိုဗိုလ် လုပွဲအဆင့်သို့ တစ်ကြိမ်သာတက် ရောက်နိုင်ခဲ့သည့် မြန်မာအသင်း ကို ဆယ်နှစ်အကြာတွင် ဒုတိယ အကြိမ်အကြိုဗိုလ်လုပွဲတက် ရောက်နိုင်ရန် အေဗရာမိုဗစ်စွမ်း ဆောင်နိုင်မည်လားဆိုသည်ကိုမူ စောင့်ကြည့်ရမည်ဖြစ်သည်။
 

မလေးရှား၏ပြင်ဆင်မှု
၂၀၁၀ ဆူဇူကီးဖလားပြိုင်ပွဲ ချန်ပီယံဖြစ်ထားပြီး ပြိုင်ပွဲသမိုင်း တစ်လျှောက် အကြိုဗိုလ်လုပွဲ အဆင့်သို့ ခုနစ်ကြိမ်တက်ရောက် ထားနိုင်ခဲ့သည့် မလေးရှားလက် ရွေးစင်အသင်းအနေဖြင့်လည်း ပြီးခဲ့သည့် သြဂုတ်လမှ ပြိုင်ပွဲ မတိုင်မီအထိ နိုင်ငံတကာခြေစမ်း ပွဲငါးပွဲယှဉ်ပြိုင်ကစားထားသည်။
မလေးရှားအသင်း၏ ပြိုင်ပွဲ အကြိုခြေစမ်းပွဲများတွင် ကမ္ဘော ဒီးယားအသင်းကိုသာ (၄-၁)ဂိုး ဖြင့် အနိုင်ရရှိခဲ့ပြီး တာဂျစ်ကစ္စ တန်အသင်းကို (၁-၄)ဂိုး၊ အင်ဒို နီးရှားအသင်းကို (၀-၂)ဂိုး၊ ဆီးရီး ယားအသင်းကို (၀-၃)ဂိုး၊ ဗီယက် နမ်အသင်းကို (၁-၃)ဂိုးတို့ဖြင့် ရှုံး နိမ့်ထားသည်။
 မလေးရှားလက်ရွေးစင် အသင်းကိုလည်း ပြည်တွင်းနည်း ပြဆာလက်က ကိုင်တွယ်နေပြီး ၂၀၀၈ ဆူဇူကီးဖလားပြိုင်ပွဲနောက် ပိုင်း သုံးကြိမ်ဆက်အကြိုဗိုလ်လုပွဲ တက်ရောက်နိုင်မလားဆိုသည်မှာ စောင့်ကြည့်ရမည်ဖြစ်သည်။
၂၀၁၀ ဆူဇူကီးဖလား ပြိုင်ပွဲ တွင် မလေးရှားအသင်းဗိုလ်စွဲခဲ့ စဉ်က တိုက်စစ်မှူး Mohd Safee က သွင်းဂိုးငါးဂိုးသွင်းယူကာ ဂိုး အများဆုံးသွင်းယူခဲ့ပြီး ယခုနှစ် ပြိုင်ပွဲတွင်လည်း အဓိကစောင့် ကြည့်ရမည့်ကစားသမားဖြစ် သည်။
မလေးရှားအသင်းအနေဖြင့် အုပ်စုအဖွင့်ပွဲစဉ်တွင် မြန်မာ အသင်းနှင့်ရင်ဆိုင်ရမည်ဖြစ်သည်။
၂၀၁၄ ဆူဇူကီးဖလား မြန်မာ အသင်း၏ အုပ်စုပွဲစဉ်များ
၂၃.၁၁.၁၄မြန်မာ-မလေးရှား
၂၆.၁၁.၁၄မြန်မာ-စင်ကာပူ
၂၉.၁၁.၁၄မြန်မာ-ထိုင်း
7Day Daily

၂၀၁၃-၁၄ လာလီဂါအကောင်းဆုံးဘောလုံးသမားဆု၊ အကောင်းဆုံးတိုက်စစ်မှူးဆုနှင့် အကောင်းဆုံးသွင်းဂိုးဆုများကို စီရော်နယ်ဒို သိမ်းပိုက်

၂၀၁၃-၁၄ လာလီဂါအကောင်းဆုံးဆုပေးပွဲအခမ်းအနားကို ပြီးခဲ့သည့် အောက်တိုဘာလ ၂၇ ရက်နေ့က စပိန်နိုင်ငံ၊ မက်ဒရစ်မြို့တွင် ကျင်းပပြုလုပ်ခဲ့ရာ ရီးယဲလ်မက်ဒရစ်တိုက်စစ်မှူး စီရော်နယ်ဒိုက ဆုအများအပြားကို သိမ်းပိုက်သွားခဲ့သည်။

ပြီးခဲ့သည့်ရာသီက လာလီဂါတွင် ပွဲ ၃၀ ကစားပြီး ၃၁ ဂိုးသွင်းယူကာ ဂိုးသွင်းအများဆုံးကစားသမားဆုကို ရရှိခဲ့သည့် စီရော်နယ်ဒိုသည် တစ်နှစ်တာ အကောင်းဆုံးကစားသမားဆု၊ အကောင်းဆုံး တိုက်စစ်မှူးဆုနှင့် အကောင်းဆုံးသွင်းဂိုး ဆုများကို ရရှိခဲ့ခြင်းဖြစ်သည်။ စီရော်နယ်ဒိုသည် ၂၀၁၃-၁၄ ဘောလုံးရာသီတွင် လာလီဂါချန်ပီယံဆုကို ရယူနိုင်ခြင်းမရှိသော်လည်း အသင်းအတွက် အကောင်ဆုံးစွမ်းဆောင်ပေးနိုင်ခဲ့သည့်အပြင် ချန်ပီယံလိဂ်ဆုဖလားနှင့် ကိုပါဒယ်ရေးဆုဖလားများကို ရယူပေးနိုင်ခဲ့သည့်အတွက် တစ်နှစ်တာအကောင်းဆုံးကစားသမားဆုကို ရရှိခဲ့ခြင်းဖြစ်သည်။ လာလီဂါအကောင်းဆုံးဆုများကို စတင်ပေးအပ်ခဲ့သည့် ၂၀၀၉-၁၀ ခုနှစ်မှ စတင်ပြီး မက်ဆီသာ တစ်နှစ်တာအကောင်းဆုံးကစားသမားဆုကို ဆက်တိုက်သိမ်းပိုက် ထားခဲ့ရာ ရော်နယ်ဒိုက ယခုနှစ်တွင် ချိုးဖျက် ရယူနိုင်ခြင်းဖြစ်သည်။

လာလီဂါပွဲစဉ် ၃၆ တွင် ရီးယဲလ်အသင်းက ဗလင်စီယာကို ၂-၁ ဂိုးဖြင့် အနိုင်ရရှိခဲ့သည့်ပွဲစဉ်မှ သွင်းယူခဲ့သော ဂိုးဖြင့် အကောင်းဆုံးဂိုးဆုကို စီရော်နယ်ဒိုကပင် သိမ်းပိုက်ခဲ့သည်။ ဘယ်တောင်ပံက ဒီမာရီယာဖြတ်တင်ပေးသည့် ဘောလုံးကို ရော်နယ်ဒိုက လေထဲတွင် ခြေဖနောင့်ဖြင့် သွင်းယူခဲ့ခြင်းဖြစ်သည်။

အက်သလက်တီကိုအသင်းကို လာလီဂါချန်ပီယံဆုဖလားရရှိအောင် ဦးဆောင်ပေးခဲ့သည့် နည်းပြ ဆီမြွန်နီမှာ အကောင်းဆုံးနည်းပြဆုကို ရရှိခဲ့သည်။ ၁၉၉၅-၉၆ ခုနှစ်နောက်ပိုင်း အက်သလက်တီကိုအသင်းကို လာလီဂါချန်ပီယံဆုဖလားရရှိ စေရန် ဆီမြွန်နီက ဦးဆောင်ပေးခဲ့ခြင်းဖြစ်သည်။

အကောင်းဆုံးဂိုးသမားဆုကို လီဗန်တေးဂိုးသမား ကေလာနာဗက်စ်က ရရှိခဲ့ပြီး အကောင်းဆုံး နောက်ခံကစားသမားဆုကို ရီးယဲလ်နောက်ခံလူ ရာမို့စ်က လည်းကောင်း၊ အကောင်းဆုံး အလယ်တန်းကစားသမားဆုကို ရီးယဲလ်ကွင်းလယ်လူ မိုဒရစ်က လည်းကောင်း၊ အကောင်းဆုံးကွင်းလယ်တိုက်စစ် ကစားသမားဆုကို ဘာစီလိုနာကွင်းလယ်ကစားသမား အင်နီယေစတာက လည်းကောင်းအသီးသီး ရရှိခဲ့ကြသည်။

အတိုးတက်ဆုံးလူငယ်ကစားသမားဆုကိုမူ ဆယ်လ်တာဗီဂိုအသင်းမှ ရာဖင်ဟာအယ်လ်ကန်တာရာက ရရှိခဲ့သည်။ ရာဖင်ဟာအယ်လ်ကန်တာရာသည် ဆယ်လ်တာဗီဂိုအသင်းအတွက် ၃၂ ပွဲ ပါဝင်ကစားပေးခဲ့ပြီး ၄ ဂိုးသွင်းယူနိုင်ခဲ့သည်။ ဘာစီလိုနာမှ ဆယ်လ်တာဗီဂိုသို့ အငှားသွားရောက်ကစားခဲ့သော ရာဖင်ဟာသည် ယခုနှစ်တွင် နည်းပြ အင်းနရစ်နှင့်အတူ ဘာစီလိုနာသို့ ပြန်လည်ရောက်ရှိနေပြီဖြစ်သည်။

လာလီဂါအကောင်းဆုံးဆုပေးပွဲတွင် ထည့်သွင်းပေးအပ်လေ့ရှိသည့် အာဖရိကအကောင်းဆုံးကစားသမားဆုကို ဂရန်နာဒါ ကွင်းလယ်တိုက်စစ်ကစားသမား ယာစီနီဘရာဟီမီက ရရှိခဲ့ပြီး အကောင်းဆုံး တောင်အမေရိက ကစားသမားဆုကိုမူ ဆီဗီလာ တိုက်စစ်မှူး ဘက်ကာက ရရှိသွားခဲ့သည်။

အသန့်ရှင်းဆုံးအသင်းဆုကို ဆိုစီဒက်အသင်းက ရရှိခဲ့ပြီး အသန့်ရှင်းဆုံးကစားသမားဆုကို ဆီဗီလာအသင်းခေါင်းဆောင် ရာကီတစ်က ရရှိခဲ့သည်။
Mizzima Sport News

အောင်မြင်မူတွေကို ထွေးပိုက်ပြီးတဲ့ အခါ

တစ်ချို့ဟာ အောင်မြင်လာတာနဲ့ မျက်နှာအမူအရာ နေထိုင်ပုံတွေနဲ့ ပြောပုံဆိုပုံတွေ ပြောင်းသွား တတ်ကြတယ်။ နောက်ပြီး မိမိ မအောင်မြင်ခင် တုန်းက ကူညီခဲ့တဲ့ သူတွေကို မေ့ပစ်လိုက်ကြတယ်။ သူတို့ ရင်ထဲမှာ အအောင်မြင်ဆုံးနဲ့ အချမ်းသာဆုံး သူတွေကိုသာ ရွေးချယ်ပေါင်းသင်း ချင်ကြတယ်။

တကယ်တော့ မိမိကျရုံးနေတုန်းက ကူညီခဲ့တဲ့ သူတွေကို အောင်မြင်တဲ့ အချိန်ကျမှ မမေ့သင့်ဘူး။ အောင်မြင်တဲ့ အခါ အခြားသူတွေကို ပြန်လည် ကူညီပေးတတ် ရမယ်။ ပြောဆိုမူ ဆိုင်ရာ အနေအထိုင် တွေကလည်း မမောက်မာရဘူး။

တစ်ခါတစ်လေမှာ သတိလက်လွတ် ဖြစ်သွားခဲ့ရင်တောင် ပြန်လည်ထိန်းသိမ်း တတ်ရမယ်။ အမြင့်ပေါ်ရောက်တဲ့ အချိန် အောက်ကိုလည်း ပြန်ကြည့် တတ်ရမယ်။ တစ်ပါးသူတွေကိုလည်း အထင်မသေးသင့်ဘူး။

ကျော်လင်းနိုင် (ရိုးရာလေး)

ယူ-၁၉ အသင်း ဂုဏ်ပြုဆုငွေ ကျပ်သိန်းလေးထောင်ကျော် ရရှိ

ရန်ကုန်မြို့တော်ခန်းမရှေ့တွင် ယူ−၁၉ ဘောလုံးအသင်း အောင်ပွဲခံနေစဉ် (ဓာတ်ပုံ − နစ်ကီ)
၂၀၁၅ ကမ္ဘာ့ဖလား ယူ- ၂၀ ပြိုင်ပွဲဝင်ခွင့်ရရှိခဲ့သည့် မြန်မာ့ လက်ရွေးစင် ယူ-၁၉ဘောလုံးအသင်းအား ဂုဏ်ပြုပွဲအခမ်းအနားတွင် အလှူရှင်များက ကျပ်သိန်း လေးထောင်ကျော် ချီးမြှင့်ခဲ့ ကြောင်း သတင်းရရှိသည်။

နိုဝင်ဘာ ၁ ရက်ညက ဆူးလေရှန်ဂရီလာ ဟိုတယ်၌ ကျင်းပသည့် ဂုဏ်ပြုပွဲအခမ်း အနားတွင် အလှူရှင်များက မြန်မာ ယူ - ၁၉ အသင်းအား ဆုကြေး ငွေများချီးမြှင့်ခဲ့ရာ စုစုပေါင်း ကျပ် ၄,၀၈၈ သိန်း ရရှိခဲ့သည်။

မြန်မာယူ - ၁၉ အသင်းသည် အိမ်ရှင်ပြုလုပ်ခဲ့သည့် အာရှ ယူ- ၁၉ပြိုင်ပွဲတွင် အကြိုဗိုလ်လုပွဲအ ဆင့်သို့ ရောက်ရှိခဲ့ပြီး ၂၀၁၅ ကမ္ဘာ့ ယူ-၂၀ပြိုင်ပွဲသို့လည်း ၀င်ရောက် ခွင့်ရရှိခဲ့သည်။ မြန်မာ့ဘောလုံးသ မိုင်းတစ်လျှောက် ပထမဆုံးအကြိမ် ကမ္ဘာ့အဆင့်ပြိုင်ပွဲသို့ ၀င် ရောက်ခွင့်ရရှိသည့် မှတ်တမ်းရေး ထိုးနိုင်ခဲ့သည်။

မှတ်တမ်းသစ်ရေးထိုးနိုင်ခဲ့ သည့် မြန်မာယူ-၁၉အသင်းသည် နိုဝင်ဘာ ၁ရက်က ရန်ကုန်မြို့ တွင်း မော်တော်ယာဉ်များဖြင့် လှည့်လည် အောင်ပွဲခံခဲ့ကြရာ ထောင်ချီသည့် ပရိသတ်များက ကြိုဆိုနှုတ်ဆက်ခဲ့ကြသည်။

နိုဝင်ဘာ ၂ရက် ညပိုင်းတွင် အဆိုတော်များနှင့်အနုပညာရှင် များတင်ဆက်မည့် မြန်မာ ယူ-၁၉ အသင်းအားဂုဏ်ပြုဖျော်ဖြေပွဲအ ခမ်းအနားကိုလည်း အမျိုးသား အားကစားပြိုင်ပွဲရုံ(၁)သုဝဏ္ဏ၌ ကျင်းပမည်ဖြစ်ပြီး အလှူရှင်များအနေဖြင့် လှူဒါန်းမှုများပြုလုပ် နိုင်ကြောင်း သတင်းရရှိသည်။

မြန်မာ ယူ-၁၉အသင်းသည် ပြီးခဲ့သည့် ဘရူနိုင်းဘုရင့်ဖလား ပြိုင်ပွဲတွင် ဗိုလ်စွဲခဲ့စဉ်ကလည်းအ လှူရှင်များက ငွေကျပ်သိန်းနှစ် ထောင့်ခြောက်ရာကျော် ချီးမြှင့်ခဲ့သည်။

7Day Daily

တိုက်ခန်းပေါင်း ရှစ်ရာကျော်ပါဝင်သည့် တန်ဖိုးမျှအိမ်ရာစီမံကိန်း မုံရွာတွင် စတင်အကောင်အထည်ဖော်နေ

စစ်ကိုင်းတိုင်း မုံရွာမြို့တွင် ကျပ်ငွေ ၁၂ ဘီလျံကုန်ကျမည့်တန်ဖိုးမျှအိမ်ရာစီမံကိန်းစတင်အကောင်အထည်ဖော်ရန်စီစဉ်နေကြောင်း စစ်ကိုင်းဒေသကြီး မြို့ရွာနှင့် အိုးအိမ်ဖွံ့ဖြိုးရေးဦးစီးဌာနမှ တိုင်းဦးစီးမှူးက ပြောသည်။

စတုရန်းပေ ၅၁၅ ပေရှိသည့် တိုက်ခန်းပေါင်း ၈၈၀ ပါဝင်သည့် အဆိုပါစီမံကိန်းအား ၂၀၁၅ ခုနှစ်အတွင်း အပြီးတည်ဆောက်သွားရန် စီစဉ်နေသည်ဟုတိုင်းဦး စီးမှူး ဦးနိုင်လင်းက ဆိုသည်။

“တိုင်းဒေသကြီးအစိုးရအဖွဲ့က ကြီးမှူးပြီး ဒီစီမံကိန်းအကောင်အထည်ဖော်နေတာပါ။ ခန့်မှန်း ကုန်ကျငွေ ၁၂ ဘီလီယံ မှန်းထားပြီး ပုဂ္ဂလိကလုပ်ငန်းရှင်တွေကို တည်ဆောက်ခိုင်းမှာပါ။ ထွက်လာတဲ့အခန်း အရေအတွက်နဲ့ ကုန်ကျငွေကို တွက်ချက်ပြီး လုပ်ငန်းရှင်စိုက်ထုတ်ငွေနဲ့ အကျိုးအမြတ်ပြန်ခွဲပေးမှာ”ဟု ဆိုသည်။

မုံရွာမြို့နယ် နန္ဒ၀န်ရပ်ကွက်အတွင်းရှိ မြေဧရိယာ ငါးဧကပေါ်တွင် အဆိုပါစီမံကိန်းအကောင်အထည် ဖော်သွားမည်ဖြစ်ပြီး ရှစ်ခန်းတွဲ ငါးထပ်တိုက်၁၂လုံးပါဝင် မည်ဖြစ်ပြီး မန္တလေးတန်းဖိုးနည်းအိမ်ရာပုံစံကဲ့သို့ လုပ်ဆောင်နေခြင်းဖြစ်ကြောင်း ၎င်းက ထပ်မံပြောသည်။

တန်းဖိုးမျှတိုက်ခန်းတစ်ခုလျှင် ကျပ်သိန်း ၁၁၀ နီးပါးဖြင့်ရောင်းချနိုင်မည်ဟု မျှော်မှန်းထားသော်လည်း အသေး စိတ်အချက်အလက် များကို ဆောက်လုပ်ရေး လုပ်ငန်းပြီးစီးချိန်မှသာ အတိအကျပြောဆိုနိုင်မည်ဟု ဆိုသည်။

တိုင်းအစိုးရမှ အကောင်အထည်ဖော်သည်ဟုဆိုသော်လည်း ထွက်ရှိလာသည့်တိုက်ခန်းများကို အစိုးရ၀န်ထမ်း များအပြင် ပြည်သူများကိုပါ တစ်ပြေးညီရောင်း ချပေးမည်ဖြစ်ကြောင်းလည်း စစ်ကိုင်းဒေသ ကြီးအစိုးရအဖွဲ့မှ ရုံးဝန်ထမ်းတစ်ဦးက ပြောသည်။

mizzima

ဖွံ့ဖြိုးတိုးတက်မှု အကောင်းဆုံး မြို့နယ်ဆု ဝင်ပြိုင်ရန် မုံရွာပြင်ဆင်

နိုင်ငံတော်သမ္မတက စွမ်းဆောင်ရည်ဆုများ ချီးမြှင့်ရာတွင် တစ်ခုအပါအဝင် ဖြစ်သော ဖွံ့ဖြိုးတိုးတက်မှု အကောင်းဆုံး မြို့နယ်အဖြစ် ပါဝင်ယှဉ်ပြိုင်ရန် မုံရွာမြို့နယ်အနေနှင့် ကော်မတီများ ဖွဲ့စည်းပြီး စွမ်းဆောင်ရည်ဆု ရရှိရန် ပြင်ဆင်မှုများ ပြုလုပ်နေကြောင်း မုံရွာမြို့နယ် စီမံခန့်ခွဲမှု ကော်မတီအဖွဲ့မှ တာဝန်ရှိသူတစ်ဦးက ပြောကြားသည်။

“ပြည်ထောင်စုအဆင့်က ဒီဆုကို ရွေးချယ်တဲ့နေရာမှာ အချက် ၁၂ ချက်ကို မူတည်ပြီး ရွေးချယ်မှာပါ။ ဒီဇင်ဘာလထဲမှာ စိစစ်ရေးအဖွဲ့တွေ လာမယ်လို့ သိရပါတယ်။ ဒီဆုအတွက် ပြည်သူလူထု ပါဝင်လာစေဖို့ အတွက်လည်း လူမှုကွန်ရက်ကနေရော ရပ်ကွက်အုပ်ချုပ်ရေးမှူး ရုံးတွေက တစ်ဆင့်ပါ နှိုးဆော်တာတွေ ပြုလုပ်နေပါတယ်” ဟု မုံရွာမြို့နယ် အုပ်ချုပ်ရေးမှူး ဦးညွှန့်စိုးက ပြောဆိုသည်။

ယင်းဆုအတွက် အမှတ်ပေးမည့် အချက် ၁၂ ချက်ရှိပြီး လယ်ယာထုတ်လုပ်မှု ကဏ္ဍ ဖွံ့ဖြိုးတိုးတက်ရေး၊ မွေးမြူရေး သားငါးထုတ်လုပ်မှု ဖွံ့ဖြိုးတိုးတက်ရေး၊ မြို့ပြဒေသ အသေးစားအလတ်စား ကုန်ထုတ်လုပ်မှု လုပ်ငန်းများ၊ အသေးစား ပုဂ္ဂလိက ငွေစုငွေချေးလုပ်ငန်း၊ သမဝါယမ လုပ်ငန်းများ ဖွံ့ဖြိုးတိုးတက်မှု၊ ကျေးလက်လူမှုစီးပွား ဖွံ့ဖြိုးတိုးတက်မှု၊ ကျေးလက်စွမ်းအင် ဖွံ့ဖြိုးတိုးတက်ရေး၊ သဘာဝပတ်ဝန်းကျင် ထိန်းသိမ်းရေး လုပ်ငန်းများ ဖွံ့ဖြိုးတိုးတက်ရေး၊ လမ်းပန်းဆက်သွယ်ရေး၊ စိုက်ပျိုးရေနှင့် သန့်ရှင်းသော သောက်သုံးရေ ရရှိရေး၊ အုပ်ချုပ်ရေးနှင့် လူမှုရေးလုပ်ငန်းများ၊ တရားဥပဒေစိုးမိုးရေး လုပ်ငန်းများ စသည့် အချက်များကို ကြည့်၍ အမှတ်ပေးမည် ဖြစ်သည်။
The Voice Weekly

ဆိုင်ကယ်စီးဦးထုပ်ဆောင်းရင် အမှတ်တရလက်ဆောင်ရတဲ့ မုံရွာက Campaign

မုံရွာမြို့အနီးတ၀ိုက်မှာ ဆိုင်ကယ်ဦးထုပ်ကို စည်းကမ်းတကျ ဆောင်းပြီး စီးလာတဲ့ ခရီးသွားတွေကို အဖွဲ့ဝင် ၃၀ ကျော်လောက် ပါဝင်တဲ့ မုံရွာမြို့က ပရဟိ လူငယ်တွေအဖွဲ့က အမှတ်တရလက်ဆောင်ပစ္စည်းလေးတွေ ပေးပြီး စည်းရုံးလှုံဆော်မှုတွေ လုပ်နေပါတယ်။

ဒီလှုံဆော်မှုလေးကို We are Citizen (ကျနော်တို့ဟာ နိုင်ငံကြီးသားတွေမို့ ဆိုင်ကယ်စီးရင်း ဦးထုပ် ဆာင်းကြစို့) လို့ ခေါင်းစဉ်ပေးထားပါတယ်။

ဒါဟာ မုံရွာမှာရှိတဲ့ ဆိုင်ကယ်စီးသူတွေ နေ့တိုင်း အများဆုံးတွေ့ကြုံနေရတဲ့ ဆိုင်ကယ်မတော်တဆ ဖြစ်ပွားမှုနှုန်းတွေ ဒီမတော်တဆကြောင့် လူသေမှုနှုန်းတွေကို လျော့ချချင်တဲ့ ရည်ရွယ်ချက်ပါတဲ့။

“အဲ့ဒါကြောင့် ဦးထုပ်ဆောင်းဖို့အတွက် ဆွဲဆောင်တဲ့ အနေနဲ့ ကျနော်တို့က ဦးထုပ်ကို စည်းကမ်းတကျပေ့ါ ဆောင်းတဲ့အခါမှာ မေးသိုင်းကြိုးတပ်ပြီး တကယ့် စည်းစနစ်တကျ စည်းနဲ့ကမ်းနဲ့ ဆိုင်ကယ်မောင်းတဲ့သူကို ဂုဏ်ပြုတဲ့အနေနဲ့ တီရှပ်လေးတွေဝေတယ်။ လက်ဆောင်ပစ္စည်းလေးတွေပေးတယ်။ နောက် ဆိုင်ကယ်တွေမှာ We are Citizen ဆိုတဲ့ တံဆိပ်ပါတဲ့ စတစ်ကာလေးတွေ ကပ်ပေးတယ်။ သူတို့ဘာကြောင့် ဦးထုပ်ဆောင်းရ သလဲဆိုတဲ့ စစ်တမ်းလေးတွေကောက်တယ်။ ရလာတဲ့ စစ်တမ်းလေးတွေပေါ် မူတည်ပြီး ကျနော်တို့က နောက် ထပ် ဘာတွေ ဆက်လှုပ်ရှားမှုတွေ လုပ်သွားမလဲဆိုတာ တွေးပြီး ဆက်လုပ်သွားမှာပါ။” လို့ ဒီ campaign မှာ ပါဝင်တဲ့ ကိုကျော်ဝေဖြိုး(The Villager) က ပြောပါတယ်။

ဒါကို လုပ်နေတာ နှစ်လနီးပါးရှိပြီး အကြိမ်အရေအတွက်အားဖြင့် သုံးကြိမ်၊ အကျီအထည်ပေါင်း ၂ ရာကျော် ၃ ရာလောက်အထိ ဝေပြီး စာရင်း ကောက်နိုင်သွားပါပြီတဲ့။

ဘယ်လိုနေရာတွေမှာ လုပ်နေသလဲဆိုတော့ မုံရွာမြို့နယ်တ၀ိုက်မှာရှိတဲ့ ဥပမာ-ရဲတွေ ဘာတွေ ဖမ်းလေ့မရှိ တဲ့နေရာဆိုရင် ဆိုက်ကယ်ဦးထုပ် အများအားဖြင့် ဆောင်းလေ့မရှိကြပါဘူး။ အဲ့လို နေရာပတ်ဝန်းကျင်တွေကို အဖွဲ့ဝင်တွေအနေနဲ့ ရှောင်တခင် လှည့်လည်စောင့်ကြည့်ပြီးတော့ လက်ဆောင်တွေ ပေးနေတာပါလို့ ဆိုပါတယ်။

“ဆိုင်ကယ်ဦးထုပ်မဆောင်းတဲ့သူတွေကိုတော့ လွှတ်တယ်။ ဘာကြောင့်လည်းဆိုတော့ သူတို့ကျတော့ ကျနော်တို့ target ထဲမှာ မပါဘူး။ ကျနော်တို့ကတော့ စည်းကမ်းတကျ ဦးထုပ်ဆောင်းပြီးတော့ စီးတဲ့သူတွေ ကိုပဲ ကျနော်တို့က တားပြီးတော့ ဂုဏ်ပြုတာပါ။ ဦးထုပ်ဆောင်းတာကို အသိအမှတ်ပြုတယ်၊ ဂုဏ်ပြုတယ် ဆိုတဲ့ သဘောပေ့ါ။ သူတို့ကနေမှတဆင့် စည်းရုံးတယ်။ သူတို့လက်ဆောင်တွေရသွားရင် တခြားသူတွေကို လည်းပြောပေးပါ။ နောက်လည်း အခုလို ဦးထုပ်နဲ့ စည်းကမ်းတကျဆောင်းပေးပါဆိုပြီး သူတို့ကို တိုက်တွန်း လိုက်ပါတယ်။” လို့ သူတို့တွေရဲ့ လုပ်ဆောင်ချက်တွေကို ရှင်းပြပါတယ်။

သူတို့ရဲ့ လှုံဆော်မှုအပေါ် စိတ်ဝင်တစားနဲ့ လိုက်ပါဆောင်ရွက်လာနိုင်တဲ့ ဆိုင်ကယ်စီးသူတွေ တိုးလာ တယ်လို့လည်း ဆိုပါတယ်။

ဒါကို စတင်တဲ့ ခေါင်းဆောင်တွေက ကိုယ့်အိတ်ကိုယ်စိုက်ပြီး ကိုယ့်ပိုက်ဆံနဲ့ကိုယ် စ လှုပ်ရှားခဲ့တာ အခုဆိုရင် ပါဝင်လှူဒါန်းချင်တဲ့ အလှူရှင်တွေလည်း ပေါ်လာပါပြီတဲ့။

ဒီလှုံဆော်မှုကို ကလေး၊ မန္တလေးနဲ့ နေပြည်တြော်မို့တွေမှာလည်း စတင်လုပ်ဆောင်ဖို့ ကြိုးစားနေပါပြီ။

ဒီလို ဆိုင်ကယ်ဦးထုပ်ဆောင်းစီးဖို့ လှုပ်ရှားနေတဲ့ လှုပ်ရှားမှုတရပ်ကို လုပ်ဆောင်နေတဲ့ လူငယ်ပြည်သူ တွေအနေနဲ့ မော်တော်ပီကယ် ရဲကြီးတွေကို ဘာပြောချင်ပါသေးလဲလို့ မေးကြည့်တော့

“သူတို့ကတော့ စည်းကမ်းပိုင်းဆိုင်ရာနဲ့ ကိုင်တွယ်တာပေ့ါဗျာ။ သူတို့လည်း မလုပ်တာတော့ မဟုတ်ဘူး လုပ်ပါတယ်။ မန္တလေးမှာဆိုလည်း အခု ဖမ်းတာဆီးတာတွေ လုပ်နေတယ်။ ဒါပေမယ့် သူတို့ကျတော့ ဘယ်ရှုထောင့်က သွားသလဲဆိုတော့ အပြစ်ပေးတယ်ဆိုတဲ့ ရှုထောင့်ကပဲ သွားတယ်။ အဲ့ဒါကို ကျနော်တို့က သတိထားမိတယ်။ အပြစ်ပေးတယ်ဆိုတော့ ကြောက်လို့ပဲဆောင်းရတဲ့သဘောပဲရှိတယ်။ အမှန်ဖြစ်ရမှာ ကိုယ့်အသိစိတ်ဓာတ်နဲ့ ကိုယ့်အသက်အန္တရာယ်ကာကွယ်ဖို့ ကိုယ့်ကိုယ်ကို ယုံကြည်မှုရှိစေဖို့ ဦးထုပ်ဆောင်း တယ်ဆိုတာ ဖြစ်ရမယ့်အစား သူတို့က မော်တော်ပီကယ်ကိုပဲ ကြောက်လို့ ဆောင်းရတယ်ဆိုတာပဲ ဖြစ်နေတဲ့ အတွက် ကျနော်တို့က အဲ့လိုမဖြစ်ရအောင် သူတို့ကိုလည်း ကျနော်တို့ အနှောင့်အယှက်လုပ်တာမဟုတ်ပါဘူး။ ကူညီတာပါ။ ကူညီတဲ့အနေနဲ့ ကျနော်တို့က ဂုဏ်ပြုတယ်ဆိုတဲ့ လမ်းဘက်ကနေ ဆက်သွားလိုက်တာ။ သူတို့က မလုပ်ဘူးတော့မဟုတ်ဘူး။ နည်းလမ်းဟောင်းကြီးအတိုင်းပဲ အပြစ်ပေးတဲ့အနေနဲ့ လုပ်နေတာကို တွေ့ရတယ်။

irrawaddy

ငုပ်မိသဲတိုင် တက်နိုင်ဖျားရောက်

‘‘အမေရိကန်သမ္မတ ရောက်ရှိ လာပါပြီ’’ဟူသည့် ကြေညာသံအဆုံးတွင် ကိုယ်ရံတော်ခြောက်ဦး အစီအရီ ခြံရံလျက် သမ္မတအိုဘားမားရန်ကုန်တက္ကသိုလ် စိန်ရတုခန်းမသို့ ဝင်ရောက်လာသည်။

စကားပြောစင်မြင့်ဝဲယာကို သမ္မတအိုဘားမားက လက်ဝှေ့ ယမ်း၍ ‘မြန်မာနိုင်ငံ မင်္ဂလာပါ’ဟု နှုတ်ဆက်လိုက်ချိန်တွင် ‘မျက် လှည့်ပြသည်’၊ ‘အပြောင်းအလဲ ဟုတ်ရဲ့လား’ ‘ပြောင်းလဲမှုဟာ အတုအယောင်’ စသော အဓိပ္ပာယ်ရသည့် စာသားများပါသည့် စာ ရွက်များကို လူငယ်အချို့က သမ္မတမြင်သာအောင် ထောင်ပြ ကြသည်။

စာရွက်ပေါ်မှ စာသားများ ကို တစ်လုံးချင်းဖတ်ရင်း ‘‘ကျွန် တော်တို့ ဒီမှာ ဆိုင်းဘုတ်တွေ တွေ့ရပါတယ်။ အပြောင်းအလဲတဲ့။ နောက်ပိုင်းတော့ မေးခွန်းတွေ မေးနိုင်ပါတယ်။ ဒါကြောင့် မို့လို့ ဒီနေရာကို လာရောက်ရခြင်း ဖြစ်ပါတယ်။ ဒါကြောင့်မို့လို့ ဒီနေရာမှာ ဆန္ဒပြစရာတော့ မလိုပါဘူး’’ဟု အိုဘားမားက ပြောသည်။

အရှေ့တောင်အာရှ လူငယ် ခေါင်းဆောင်မှု စွမ်းဆောင်ရည် အစီအစဉ် (YSEALI)မှ လူငယ်များ အပါအဝင် စုစုပေါင်း ပရိသတ် ၄၀၀ ခန့်ကို ၁၅ မိနစ်ကြာ မိန့်ခွန်းပြောကြားရန် နိုဝင်ဘာ ၁၄ရက်က သမ္မတအိုဘားမား ရန်ကုန်တက္ကသိုလ် စိန်ရတုခန်းမသို့ ရောက်ရှိလာသည့် မြင်ကွင်းဖြစ် သည်။

‘‘ဒီနေ့ ဝန်ကြီးများရုံးကို သွားရောက်လေ့လာတဲ့အခါ မြန်မာပြည်မှာ ဒီမိုကရေစီရဲ့ ပြုပြင် ပြောင်းလဲရေးတွေကို တွေ့ခဲ့ရ တယ်။ ဗမာ၊ တရုတ်၊ အိန္ဒိယ၊ မွတ်စလင်၊ ဟိန္ဒူ၊ ခရစ်ယာန်တို့ အားလုံးမှာ အတူတကွ ငြိမ်းချမ်း စွာ နေထိုင်နေတဲ့ အထိမ်းအမှတ် တွေကို တွေ့ခဲ့ရတယ်။ မတူကွဲ ပြားမှုတွေ ပေါများတဲ့ ဒီတိုင်းပြည် မှာ အလားအလာတွေ အများကြီး ရှိပါတယ်။ ကျွန်တော် ကမ္ဘာတစ် လွှားကို သွားရောက်တဲ့အခါတိုင်း မှာ ခင်ဗျားတို့လို လူငယ်တွေနဲ့ တွေ့တဲ့အခါမှာ ကျွန်တော် လို ချင်တာက ခင်ဗျားတို့ဆီက မေး ခွန်းတွေပါပဲ။ ဘာကြောင့်လဲဆို ခင်ဗျားတို့က အနာဂတ်တိုင်းပြည်အတွက် အရေးကြီးတဲ့သူတွေဖြစ် လို့ပဲ’’ဟု အိုဘားမားက လူငယ် များကို မေးခွန်းများမေးရန် ဖိတ် ခေါ်ခဲ့သည်။

မိန့်ခွန်းတွင် လူကြိုက်အများ ဆုံးမှာ လူငယ်များ ဇွဲမလျှော့ဘဲ ရသည့် အခွင့်အရေးကို ဆုပ်ကိုင် ၍ ကြိုးပမ်းသင့်သည်ကို မြန်မာ စကားပုံ ‘‘ငုပ်မိသဲတိုင် တက်နိုင် ဖျားရောက်’’ကို မြန်မာဘာသာဖြင့် ပီပီသသ သုံးစွဲပြောကြားသွားသည်။ ထို့အပြင် စကားပုံကိုလည်း အင်္ဂလိပ်ဘာသာဖြင့် သမ္မတကဆက်လက်ရှင်းပြရာ လူငယ်များ၏ နှလုံးသားကို ကိုင်လှုပ်နိုင်ခဲ့သည်။

‘‘အဲဒီ စကားပုံကို သူပြော လိုက်တာ ကြားလိုက်တဲ့အခါ သူဟာ ငါတို့နိုင်ငံကို တော်တော် လေ့လာထားပါလား။ ငါတို့နှလုံး သားကို ထိစေမယ့် သတင်းစကား ကို လူကြီးတွေဆီက တစ်ဆင့် မသွားဘဲ လူငယ်တွေဆီကို တိုက် ရိုက်ပေးလိုက်တာ။ မင်းတို့လုပ် ရင် မင်းတို့ရမယ်။ ငါတို့က အ စွမ်းကုန် ကူညီပေးသွားမယ်ဆို တာကို သူက မင်းတို့တက်နိုင်ရင် အဖျားအထိ ရောက်ရမယ်လို့ သေချာရှင်းပြသွားသေးတာ။ အဲဒါ ကျွန်တော်တို့အတွက် အားအရမ်း ရှိတယ်’’ဟု ယခုဟောပြောပွဲတွင်တက်ရောက်ခွင့်ရသည့် YSEALI အဖွဲ့ဝင် ကိုစောထက်အောင်ခန့်က ပြောသည်။

လူငယ်များမှာ စွန့်ဦးတီထွင် စိတ်ရှိရန်၊ ပညာကြိုးစားသင်ယူ ပြီး ကိုယ့်နိုင်ငံပြန်လာသောအခါ ဒေါ်အောင်ဆန်းစုကြည်၊ ကိုမင်း ကိုနိုင်တို့ကဲ့သို့ ခေါင်းဆောင်များ နှင့် လက်တွဲဆောင်ရွက်နိုင်သည့် အဆင့်ရောက်အောင် ကြိုးစားကြ ရန် တိုက်တွန်းသည်။

စိန်ရတုခန်းမအတွင်းတွင် YSEALI လူငယ်များအပါအဝင် အမေရိကန်ပြည်ထောင်စုသို့ ပညာတော်သင် လေ့လာရေးအ ဖြစ် စေလွှတ်ခံခဲ့ရသည့် လူငယ် ခေါင်းဆောင်များလည်း တက် ရောက်ခဲ့ကြသည်။ အင်ဒိုနီးရှား၊ ဖိလစ်ပိုင်၊ မလေးရှား အပါအဝင် အာဆီယံနိုင်ငံအချို့မှ YSEALI လူ ငယ်များလည်း တက်ရောက်ခဲ့ပြီး အမေးအဖြေကဏ္ဍတွင် မေးခွန်း ခုနစ်ခုကို မြန်မာလူငယ်ခြောက်ဦး နှင့် ဖိလစ်ပိုင်လူငယ်တစ်ဦးတို့က မေးမြန်းခွင့်ရခဲ့သည်။

‘‘လူငယ်တွေအတွက် ဒီလို မျိုး အခွင့်အရေးတွေကို အမေရိ ကန် သမ္မတက ဖန်တီးပေးတယ်။ တွေ့ဆုံဖို့ခက်ခဲပြီး ကြားရခဲတဲ့ သူ့မိန့်ခွန်းတွေကို နားထောင်ခဲ့ရတဲ့ အတွက် သမီးတို့ရဲ့ ပညာသင် ကြားမှုမှာ၊ အသိုင်းအဝိုင်းမှာ နိုင်ငံအတွက် ဘယ်လိုမျိုး လှုပ်ရှားရ မယ်ဆိုတာ လူငယ်တစ်ယောက် အနေနဲ့ သိခွင့်ရလို့ အရမ်းကျေနပ် မိပါတယ်’’ဟု YSEALI အဖွဲ့ဝင် ချင်းတိုင်းရင်းသူ မဖလိုရာနန်ဇာ က ပြောကြားသည်။

မိန့်ခွန်းပြောအပြီး အမေး အဖြေကဏ္ဍ မစတင်မီ အပေါ် ဝတ် ကုတ်အင်္ကျီကို ချွတ်ပစ်၍ လွတ်လပ်ပေါ့ပါးသည့် ဟန်အ ပြည့်ဖြင့် မေးခွန်းများကို ဖြေဆို သည်။ သမ္မတက မေးခွန်းများ မေးမြန်းရန် ပြောကြားလိုက်ရာ လူ ငယ်များကလည်း ပျော်ရွှင်တက် ကြွစွာ သူ့ထက်ငါ အလုအယက် လက်ထောင်ပြကြသည်။

မေးခွန်းမေးလိုသူထဲမှ ကျား၊မ အလှည့်ကျ ပုံစံရွေးချယ်ပြီး မေးခွန်းများ ဖြေဆိုသွားသည်။ ရခိုင်ဒေသတွင်း လူမျိုးရေးပြဿနာ များ ရှိနေချိန်တွင် ဒေသအတွင်း လူငယ်များကို ပညာရေးအခွင့် အလမ်းတွေ ဘယ်လိုပေးမလဲ၊ နိုင်ငံရေးပုံစံအမျိုးမျိုးရှိသည့် အာ ဆီယံ တိုင်းပြည်များ၏ စွမ်းဆောင်ရည်ကို အမေရိကန်က ဘယ်လို မြှင့်တင်မလဲဆိုသည့် မေးခွန်းများကို သမ္မတအိုဘားမားက ဖြေကြားသွားခဲ့သည်။

ကိုကျော်သူရဟိန်း သင်သာ မြန်မာပြည်ရဲ့ သမ္မတဖြစ်ခဲ့ရင် ဘယ်ကဏ္ဍကို အရင်ဆုံး တိုးတက်အောင် အာရုံစိုက်လုပ်ဆောင်မလဲဆိုသည့် မေးခွန်းကို သမ္မတအိုဘားမားရော တက်ရောက်လာသူများကပါ ဝိုင်းဝန်းသြဘာပေးခဲ့ကြသည်။

‘‘ကျွန်တော်သာဆိုရင် ဦးစားပေးလုပ်ချင်တာကတော့ လူတိုင်း လိုလိုလည်း ပြောနေကြတဲ့ကိစ္စ ပါ။ နံပါတ်(၁)က နောက်နှစ်မှာ ၂၀၁၅ ရွေးကောက်ပွဲကို သေချာ ကျင်းပမယ်။ နံပါတ်(၂)က အ ရပ်သားအစိုးရစစ်စစ် ဖြစ်သွားစေ ဖို့အတွက် ဖွဲ့စည်းပုံပြင်ဆင်ရေး ကိစ္စပါ။ နံပါတ်(၃)ကတော့ သတင်းစာလွတ်လပ်ခွင့်နဲ့ လွတ်လပ်စွာ ထုတ်ဖော်ပြောဆိုခွင့်ကို ကာကွယ်တဲ့၊ နိုင်ငံရေးအရ စည်းရုံးနိုင်ခွင့်ရှိတဲ့ ဥပဒေတွေကို ပြဋ္ဌာန်းရမယ်။ ဒါတွေကိုလုပ်မှ မြန်မာပြည်က တိုးတက်မယ်’’ဟု ၎င်းက ပြောကြားသည်။

ပြီးခဲ့သည့်နှစ်က မလေးရှား တက္ကသိုလ်တွင် YSEALI နှင့် အာ ဆီယံ ၁၀ နိုင်ငံမှ လူငယ် ၁၀ ဦးစီ တက်ရောက်ခဲ့သဖြင့် လူငယ် ပေါင်း ၄၀၀ ခန့်နှင့် သမ္မတတွေ့ဆုံခဲ့သည်။ ယခုနှစ်တွင် အာဆီယံတစ်နိုင်ငံမှ နှစ်ယောက်စီသာ ဖိတ်ကြားခဲ့ပြီး အများစုမှာ မြန်မာနိုင်ငံမှ လူငယ်များဖြစ်၍ သမ္မတအိုဘားမားနှင့် မြန်မာလူငယ်များ ရင်းနှီးနွေးထွေးစွာ တွေ့ဆုံခွင့် အခွင့်အရေးကို ရခဲ့ကြောင်းလည်း ၎င်းကပြောသည်။

‘‘အာဆီယံက တက်တာ နည်းတဲ့အတွက် အာဆီယံ issue တော့ နည်းသွားတာပေါ့။ ဒါပေမဲ့ မြန်မာလူငယ်တွေအတွက် အခွင့် အလမ်း ပိုရခဲ့တယ်။ မေးခွန်းတွေ ကို လေးလေးစားစား ပွင့်ပွင့်လင်း လင်း ဖြေသွားပေးမယ်။ ဒီနေ့ တွေ့ဆုံပွဲက အမေရိကန်သမ္မတ ကြီးနဲ့ မြန်မာလူငယ်တွေ တစ် သွေးတစ်သားတည်းလိုပဲ ခံစားရ တယ်’’ဟု ကိုစောထက်အောင် ခန့်က ပြောသည်။

သမ္မတအိုဘားမား ပြော ကြားသွားသည်များအနက် အ ရှေ့တောင်အာရှ လူငယ်များကို အမေရိကန်ပြည်ထောင်စု တက္က သိုလ်များတွင် ပညာသင်ကြားခွင့် ရစေရန် ဆောင်ရွက်ပေးမည်ဆို ခြင်းကို အကြိုက်ဆုံးဖြစ်ကြောင်း မဖလိုရာနန်ဇာက ပြောသည်။

‘‘အရမ်းကို ပွင့်လင်းဖော်ရွေ မှု ရှိပါတယ်။ လူငယ်တွေကို အ ရမ်း အခွင့်အရေး ပေးတယ်လို့ မြင်တယ်။ နားလည်မှုရှိတယ်လို့ မြင်ပါတယ်။ အခုလို မိန့်ခွန်းတက် ရောက် နားထောင်ခွင့်ရတဲ့အ တွက် အခြားလူငယ်တွေကိုလည်း YSEALI member ဝင်ဖို့အတွက် လမ်းကြောင်းပေးမှာပါ။ ဒီလို အ ခွင့်အရေးမျိုးကို လက်မလွှတ်ဖို့ တိုက်တွန်းအားပေးမှာပါ’’ဟု ၎င်း ကဆိုသည်။

ထို့အပြင် ပညာရေးစနစ် ကို ပြုပြင်ပြောင်းလဲသည့်အခါ ကျောင်းသားများကိုယ်တိုင်က သင်ရိုးညွှန်းတမ်းကို Develop လုပ်နိုင်သည့် အခွင့်အရေးမျိုး တိုက်တွန်းပြောကြားသွားခြင်းကို ကြို ဆိုကြောင်း မကြည်ပြာချစ်စောက ပြောသည်။

‘‘ အရင် ရန်ကုန် တက္ကသိုလ် ဘွဲ့နှင်းသဘင်ခန်းမမှာလည်း မိန့်ခွန်းနားထောင်ဖူးပါတယ်။ ဒီတစ်ခေါက်ကတော့ သမ္မတကြီးက အရမ်းနွေးထွေးပါတယ်။ ပညာရေးနဲ့ပတ်သက်လို့ အမေရိကန်ဆီက အထောက်အပံ့တွေရဖို့ မျှော်လင့်ပါတယ်။ ပညာတော်သင်တွေ ပိုရဖို့၊ ဒီက တက္ကသိုလ်တွေမှာ အမေရိကန်က Joint Program တွေ လာဖွင့်ဖို့ မျှော်လင့်ပါတယ်’’ဟု ၎င်းက ပြောသည်။

အိုဘားမား၏ ပြောကြား ချက်များအနက် တန်းတူညီမျှရှိမှု နှင့် နိုင်ငံသားစရိုက်လက္ခဏာကို သဘောကျ ကျေနပ်မိကြောင်း ကရင်တိုင်းရင်းသား ကိုယ်စားပြု တက်ရောက်သည့် ကိုဟန်စိန်က ပြောသည်။

‘‘ဒီပွဲကို ဖိတ်ကြားခြင်းခံရတဲ့ အတွက် အရမ်းဝမ်းသာပါတယ်။ မိန့်ခွန်းတစ်ခုလုံးကို သဘောကျ ပါတယ်။ National Identity ကို ပြောတာ ကျွန်တော် သဘောကျ ပါတယ်။ ကိုယ်တိုင် တိုင်းရင်း သားဖြစ်နေလို့ မဟုတ်ပါဘူး။ အားလုံးကို တန်းတူအခွင့်အရေး ရစေချင်တဲ့ သဘောပါ။ အခုဆို အမေရိကန်သမ္မတကြီးက ရင်းနှီး နွေးထွေးတဲ့ တွေ့ဆုံပွဲလုပ်ပေးလို့ ဝမ်းသာပါတယ်’’ဟု ၎င်းကပြော သည်။

အရှေ့တောင်အာရှ လူငယ် ခေါင်းဆောင်မှု စွမ်းရည်အစီအ စဉ်မှာ အမေရိကန်သံရုံးများ၏ အထောက်အပံ့ဖြင့် ပြည်ပ ပညာ တော်သင် သွားရောက်ကြသည့် လူငယ်များ စုစည်းထားခြင်းဖြစ် ပြီး ယခုအခါ ဒေသတွင်းမှ လူ ငယ်များ အချင်းချင်း ပေါင်းစည်း ချိတ်ဆက်ထားသည့် အစီအစဉ် တစ်ခုလည်း ဖြစ်သည်။ အိုဘား မားမှာ ၂၀၁၃ မှစ၍ YSEALI လူ ငယ်များနှင့် စတင်တွေ့ဆုံခဲ့ပြီး ယခုမြန်မာနိုင်ငံတွင် ဒုတိယအ ကြိမ် တွေ့ဆုံခြင်းလည်း ဖြစ် သည်။

အိုဘားမားက လူငယ်များ နှင့် တစ်နာရီခန့်ကြာ တွေ့ဆုံပွဲအ ပြီးတွင် လုံခြုံရေးကို အထူးအ လေးထားသည့် စူပါပါဝါ အမေရိ ကန်နိုင်ငံ၏ သမ္မတက တက် ရောက်လာသည့် လူငယ်အားလုံး နီးပါးကို လိုက်လံတွေ့ဆုံကာ လက်ဆွဲနှုတ်ဆက်ခဲ့သည်။ အမေရိကန်သမ္မတ၏ လာရောက်နှုတ်ဆက်ခြင်းကို ကြုံတွေ့ခံစားရသည့် လူငယ်များက ပျော်ရွှင်စွာ ဟစ်အော်၍ အိုဘားမားနာမည်နှင့် ၎င်းတို့၏ အစီအစဉ် YSEALI (ဝိုင်စီလီး)အမည်ကို ဟစ်အော်နှုတ်ဆက်ခဲ့ကြသည်။

စိန်ရတုခန်းမတွင် သမ္မတအိုဘားမား ပြောကြားခဲ့သော မိန့်ခွန်းကို အိုဘားမားအတွက် ခုနစ်နှစ်တိုင်အောင် မိန့်ခွန်းများ ရေးသားပေးခဲ့သော Cody Keenan က ရေးသားပေးခဲ့ခြင်းဖြစ်ပြီး မိန့်ခွန်းပါ ‘ငုပ်မိသဲတိုင် တက်နိုင်ဖျား ရောက်’ဟူသည့် မြန်မာစကားကို အသံထွက်နိုင်ရန် ရန်ကုန်မြို့ အမေရိကန်သံရုံးမှဝန်ထမ်းတစ်ဦး၏အကူအညီယူခဲ့သည်။

7Day Daily

တကယ်တော့ အမေဆိုတာ

သင့်အမေက ၉ လလောက် ဝမ်းထဲမှာ လွယ်ပြီး ၁၀ လမြောက်လောက်မှာ မွေးတယ်။ အဲဒီ ၉ လအတွင်းမှာ
(၁) ပျို့အန်တယ်။
(၂) အစားရှောင်ရတယ်။
(၃) အနေအထိုင်၊ အသွားအလာ ဆင်ခြင်ရတယ်။
(၄) ကျန်မာရေးကိုလည်း ဂရုစိုက်ရပါ သေးတယ် အစဖြင့် အများကြီး ရှိပါတယ်။
အမေဟာ သင်၏
(၁) အကောင်းဆုံး မိတ်ဆွေ
(၂) အကောင်းဆုံး သူငယ်ချင်း
(၃) အကောင်းဆုံး ပဲ့ကိုင်ရှင် ဖြစ်ပါတယ်။
အမေဟာ သူမ၏ ဝမ်းထဲမှာ သင်ရှိနေပြီ ဆိုတဲ့အသိ ရှိနေစဉ် ကတည်းက သင့်ကို ဂရုစိုက် လာလိုက်တာ ယနေ့ထိ တိုင်ပေါ့။ သူမပင်ပန်းတာတွေကို သင်မသိခဲ့ဘူး။ သူမဟာ သင့်ကို လူတော် လူကောင်းတစ်ယောက်ဖြစ်စေ ချင်တယ်။ ပညာတွေ တတ်စေချင်တယ်။ ဘဝမှာ အပှုအပင်တွေ ကင်းဝေး စေချင်တယ်။
ဒါဟာ သူမက သင့်အပေါ်မှာ ထားတဲ့ စိတ်ဆန္ဒလေးတွေပါ။ ယခု သင့်အမေ အတွက် ဘာတွေများ လုပ်ပေးပြီးပြီးလဲ။ ဘယ်လောက်များ ကျေးဇူး ဆပ်ပြီးပြီးလဲ။ အချိန်မီသေး ပါတယ်။ သင့်အမေ အတွက် တစ်ခုခုတော့ ပြန်လည်ပေးဆပ် လိုက်ပါ။

ကျော်လင်းနိုင်

အိုဘားမား၏ မိန့်ခွန်းအပြည့်အစုံ

မြန်မာလူငယ်များ မင်္ဂလာပါ(လက်ခုပ်သံများ)

မြန်မာနိုင်ငံကို ပြန်ရောက် လာခွင့်ရတာဟာ အံ့ဩစရာပါပဲ။ အားလုံးပဲ ထိုင်ကြပါ၊ ထိုင်ကြပါ။ကျွန်တော်တို့ ဆိုင်းဘုတ်တွေ မြင်နေရတယ်။ ‘‘ပြုပြင်ပြောင်းလဲရေးက အတုအယောင်ပဲ’’၊ ‘‘အပြောင်းအလဲ’’။ အိုကေ။ ကောင်းပြီ။ ခင်ဗျားတို့ အနေနဲ့ ပြီးရင် မေးခွန်းတွေမေးဖို့ အခွင့်အရေးရပါမယ်။ ဟုတ်ပြီ။ ဒါတွေကို ဘေးဖယ်ထား လိုက်ပါ။ ကျွန်တော်တို့ ဒီအတွက် ပဲ ဒီခန်းမကို ရောက်နေတာလေ။ ကြည့်ပါ။ ခင်ဗျားတို့ဟာ ဒီလို ခန်းမတစ်ခုထဲကို ရောက်နေရင် ဆန္ဒပြနေစရာမလိုပါဘူး။ ဘာဖြစ် လို့လဲဆိုတော့ မေးခွန်းတွေကို တိုက်ရိုက်မေးနိုင်လို့ပဲ ဖြစ်တယ်။

လွန်ခဲ့တဲ့ ၂နှစ်က ကျွန်တော်ဟာ အမေရိကန်သမ္မတတစ်ဦးအနေနဲ့ ဒီနိုင်ငံကို ပထမဆုံးအကြိမ် ရောက်လာခဲ့တယ်။ ကျွန်တော်တို့ကို ဖော်ဖော်ရွေရွေ၊ ပျူပျူငှာငှာ နှုတ်ဆက်ခဲ့တဲ့အတွက်အလေးအနက် ခံစားမိပါတယ်။ နှစ်နိုင်ငံလုံးရဲ့ အလံတွေကို ဝှေ့ယမ်းနှုတ်ဆက်နေတဲ့ ကလေး လေးတွေကို မြင်ခဲ့ရတယ်။ ပြီး တော့ ကျွန်တော်ဟာ ဒီနိုင်ငံရဲ့ ယဉ်ကျေးမှုနဲ့ ကွဲပြားခြားနားတဲ့ ဓလေ့ထုံးစံတွေကို တွေ့မြင်ရပြီး စိတ်အားတက်ကြွမိခဲ့တယ်။ ကွဲပြားတဲ့ ယုံကြည်မှု၊ လူ့အဖွဲ့အစည်းအသီးသီးရဲ့ မတူညီတဲ့ဘာသာရေးဆိုင်ရာနေရာတွေကိုတွေ့ခဲ့ရတယ်။ ဒီနေ့လည်း ကျွန် တော်အဲဒီလိုမျိုး နောက်တစ်ကြိမ် ခံစားမိခဲ့ပြန်ပါပြီ။ ခေတ်သစ် မြန်မာနိုင်ငံရဲ့ မွေးဖွားသန့်စင်ရာ နေရာလို့ ဆိုနိုင်မယ့် အတွင်းဝန်များရုံး (ဝန်ကြီးများရုံး)ကို သွား ရောက် လည်ပတ်ဖို့ အခွင့်အရေး ရခဲ့ပါတယ်။ ဗမာ၊ တရုတ်၊ အိန္ဒိယ၊ ဗုဒ္ဓဘာသာ၊ မွတ်စလင်၊ ဟိန္ဒူနဲ့ ခရစ်ယာန်တွေ အားလုံး ငြိမ်းချမ်းစွာ အတူယှဉ်တွဲနေထိုင်နိုင်မယ့် ဒီမိုကရေစီစနစ်ရဲ့Blue-printပါပဲ။ ကွဲပြားတဲ့ယဉ်ကျေးမှု၊ ကိုးကွယ်ယုံကြည်မှုတွေ အများအပြားရှိနေခြင်းရဲ့ သာဓကကောင်းတစ်ခုပါ။ ပြီးတော့ ဒီနိုင်ငံမှာ မတူညီတဲ့ ယဉ်ကျေးမှုဓလေ့ထုံးစံတွေ ကြွယ်ကြွယ်ဝဝတည်ရှိနေခြင်းနဲ့ ဒီဒေသရဲ့ ရှေ့အလားအလာကို ညွှန်ပြနေတဲ့ နက်နဲသိမ်မွေ့တဲ့ သင်္ကေတတစ်ရပ်လည်း ဖြစ်ပါတယ်။

ကျွန်တော်ကမ္ဘာပတ်ပြီး ခရီးသွားခဲ့တယ်။ ဥရောပကနေအာဖရိက၊ တောင်အမေရိကပြီး တော့ အရှေ့တောင်အာရှကိုပေါ့။အဲဒီအခါ ကျွန်တော်သဘောကျ တဲ့ အရာတွေထဲက တစ်ခုဟာ လူငယ်လူရွယ် ယောက်ျားလေး၊ မိန်းကလေးတွေနဲ့ တွေ့ဆုံရတာ ပါပဲ။ ခင်ဗျားတို့လိုပေါ့။ အစည်း အဝေးခန်းမကြီး တစ်ခုမှာ တွေ့ဆုံရတဲ့အခါ ပိုပြီး ပျော်စရာကောင်းပါတယ်။ ပြီးတော့ ပိုပြီးလည်း အရေးပါလာတယ်။ ဘာဖြစ်လို့လဲဆိုတော့ ခင်ဗျားတို့ဟာ ဒီနိုင်ငံနဲ့ ဒီဒေသရဲ့ အနာဂတ်ကို အဆုံး အဖြတ်ပေးရမယ့် ငယ်ရွယ်တဲ့ ခေါင်းဆောင်လေးတွေ ဖြစ်နေလို့ ပဲ။ ဒီတော့ ကျွန်တော်က ကိုယ့်ရဲ့ ရည်ညွှန်းမှတ်ချက်တွေကို လိုရင်းရောက်အောင် တိုတိုတုတ်တုတ်ပဲပြောမယ်။ ဘာဖြစ်လို့လဲ ဆိုတော့ ကျွန်တော်က ခင်ဗျားတို့ဆီက မေးခွန်းတွေနဲ့ မှတ်ချက်တွေကို ရနိုင်သမျှ လိုချင်လို့ပါ။

အမေရိကန် ပြည်ထောင်စု ရဲ့ သမ္မတအနေနဲ့ ကျွန်တော်ဟာ အမေရိကန်နဲ့ အရှေ့တောင်အာရှ ဒေသရဲ့ ဆက်ဆံရေးကို ပိုပြီး နက်ရှိုင်းလာအောင် အလေးထားလုပ်ဆောင်ပါတယ်။ ပြီးတော့အရှေ့တောင်အာရှရဲ့ လူငယ်လူရွယ် တွေနဲ့ပေါ့။ ကျွန်တော့်လုပ်ဆောင်မှုမှာ သာမန်ထက်ပိုတဲ့အကြောင်းပြချက်တွေ ရှိခဲ့ပါတယ်။ ကျွန်တော့်ကလေးဘဝအချိန်တချို့ကို အရှေ့တောင်အာရှဒေသမှာ ကုန်ဆုံးစေခဲ့တယ်။ အင်ဒိုနီးရှားမှာပါ။ဒါဟာအရှေ့တောင်အာရှနဲ့ ပတ်သက်လာရင် ကျွန်တော့်ကို ထူးခြားတဲ့ဆက်နွှယ်မှု၊ ထူးခြားတဲ့ ခံစားချက်မျိုးဖြစ်ပေါ်လာစေပါတယ်။ ဒါပေမဲ့ဒီအချက်တွေကို ကျွန်တော်လုပ်ဆောင်နေတဲ့ အဓိက အချက်ဟာ အာဆီယံဆယ်နိုင်ငံဆိုတာ ကမ္ဘာ့လူဦးရေရဲ့ ဆယ်ပုံတစ်ပုံ မှီတင်းနေထိုင်ရာနေရာ ဖြစ်နေလို့ပဲ။ ပြီးတော့ အရှေ့တောင် အာရှဒေသမှာ နေထိုင်သူ လူဦးရေစုစုပေါင်းရဲ့ သုံးပုံနှစ်ပုံဟာ အသက်(၃၅)နှစ်အောက် အရွယ်တွေပါ။ ဒီဒေသဟာစီးပွားရေးအရ ဖွံ့ဖြိုးတိုးတက်လာပြီး ဒီမိုကရေစီထွန်းကားလာတဲ့ နေရာဖြစ်ပါတယ်။ သမုဒ္ဒရာတွေ၊ ကျွန်းတွေ၊ သစ်တောတွေ၊ မြို့ပြတွေနဲ့ အမျိုးမျိုးကွဲပြားတည်ရှိတဲ့ ဒေသဖြစ်တယ်။ လူမျိုးမတူညီတဲ့၊ ကိုးကွယ်ယုံကြည်မှုကွဲပြားတဲ့သူတွေ နေထိုင်ကြတယ်။ အာဆီယံ ဒေသဟာ ၂၁ ရာစုကို ပုံသွင်းပါလိမ့်မယ်။

အရှေ့တောင်အာရှလူငယ်စွမ်းရည် အစီအစဉ်ကို ကျွန်တော်အကောင်အထည်ဖော်ပေးခဲ့တာ ပဲ။ အနာဂတ်အစိုးရ၊ လူမှုအသင်းအဖွဲ့၊ ပညာရေးနဲ့ စွန့်ဦးတီထွင်မှု ကဏ္ဍတွေမှာ ခေါင်းဆောင်ဖြစ် လာမယ့် မျိုးဆက်သစ်တွေနဲ့ အမေရိကန်ရဲ့ ဆက်နွှယ်မှုကို ပိုနက်ရှိုင်းစေချင်လို့ပါ။ ခင်ဗျားတို့လိုမျိုးငယ်ရွယ်တဲ့ ခေါင်းဆောင်လေးတွေ တစ်သောင်း ကျော်လောက်ဟာ YSEALI ကွန်ရက်ကို ချိတ်ဆက်ခဲ့တယ်။ စိန်ခေါ်မှုတွေကို ဖြေရှင်းဖို့၊ လျင်လျင် မြန်မြန် တိုးတက်နေတဲ့ ဒေသမှာ အပြန်အလှန်လေးစားမှု၊ ပူးပေါင်းဆောင်ရွက်မှုတို့ကိုအခြေခံတဲ့ စိတ်ဓာတ်တွေနဲ့ အခွင့်အရေးတွေကို အမိအရ ဆုပ်ကိုင်ရယူဖို့ ဖြစ်တယ်။ ဒီနှစ်အစောပိုင်းက အခုလိုပဲ ခန်းမဆောင်တစ်ခုမှာ ကျွန်တော်ဆွေးနွေးပွဲတစ်ခု လုပ်ခဲ့ဖူး တယ်။ မလေးရှားမှာပါ။ ဒီနေ့မှာတော့ကျွန်တော်ဟာ ခင်ဗျားတို့နဲ့အတူ နောက်ထပ် ခြေလှမ်းသစ် တွေ ရှေ့ဆက်ဖို့ လိုလားပါတယ်။

လွန်ခဲ့တဲ့ ခြောက်နှစ်လောက်က အမေရိကန်သမ္မတအဖြစ်စပြီး ကျွန်တော်တာဝန်ယူတော့ ကျွန်တော်ပြောခဲ့တယ်။ အမေရိကန်ဟာ လက်သီးဆုပ်ထားတာကို ဖြေချလိုက်တဲ့ဘယ်လိုနိုင်ငံကိုမဆို လက်ကမ်းဖို့အသင့်ပဲဆိုတာကိုပါ။ အခုဒီနိုင်ငံဟာ တင်းကျပ်တဲ့ အုပ်ချုပ်မှုတွေအောက်မှာ ဆယ်စုနှစ်တွေကြာမြင့်တဲ့ထိ ဖြတ်သန်းခဲ့ပြီးတဲ့နောက် ပြီးခဲ့တဲ့နှစ်အနည်းငယ် အတွင်းမှာထင်သာမြင်သာ တိုးတက်မှုတွေ ရှိလာခဲ့တယ်။ မြန်မာနိုင်ငံမှာမျှော်လင့်ချက်နဲ့ ပတ်သက်ပြီး ခံစားချက်က ပိုအားကောင်းလာတယ်။ ကမ္ဘာကြီးနဲ့ ပြန်ပြီး နီးစပ်လာတယ်။ အခုဆိုရင် ဒေသတွင်းနဲ့ ကမ္ဘာ့ရေးရာတွေမှာ ထဲထဲဝင်ဝင် ပြန်ပါဝင်နိုင်မယ့် ကဏ္ဍမျိုးဖြစ်လာပြီ။

ဒါပေမဲ့ ပြုပြင်တိုးတက်မှု ခရီးရှည်ကြီးဟာ တစ်ညတည်းနဲ့ အပြီး မသတ်နိုင်မှန်း ကျွန်တော်တို့သိ တယ်။ အတားအဆီး၊ အနှောင့် အယှက်တွေ၊ အစပြုပုံ အမှားတွေ ရှိလိမ့်မယ်။ နောက်ပြန်သွားတဲ့ ကိစ္စတွေလည်း ရှိကောင်းရှိမယ်။ အမေရိကန်ရဲ့ ၂၃၈ နှစ်ကြာ သမိုင်းကြောင်းမှာလည်း ဒီအဖြစ် တွေအမှန်တကယ်ကြုံခဲ့ဖူးတယ်။ မြန်မာနိုင်ငံမှာတော့ လွန်ခဲ့တဲ့ ၂ နှစ်၊ သုံးနှစ်အတွင်းမှာ တွေ့ကြုံခဲ့တယ်။ ကျွန်တော်တို့ဟာ တိုး တက်မှုတချို့ကို တွေ့မြင်ခဲ့ရပြီ။ ဒီတိုးတက်မှုတွေကို အသိအမှတ် ပြုသင့်တယ်။

ကျွန်တော်တို့ သိထားပြီးသားပါ။ ဒါပေမဲ့ တကယ်တမ်းအချက်အလက်တွေအရ နိုင်ငံရေး အကျဉ်းသားတွေ လွတ်မြောက် လာတယ်။ လူတွေက နိုင်ငံရေးဆွေးနွေးမှုတွေမှာ ပိုပြီးတော့ပါဝင်လာတယ်။ လွှတ်တော်တစ်ရပ်ရှိလာပြီ။ အရပ်ဘက်အဖွဲ့ အစည်းတွေ ထွက်ပေါ်လာတယ်။ ဒီလို အခြေအနေတွေ ရှိပေမယ့်တချို့သော ပြုပြင်ပြောင်းလဲမှု တွေကတော့ လုံလောက်တဲ့ မြန် ဆန်တိုးတက်မှု မရှိသေးဘူး။ သတင်းမီဒီယာသမားတွေ၊ လူ နည်းစု တိုင်းရင်းသားတွေကို ဖိနှိပ်တိုက်ခိုက်မှုတွေ ရှိနေသေးတယ်။ အမေရိကန်အနေနဲ့ ရခိုင်ပြည် နယ်နဲ့ ပတ်သက်ပြီး လူသားချင်းစာနာမှု ကဏ္ဍအတွက် အလေးအနက် စိုးရိမ်နေဆဲ ဖြစ်တယ်။လူနည်းစုတချို့ဟာ ခွဲခြားဆက် ဆံမှုနဲ့ ဖိနှိပ်အနိုင်ကျင့်မှုတွေကို ခံစားနေရတုန်းပဲ။

ဒီခရီးစဉ်မှာ ကျွန်တော်ဟာ သမ္မတ ဦးသိန်းစိန်ရယ်၊ ဒေါ် အောင်ဆန်းစုကြည်ရယ်နဲ့ တွေ့ဆုံခဲ့တယ်။ ပြီးတော့ လွှတ်တော်အမတ်တွေ၊ အရပ်ဘက်အဖွဲ့အစည်း ခေါင်းဆောင်တွေနဲ့လည်း တွေ့ဆုံဖြစ်ခဲ့တယ်။ ကျွန်တော်တို့

အဓိကဆွေးနွေးခဲ့တာက လူ့အခွင့်အရေးနဲ့ လွတ်လပ်ခွင့်ကို အသေအချာလေးစားတန်ဖိုး ထားဖို့ပဲ ဖြစ်ပါတယ်။ ဒီနိုင်ငံရဲ့ပြည်သူ

တွေဟာ ဒေသတွင်းမှာရော ကမ္ဘာပေါ်မှာပါ သူတို့နဲ့ မှန်ကန်ထိုက်တန်တဲ့ နေရာကို ရောက်ရှိနိုင်လိမ့်မယ်။ နောက်ပြီးကျွန်တော်ဂုဏ်ယူစွာနဲ့ ကြေညာချင်တာက မြန်မာနိုင်ငံကို Peace Corps ရောက်ရှိလာမယ် ဆိုတာပါပဲ။ ဒါဟာ ကျွန်တော်တို့ ပြည်သူတွေကြား ပေါင်းကူးမှုကို ပိုပြီး လေးနက်ခိုင်မာစေဖို့ ဖြစ်ပါတယ်။ ဒီအခြေအနေဟာ အမေရိကန် လူငယ်တွေကို မြန်မာနိုင်ငံက လူ ငယ်တွေနဲ့ ထိတွေ့ဆက်နွှယ်ဖို့ အရမ်းကောင်းမွန်တဲ့ အခွင့်အရေး မျိုးဖန်တီးပေးလိမ့်မယ်။ ဒီလိုပြည်သူအချင်းချင်းထိတွေ့ ဖလှယ်မှုဟာ အစိုးရချင်းထိတွေ့ ဆက်နွှယ်မှုလိုပဲ အရေးကြီးတယ်။ပိုပြီး အရေးပါတာလည်း ဖြစ်ချင်ဖြစ်မယ်။

ဒါကြောင့် တိုးတက်ပြောင်း လဲမှုတွေကတော့ မလွဲဧကန် ဖြစ် လာမှာပဲ။ သမိုင်းကြောင်းဟာ အမြဲတမ်းရှေ့ကို ချီတက်နေတာမဟုတ်ဘူး။ သမိုင်းဟာတစ်ခါတလေဘေးကို ယိုင်သွားတတ်တယ်။ တစ်ခါတလေ နောက်ပြန်ဆုတ်သွားနိုင်တယ်။ နှစ်ပေါင်းများစွာ ပဋိပက္ခတွေဖြစ်ခဲ့ပြီးတဲ့အချိန် ယုံကြည်မှုကို ပြန်လည်တည်ဆောက်တဲ့အခါ အချိန်ယူရမှာပဲ။ အတိတ်ကိုပြန်ကြည့်ပြီး ဖြစ်ရပ်ဆိုးတွေကြောင့်ရလာတဲ့အနာတရတွေဟာ သတ္တိကို ဆောင်ကြဉ်းပေးတယ်။ လွတ်လပ်မှုနဲ့ဒီမိုကရေစီကို လက်တွေ့ရယူနိုင်ဖို့အတွက် ကောင်းမွန်တဲ့ ယုံကြည်စိတ်နဲ့ စိတ်ဓာတ်ခွန်အားမျိုး လိုအပ်တယ်။ ပြီးတော့သည်းခံနိုင်စွမ်း၊ မတူကွဲပြားမှုတွေကို လေးစားတန်ဖိုးထားမှုတွေအပြင် ပြည်သူလူထုအားလုံးရဲ့ ဆန္ဒအလျောက်

ပါဝင် ကူညီဆောင်ရွက်မှုတွေလည်း လိုအပ်ပါတယ်။ အမေရိကန်ပြည်သူတွေက အခွင့်အရေးတွေ၊ လွတ်လပ်မှုတွေဆိုတာဟာ အလကားရလာတာမဟုတ်မှန်း သိကြတယ်။ စည်းမျဉ်းစည်းကမ်းတွေ၊ စိတ်မသက်မသာဖြစ်မှုတွေကိုယုံကြည်စိတ်နဲ့ ရုန်းကန်ဖြတ်သန်းရင်း အရယူနိုင်ခဲ့တာဖြစ်တယ်။ ဒီလိုရုန်းကန်ရမှုတွေကို ဦးဆောင်တဲ့ သူတွေဟာလူငယ်ပိုင်းတွေ ဖြစ်နေလေ့ရှိတယ်။ တဖြည်းဖြည်းချင်းတည်ဆောက်ယူရတာကို လက်ခံရင်းအချိန်အတိုင်းအတာတစ်ခုမှာ ကျွန်တော်တို့ရဲ့ အမေရိကန်ပြည်ထောင်စုကို ပြီးပြည့်စုံစေခဲ့ပါတယ်။

အခု ကျွန်တော်နားလည် ထားတဲ့ မြန်မာစကားပုံ တစ်ခုရှိ တယ်။ ကျွန်တော်ပြောမယ့်စကား မှန်၊ မမှန်သေချာအောင် အရင် လုပ်လိုက်ဦးမယ်။ ငုပ်မိသဲတိုင် . . . ကျွန်တော့်ကို ကူကြပါဦး။ အဲဒါ မှန်ရဲ့လား။ တက်နိုင်ဖျားရောက်။ (လက်ခုပ်သံများ)

မြန်မာစကားကို နားမလည်တဲ့ ကျွန်တော်အပါအဝင် (ရယ်သံများ) အမေရိကန်တွေအတွက် ကတော့ ဒီစကားရဲ့ အဓိပ္ပာယ်ဟာ ရေထဲကို ငုပ်လျှိုးသွားမယ်ဆိုရင် အောက်ခြေသဲမြေထိ ရောက်ရပါ မယ်။ အမြင့်ကို တက်မယ်ဆိုရင် ထိပ်ဆုံးနေရာထိ ရောက်ရပါ မယ်။ မဆုတ်မနစ်အားထုတ်မှု ကို ထိန်းထားရမယ်ဆိုတဲ့ သဘောပါ။

အမေရိကန်ဟာ ဒီနိုင်ငံနဲ့ ဒီဒေသရဲ့ လူငယ်လူရွယ်တွေကို သူတို့ မျှော်လင့်တဲ့ အမြင့်ဆုံးနေ ရာ ရောက်တဲ့အထိ တက်နိုင်ဖို့ အတွက် ကူညီသွားဖို့ စိတ်ပိုင်း ဖြတ်ထားပါတယ်။ ဒီနိုင်ငံအပေါ် ကျွန်တော်တို့ ယုံကြည်ထားတယ်။ ဒါကြောင့်လည်း ကျွန်တော်ဟာ ပြီးခဲ့တဲ့ နှစ်အနည်းငယ်အတွင်း ဒီကို နှစ်ကြိမ်တိုင်တိုင် ရောက်ခဲ့ တာပေါ့။ ဘာဖြစ်လို့လဲဆိုတော့ ကျွန်တော်တို့ဟာ ဒီမိုကရေစီ အခြေခံတွေဖြစ်တဲ့ တာဝန်ယူနိုင် တဲ့ တုံ့ပြန်နိုင်တဲ့ အနာဂတ်မျိုးကိုတွေ့မြင်နေရလို့ပဲ။ အဲဒီအနာဂတ်မှာ နိုင်ငံရေး တက်ကြွလှုပ်ရှား သူတွေ လွတ်လပ်လာမယ်၊ ဂျာ နယ်လစ်တွေဟာ အမှန်တရား နောက် လိုက်ခွင့်ရလာမယ်၊ လူနည်းစု တိုင်းရင်းသားတွေဟာ အကြောက်တရားမရှိဘဲ နေထိုင်လာနိုင်မယ်။

ဒါကြောင့် ကျွန်တော်တို့ ဟာ ဒီနိုင်ငံအပေါ် စွန့်စားရွေး ချယ်ခဲ့တယ်။ ဒါ့အပြင် ဒီဒေသတစ်ခုလုံးကိုလည်း စွန့်စားရွေးချယ်လိုက်တယ်။ ဘာဖြစ်လို့လဲ ဆိုတော့ ကွဲပြားတဲ့ နိုင်ငံတွေ၊ ကိုးကွယ်ယုံကြည်မှုတွေ၊ တိုင်းရင်းသားမျိုးနွယ်တွေဟာ အတူတကွ ပေါင်းစည်းလာပြီး အပြင်လောကရဲ့ စိန်ခေါ်မှုတွေကို ဦးတည် ရင်ဆိုင်လာကြတယ်။ သဘာဝပတ်ဝန်းကျင် ထိန်းသိမ်းရေး၊ လူ့အခွင့်အရေး၊ ပညာရေးအဆင့် မြှင့်တင်မှု၊ ဆင်းရဲမွဲတေမှု တိုက်ဖျက်ရေး၊လုပ်ငန်းခွင် နယ်ပယ်၊ အစိုးရနဲ့ အသင်းအဖွဲ့တွေမှာ အမျိုးသမီးတွေရဲ့ အခန်းကဏ္ဍမြှင့်တင်ရေး၊ သဘာဝဘေးအန္တရာယ်တွေကို တွန်းလှန်နိုင် စွမ်းမြှင့်တင်ရေး၊ စီးပွားရေး ဖွံ့ဖြိုးတိုးတက်မှု စတာတွေမှာ နောက်ထပ် လူငယ်တွေဟာ ခင် ဗျားတို့ရဲ့ ခြေရာကို လိုက်နင်းရ မယ်။ ကောင်းမွန်တဲ့ ပညာသင်ယူမှုနဲ့ အခွင့်အလမ်းတွေ ရှိရ မယ်။

ငယ်ရွယ်တဲ့ ခေါင်းဆောင်တွေဟာ ဒေသတွင်းမှာ ရှိနေတဲ့ ကွဲပြားခြားနားမှုတွေကို အားနည်းချက် တစ်ခုအနေနဲ့ လက်ခံယုံကြည်ရမှာ မဟုတ်ဘူး။ ခွန်အားတစ်ရပ်လို့ ခံယူရမှာဖြစ်တယ်။ ကျွန်တော်တို့ဟာ တစ်ဦးချင်းအရ ကွဲပြားခြားနားမှုတွေ အများကြီး ရှိတယ်ဆိုတာကို သတိပြုရမယ်။ မတူညီတဲ့ ဓလေ့ထုံးစံတွေ၊ လူ့အသိုက်အဝန်းတွေပေါ့။ ဒါပေမဲ့ကျွန်တော်တို့ဟာအတူတကွ ပေါင်းစည်း လုပ်ဆောင်တဲ့အခါပိုပြီး သန်မာ အားကောင်းလာလိမ့်မယ်။

ဒီတော့ ဒီဒေသ၊ ခင်ဗျားတို့ ဒေသရဲ့ အနာဂတ်ကို စစ်အာဏာရှင်၊ ဒါမှမဟုတ် စစ်တပ်ရဲ့ အလိုအတိုင်း ဖော်ဆောင်ရမှာ မဟုတ်ဘူး။ ဒီဒေသရဲ့ အနာဂတ်ကို စွန့်ဦးလမ်းပြသူတွေ၊ တီထွင်ဖန်တီးသူတွေနဲ့ အိပ်မက်ကို လက်တွေ့ အကောင်အထည် ဖော်သူတွေက ဖန်တီးရမှာ ဖြစ်တယ်။ ခင်ဗျားတို့ဟာ အဲဒီအရာတွေကို လက်တွေ့ လုပ်ဆောင်ရမယ့် ခေါင်းဆောင်တွေ ဖြစ်လာရမယ်။ ခင်ဗျားတို့ရဲ့ မျိုးဆက်ဟာ လူ့အသိုင်းအဝိုင်းကို ပုံဖော်ရာမှာ တခြားအရင် မျိုးဆက် အားလုံးထက် ပိုပြီးတော့ အလားအလာကောင်း တွေ ပိုင်ဆိုင်ထားတယ်။ ဘာဖြစ်လို့လဲဆိုတော့ ခင်ဗျားတို့မှာ နေရာတိုင်းက စွမ်းအားနဲ့ ဗဟုသုတတွေ ရှိနေလို့ပဲ။ ခင်ဗျားတို့မှာ မိဘတွေ၊ ဘိုးဘွားတွေထက် ပိုင်းခြားသိမြင်နိုင်စွမ်းနဲ့ အတွေ့အကြုံကောင်းတွေ ပိုများလာတယ်။ ပြီးတော့ ခင်ဗျားတို့ဟာ အခုအချိန်မှာ ဒီဒေသကြီး တစ်ခုလုံးအ ပြင် တစ်ကမ္ဘာလုံးက လူငယ်တွေ နဲ့ အတွေ့အကြုံ၊ ဗဟုသုတတွေ မျှဝေဖို့ အခွင့်အလမ်းကောင်းတွေ ရှိနေပြီ။ လွန်ခဲ့တဲ့ နှစ် ၂၀၊ ဒါမှမဟုတ် နှစ် ၅၀ လောက်က ဒါမျိုး မဖြစ်နိုင်ဘူးလေ။

လမင်းဦးဟာ မြန်မာနိုင်ငံသားတွေရဲ့ ဇာတ်ကြောင်းကို ပြောပြနိုင်ဖို့ သူ့ရဲ့အင်အားကို အသုံးချခဲ့တယ်။ အမေရိကန်က ဂတ်တီစ်ဘာ့ဂ် ကောလိပ်မှာ သူပညာသင်ယူခဲ့တယ်။ Facebookကနေ စောင့်ကြည့်ရင်း သိလာတဲ့အပြောင်းအလဲတွေက မွေးရပ်မြေကို ပြန်သွားဖို့ သူ့ကို လှုံ့ဆော်ပေးခဲ့တယ်။ နောက်တော့ မြန်မာ့လယ်သမားတွေရဲ့ အခက်အခဲ တွေအကြောင်း ဖော်ပြထားတဲ့ ဆုရ Documentary တစ်ခုကို ဖန်တီးနိုင်ခဲ့တယ်။ ပြီးတော့ သူကပြောခဲ့တယ်။ ‘‘ကျွန်တော့် နိုင်ငံဟာ နှစ်ပေါင်းများစွာ တံခါးပိတ်နေခဲ့တယ်။ နောက်ထပ် ပြောပြစရာ ဇာတ်လမ်းတွေ အများကြီး ရှိသေးတယ်’’ဆိုတာပါပဲ။ ဒီတော့ ခင်ဗျားတို့ လူငယ်တွေမှာ ပြောစရာ ရှိတာတွေကို ပြောပြဖို့ အခွင့်အရေးရှိတယ်။ ဒီလို ဇာတ်လမ်းတွေကို ပြောပြရမယ်။ ခင်ဗျားတို့မှာ ဒီမိုကရေစီ အစိုးရ တစ်ရပ်အတွက် အရမ်းအရေးပါတဲ့ ဖွဲ့ စည်းအုပ်ချုပ်ပုံ ဥပဒေတွေကို တိုး တက်လာအောင် မြှင့်တင်လုပ်ဆောင်နိုင်တဲ့ စွမ်းအားမျိုး ရှိတယ်။ ပြီးတော့ အရပ်ဘက် အဖွဲ့အစည်းတွေ၊ သမာသမတ်ကျတဲ့ တရားစီရင်မှုစနစ်၊ လွတ်လပ်တဲ့ သတင်းထုတ်ပြန်မှု၊ ကိုယ်ပိုင် စီးပွားရေး လုပ်ငန်းတွေ ဖော်ဆောင်ဖို့က အစပေါ့။ ဒါတွေကို တည်ဆောက်ဖို့က ဒီနိုင်ငံမှာအရမ်းလိုအပ်နေတယ်။

မြန်မာလို နိုင်ငံမျိုးတွေမှာ ခင်ဗျားတို့ လူငယ်တွေက အဲဒီလို နည်းလမ်းတွေကနေ ပါဝင်ကူညီဖို့ဆိုတာ အရမ်းအရေး ပါတယ်။ ခင်ဗျားတို့ကို ဥပမာတစ်ခုလောက် ပြောပြပါရစေ။ ရိုင်ယန်လူးဝစ်မက်ဒရစ်ဟာ ဂျာနယ်လစ် တစ်ယောက်ဖြစ်လာဖို့ အိပ်မက်မက်ခဲ့သူဖြစ်တယ်။ သူချစ်မြတ်နိုးတဲ့ ဖိလစ်ပိုင်နိုင်ငံမှာ တိုင်ဖွန်းမုန်တိုင်းကြီး တိုက်ခတ်ခဲ့ပြီးတဲ့ နောက် အပျက်အစီးတွေကြား မတ်တတ်ရပ်နေတဲ့ အချိန်မှာ သူ ဟာ ကိုယ့်နိုင်ငံသားတွေနဲ့အတူ ပြန်လည် တည်ဆောက်ရေး ကဏ္ဍရဲ့ အစိတ်အပိုင်း တစ်ရပ်အဖြစ် ပါဝင်ဖို့ ရွေးချယ်ခဲ့တယ်။ ဒီနေ့မှာတော့ သူကိုယ်တိုင် ပါဝင်ပူးတွဲ တည်ထောင်ထားတဲ့ အဖွဲ့အစည်း ဟာ ဆိုလာအမိုးပြားတွေ ဖြန့်ဝေပြီး လူ့အဖွဲ့အစည်းရဲ့ ဖွံ့ဖြိုးမှုနဲ့ ပြန်လည် နာလန်ထမှု အတွက် ကူညီပေးနေပါပြီ။ သူဟာကိုယ်ပိုင် ကျွမ်းကျင်မှုတွေကို အသုံးချပြီး တခြား ဖွံ့ဖြိုးဆဲ တိုင်းပြည်တွေက လူငယ်တွေကို ကိုယ့်နိုင်ငံ၊ကိုယ့်ပြည်သူတွေကို တတ်စွမ်းသ၍ ကူညီနိုင်အောင် တိုက်တွန်းနေ တယ်။ ကမ္ဘာလုံးဆိုင်ရာ အတိုင်းအတာထိ တွေးတောရင်း ဒေသတွင်း အတိုင်းအတာနဲ့ စပြီး လုပ်ဆောင်တယ်။ လူသားတွေရဲ့ ဂုဏ်သိက္ခာဆိုတာ တစ်ကမ္ဘာလုံး လေးစားလိုက်နာရတဲ့ အရာတစ်ခု ဖြစ်ရုံမျှ မကဘဲ လူ့အခွင့်အ ရေး တစ်ရပ်လည်း ဖြစ်တယ်ဆို တာ ကျွန်တော်တို့ အမြဲတမ်း အမှတ်ရနေအောင် လုပ်ဆောင်ဖို့အတွက် ခင်ဗျားတို့မှာ အစွမ်းရှိ တယ်။

ပြီးတော့ ဝေဝေနုဟာ နိုင်ငံရေး အကျဉ်းသား တစ်ယောက်အနေနဲ့ သူ့ရဲ့ငယ်ဘဝ သက်တမ်းခုနစ်နှစ်လောက်ကို သံတိုင်တွေနောက်မှာ ဖြတ်သန်းခဲ့ရတယ်။ အဲဒီအချိန်တွေကို ဘဝရဲ့ တက္ကသိုလ်လို့ သူက ခေါ်ခဲ့တယ်။ ဒီနေ့မှာတော့ သူဟာ အဲဒီလို ခက်ခက်ခဲခဲ ရယူခဲ့ရတဲ့ တက္ကသိုလ်ဘွဲ့မျိုးကို သည်းခံနိုင်မှု စွမ်းရည်အတွက် လက်တွေ့ အသုံးချနေပြီ။သူပြောတာက “ကျွန်မတို့ဟာ လည်း အကြောင်းတရား တစ်ခုတည်းအတွက် အရာများစွာကို စတေးခဲ့ရတယ်။ အဲဒါ ဒီမိုကရေစီပဲ”တဲ့။

မုန်းတီးမှုတွေကို ကျော်လွှားဖို့အတွက် ခင်ဗျားတို့မှာ အခွင့်အရေးရှိတယ်။ ချုပ်တည်းမှုထက် လွတ်မြောက်မှုဆီ သေချာဦးတည်နိုင်အောင် လုပ်ဆောင်ပါ။ ခင်ဗျားတို့ တိုင်းပြည်ကို အုပ်ချုပ်နေတဲ့ အကြောင်းတရားဟာ ကြောက်ရွံ့ခြင်းထက် မျှော်လင့်ချက် ဖြစ်နေတာ သေချာအောင် လုပ်ပါ။ ခင်ဗျားတို့ဟာ ကိုယ့်နိုင်ငံကို ကွဲပြားပြီး သစ်လွင်တဲ့ လမ်းကြောင်းတစ်ခုပေါ် သတ်မှတ်ပေးနိုင်တဲ့ စွမ်းအားမျိုး ရှိပါတယ်။

အမေရိကန်က ခင်ဗျားတို့ကို လက်တွဲဖော်အဖြစ် အလိုရှိနေတဲ့ အကြောင်းတရား အားလုံးက ဒါပါပဲ။ ကျွန်တော်တို့က ခင်ဗျားတို့ရဲ့ အနာဂတ်ကို ကိုယ်တိုင်ပုံဖော်ရာမှာ အတတ်နိုင်ဆုံး နည်းလမ်းမျိုးနဲ့ ကူညီပေးချင်တယ်။ ကမ္ဘာကြီးကို ပြောင်းလဲဖို့အတွက် ခင်ဗျားတို့ လိုအပ်တဲ့ ကိရိယာတွေ၊ အဆက်အသွယ်တွေ၊ အရင်းအမြစ်တွေကို ပိုင်ဆိုင်လာဖို့ ကျွန်တော်တို့က လိုလားတယ်။

ဒီတော့ ကျွန်တော်တို့ လုပ်ပေးနိုင်တဲ့ လမ်းကြောင်းတစ်ခုက ကျွန်တော့် အနေနဲ့ YSEALIကို ထင်ရှားမြင်သာတဲ့ တိုးချဲ့မြှင့်တင် မှု တစ်ခုနဲ့ ကြေညာလိုက်တာပါပဲ။ ဒီအသိအမြင် ဖလှယ်ရေး အစီအစဉ်အရ အရှေ့တောင်အာရှ နိုင်ငံတွေက လူငယ်ခေါင်းဆောင် ၅၀၀ကို နှစ်စဉ် အမေရိကန် ပြည်ထောင်စုဆီ ဖိတ်ခေါ်ပါတယ်။ ဒီလူငယ်တွေက သူတို့ရဲ့ ခေါင်းဆောင်မှု ပရော်ဖက်ရှင်နယ် စွမ်းရည်တွေ၊ အပြန်အလှန် ချိတ်ဆက် လုပ်ဆောင်မှုတွေ၊ အတွေ့အကြုံနဲ့ အတွေးအခေါ် ဖလှယ်မှုတွေ လုပ်ဆောင်ကြတယ်။ ပြီးရင်တော့ ကိုယ့်ဒေသနဲ့ ကမ္ဘာကြီးကို ပြောင်းလဲဖို့အတွက် ပိုမိုကောင်းမွန်တဲ့ ကြိုတင်ပြင်ဆင်မှုတွေနဲ့အတူ နေရပ်ကို ပြန်သွားကြပါတယ်။

ဒီလူငယ်တွေထဲက တချို့ဟာ သီတင်းငါးပတ်တာ ကာလအတွင်း အမေရိကန်ရဲ့ အကောင်းဆုံးသော တက္ကသိုလ် တချို့က လမ်းညွှန်သင်ပြမှုတွေကြောင့် အကျိုးဖြစ်ထွန်းခဲ့ပါလိမ့်မယ်။ စွန့်ဦးတီထွင်မှု၊ သဘာဝပတ်ဝန်းကျင် စောင့်ရှောက်မှု၊ လူမှုအဖွဲ့အစည်းတွေနဲ့ လူ့အခွင့်အရေးလို ကဏ္ဍတွေမှာပေါ့။ တချို့တွေကတော့ အမေရိကန် ပြည်ထောင်စုအတွင်းက ဒေသဆိုင်ရာ အစိုးရအဖွဲ့အစည်းတွေ၊ NGO တွေကပရော်ဖက်ရှင်နယ် ပုဂ္ဂိုလ်တွေနဲ့ အလုပ်တွဲလုပ်ခွင့်ရပါလိမ့်မယ်။ ပြီးတော့ ဒီအစီအစဉ်မှာ ခင်ဗျားတို့တွေဘက်က အကျိုးအမြတ်ရှိသလိုပဲ ခင်ဗျားတို့ အမေရိကန်မှာ ရှိနေစဉ် အတောအတွင်း အမေရိကန် ပြည်သူတွေကလည်း ခင်ဗျားတို့ဆီကနေပြန်သင်ယူရတာတွေ ရှိပါလိမ့်မယ်။ ဒါကြောင့် ခင်ဗျားတို့ကချည်း ကျွန်တော်တို့ဆီက သင်ယူနေရတာတော့ မဟုတ်ပါဘူး။

အမေရိကန်ကနေ အတွေးအခေါ်သစ်တွေ၊ အတွေ့အကြုံ သစ်တွေ ပိုင်ဆိုင်ပြီး နေရပ်ပြန်သွားတဲ့အခါ ကျွန်တော်တို့ရဲ့ သံရုံးတွေနဲ့ USAID အဖွဲ့တွေက ခင်ဗျားတို့ရဲ့ အိပ်မက်တွေ လက်တွေ့ အမှန်တကယ် ဖြစ်လာနိုင်အောင် လိုအပ်တဲ့ အထောက်အပံ့ နဲ့ အရင်းအမြစ်တွေ ကူညီပံ့ပိုးပါလိမ့်မယ်။ ဒါကြောင့် ဒီနေ့မှာ ကျွန်တော်က ဂုဏ်ယူစွာနဲ့ ကြေညာချင်တာက အမေရိကန်ဟာ နှစ်စဉ်နှစ်တိုင်း ဒီဒေသအတွင်းမှာ YSEALI အစည်းအဝေးတွေ ကျင်းပဖို့အတွက် နှိုးဆော်ဖိတ်ခေါ်တယ် ဆိုတာပါပဲ။ လူငယ်တွေအနေနဲ့ သူတို့ရဲ့ အောင်မြင်မှုတွေကို အပြန်အလှန် ဝေမျှဖို့ အခွင့်အရေးမျိုး ပေးအပ်ချင်တယ်။ ပြီးတော့ သူတို့အချင်းချင်း ချိတ်ဆက်ထားတဲ့ ကွန်ရက်ကို ပိုပြီးတော့ ပြီးပြည့်စုံလာစေချင်ပါတယ်။

ဒီတော့ ခင်ဗျားတို့ထဲက တချို့ဟာ ဒီအခွင့်အရေးကို ရယူနိုင်လိမ့်မယ်လို့ ကျွန်တော် မျှော်လင့်တယ်။ ခင်ဗျားတို့ထဲက အများစုဟာ ကျောင်းသားဘဝက ပြုပြင်ပြောင်းလဲရေး လှုပ်ရှားမှုတွေ လုပ်ဆောင်ခဲ့တဲ့ (ဒေါ်) အောင်ဆန်းစုကြည်နဲ့ မင်းကိုနိုင်တို့ရဲ့ နေရာကို ဆက်ခံဖို့၊ တည်ငြိမ်အေးချမ်းပြီး ကြွယ်ဝချမ်းသာတဲ့၊ တိုးတက်ဖွံ့ဖြိုးတဲ့ အရှေ့တောင်အာရှရဲ့ ခေါင်းဆောင်တွေအဖြစ် ခင်ဗျားတို့အတွက် မှန်ကန်သင့်တော်တဲ့ နေရာကို ရယူကြဖို့ ကျွန် တော်မျှော်လင့်တယ်။ ခင်ဗျားတို့ သာ အဲဒီအတိုင်း လုပ်ဆောင် မယ်ဆိုရင် အမေရိကန် ပြည်ထောင်စုထက် ပိုကောင်းတဲ့ မိတ်ဆွေနဲ့ လက်တွဲဖော်မျိုး ထပ်မရှိနိုင်ဘူးဆိုတာ ကျွန်တော် ကတိပေးတယ်။

ကဲ၊ ကျေးဇူးအများကြီးတင် ပါတယ်။ (ကျေးဇူးတင်ပါတယ် မြန်မာဘာသာဖြင့်) အခုကျွန် တော်ခင်ဗျားတို့ဆီက မေးခွန်းတွေကို လိုချင်ပါတယ်။ (လက်ခုပ်သံများ)။။

7daydaily

ဦးထင်လင်းဦးကို မဘသ လမ်းညွှန်မှုဖြင့် ဝံသာနုရက္ခတအဖွဲ့ တရားစွဲမည်

(Photo : Htin Lin Oo Facebook)

စာပေဟောပြောပွဲအတွင်း သာသနာနှင့် သံဃာထုကို စော်ကားသည့် အသုံးအနှုန်းများ ထည့်သွင်း ပြောဆိုသည် ဟုဆိုကာ ဝံသာနုရက္ခိတ အဖွဲ့က အမျိုးသားဒီမိုကရေစီအဖွဲ့ချုပ်(ဗဟို)ပြန်ကြားရေး အဖွဲ့ဝင် ဦးထင်လင်းဦးကို တရားစွဲဆိုမည်ဟု မဘသ ဦးဆောင်ဆရာတော် ဦးဝီရသူက မိန့်သည်။

"သုံးလပတ်အစည်းအဝေးမှာ ဆုံးဖြတ်လိုက်တာပါ။ သာသနာညှိုးနွမ်းစေမှု ၂၉၅ (က) နဲ့ တရားစွဲမှာ၊ အဲဒါကိုတော့ မဘသ လမ်းညွှန်မှုနဲ့ လုပ်နေတဲ့ ဝံသာနုရက္ခိတ အဖွဲ့က ဦးဆောင်တရားစွဲမယ်"ဟု ဦးဝီရသူက နိုဝင်ဘာ ၁၈ ရက်တွင် မိန့်သည်။

နိုဝင်ဘာ ၁၈ရက် နေ့လည်တစ်နာရီ အင်းစိန်ရွာမကျောင်းတွင် ပြုလုပ်သည့် အမျိုးဘာသာသာသနာ စောင့်ရှောက်ရေးအဖွဲ့ ဗဟိုဦးစီး သံဃာတော်များ သုံးလပတ် အစည်းအဝေးတွင် ဆုံးဖြတ်လိုက်ခြင်းဖြစ်သည်။

"တရားစွဲမယ်ဆိုတာကိုတော့ ဆုံးဖြတ်လိုက်တယ်။ အဲဒါနဲ့ ပက်သက်ပြီး တစ်ခြားအကြောင်းအရာတွေကိုတော့ အချိန်သင့်ရင် ထုတ်ပြန်ပေးပါမယ်"ဟု ၀ံသာနုရက္ခိတအသင်း ဗဟိုအဖွဲ့ဝင် တရားလွှတ်တော် ရှေ့နေ ဦးအေးပိုင်က ဆိုသော်လည်း အသေးစိတ်ကိုမူ ထုတ်မပြောပေ။

အောက်တိုဘာ ၂၃ရက်၊ စစ်ကိုင်းတိုင်း၊ ချောင်းဦးမြို့နယ် စာပေဟောပြောပွဲတွင် ဦးထင်လင်းဦး၏ ပြောဆိုချက်အချို့သည် သံဃာတော်တို့ကို ထိခိုက်သည်ဖြစ်၍ သံဃာထု အစား မဘသက တုန့်ပြန်ခြင်းဖြစ်သည်ဟု ဦးဆောင်ဆရာတော် တစ်ပါးဖြစ်သူ ဦးက္တွန္ဒာစက္ကာဘိဝံသက မိန့်ထားသည်။

အမျိုးသားဒီမိုကရေစီအဖွဲ့ချုပ်ကမူ ဦးထင်လင်းဦး၏ စာပေဟောပြောပွဲပြောဆိုချက်များသည် ပါတီ၏ မူဝါဒ၊ ရပ်တည်ချက်များမဟုတ်သည့် အပြင် ပါတီကိုယ်စားပြု ဟောပြောရန် သီးသန့် တာဝန်ပေးထားခြင်းမရှိဟု နိုဝင်ဘာ ၁၈ ရက်တွင် ထုတ်ပြန်သည်။

ကာယကံရှင် ဦးထင်လင်းဦးကို မဇ္ဈိမက တယ်လီဖုန်းဖြင့် ဆက်သွယ်ရန် ကြိုးပမ်းသော်လည်း ပြန်လည်ဖြေဆိုခြင်းမရှိပေ။
mizzima