“ ငါ အိုသွားသော အခါ ”

မိဘတွေကို စောင့်ရှောက်ခွင့်ရတဲ့ သူဖြစ်ခဲ့ရင် အောက်ပါအချက်တွေကို သိထားသင့်ပါတယ်။ သင် အိုသွားတဲ့အခါ စိတ်ချမ်းသာနိုင်ဖို့ သင့်သားသမီး တွေကို လမ်းပြပေးနိုင်ပါလိမ့်မယ်။ “ဆိုးတာလုပ်ရင် အဆိုးရပြီး ကောင်းတာလုပ်ရင် အကောင်းရတဲ့” လောက သဘာဝကို တို့တွေ သိထားပါတယ်....

``ချည့်နဲ့ နဲ့ လက်တွေနဲ့  ထမင်းဟင်းတွေ အင်္ကျီပေါ်ဖိတ်စင်သွားတဲ့ အခါ အင်္ကျီ ၊လုံချည် ဖိုသီဖတ်သီဖြစ်နေတဲ့ အခါ မရွံပါနဲ့ ၊ ငယ်ငယ်တုန်းက အမေ သုတ်သင်ပေးခဲ့ တာတွေကို ကျေးဇူးပြုပြီး ပြန်သတိရပေးပါ။

``ပြောဖူးတဲ့  စကားတွေ ပြန်ပြောမိတဲ့ အခါ စကားမဖြတ်ဘဲ ကျေးဇူးပြုပြီး နားထောင်ပေးပါ။ ငယ်ငယ်တုန်းက အိပ်ရာဝင်တိုင်း တစ်ထောင့်တစ်ညပုံပြင်တွေ၊ ငါးရာ့ငါးဆယ်နိပါတ်တော်တွေကို မရိုးအောင်ပြောရင်း ချော့သိပ်ခဲ့တာတွေ သတိရပေးပါ။

``မလှုပ်ရှားနိုင်လို့  ရေချိုးဖို့  အကူအညီ လိုတဲ့အခါ မငြိုငြင်ပါနဲ့ ။ ငယ်ငယ်တုန်းက ချော့တစ်လှည့် ခြောက်တစ်လှည့် ရေချိုးပေးခဲ့ ဖူးတဲ့  ပုံရိပ်လေးတွေကို မြင်ယောင်ပေးပါ။

``ခေတ်သစ်၊ နည်းပညာသစ်တွေကို မသိနားမလည်ခဲ့ ရင် မလှောင်ပါနဲ့ ။ ငယ်ငယ်တုန်းက ဘာကြောင့်ဆိုတဲ့မေးခွန်းတိုင်းကို စိတ်ရှည်စွာ ပြန်ဖြေခဲ့တာကို သတိရပေးပါ။

``စိတ်သွားတိုင်း ကိုယ်မပါ နွမ်းလျပြီး လမ်းမလျှောက်နိုင်တဲ့ အခါ ခွန်အားပါတဲ့ လက်တစ်စုံနဲ့  ကူတွဲပေးကြပါ။လမ်းလျှောက်သင်စ အရွယ်တုန်းက တစ်လှမ်းချင်း လမ်းလျှောက် လေ့ကျင့်ပေးခဲ့တာတွေကို သတိရပေးပါ။

``တစ်နေ့ ထက်တစ်နေ့  အိုစာသွားတာကို ကြည့်ပြီး ၀မ်းမနည်းပါနဲ့ ။ နားလည်ပေးပါ။ အားပေးပါ။ အရန်တုန်းက သင့် ဘ၀သက်လမ်းအတွက် လမ်းညွန်ခဲ့ သလို အခုအချိန်မှာ သင့်မိဘ ဘ၀ နောက်ဆုံး အချိန်အတွက် ဖော်ပြုပေးပါ။

အိုမင်းသွား တဲ့ အခါမှာ တို့ တွေရဲ့ မိဘတွေ အရင်လို မဟုတ်တော့ဘူး။ နားလည်ပေးပါ။ စိတ်ရှည်ရှည်ထား ဆက်ဆံပေးပါ။
ချစ်ခြင်း မေတ္တာဖြင့် အေးမြတဲ့ အပြုံးတွေဟာ မိဘ မေတ္တာမှာသာ တွေ့ ရမှာပါ။

စာဖတ်သူများလည်း မိဘတွေကို ကျေးဇူးဆပ်နိုင်တဲ့ အလုပ်ကျွေးပြုနိုင်တဲ့ သားသမီးများ ဖြစ်နိုင်ကြပါစေ လို့  ဆန္ဒပြုလိုက်ပါတယ်။

Credit to - Internet sources

Yangon Life Myanmar မှကူးယူဖော်ပြသည်

ဧမြ၀တီရပ်မှာနေတဲ့ စစ်ကိုင်းသားပါဗျ.......

မြန်မာယူ-၁၉ အသင်းက နံပါတ်-၁၇သီဟထက်အောင် ဟာ
ဇေယျာရွှေမြေလူငယ်အသင်းကပါ။
ဧမြ၀တီရပ်မှာနေတဲ့ စစ်ကိုင်းသားပါဗျ.......

ဇေယျာမြေ (သို့မဟုတ်) မြို့တော်ဟောင်း၏ သက်ငြိမ်ရုပ်ပုံလွှာ

‘‘ရေဇလာနဒီသေလာမဟီ ဇေယျာပြည် စစ်ကိုင်းတောင် တစ်ခွင်လုံးပတ်ရံလည် ပုထိုးဘုရား စေတီ၊ ဘိုးဘွားအမွေတည်၊အကျိုးပွားစေရည်၊ တည်ထားနှစ်များကြာရှည် တစ်မျှော်တစ်ခေါ်သာပဲ ရှုလို့မဆုံးတော့ပြီ’’

ရတနာပုံတံတားပေါ် စတက်လာကတည်းက ဧရာဝတီမြစ်ပြင်ကျယ်နှင့်အတူ ဘုရားပုထိုး စေတီများဖြင့် ပြည့်လျံနေသည့် မှိုင်း ညို့ညို့ စစ်ကိုင်းတောင်က ဆီးကြိုတော့သည်။ ဧရာဝတီမြစ်ရေပြင်ကတော့ ၀ါဆို၊ ၀ါခေါင်တုန်း ကလို ပြည့်ပြည့်ဖောင်းဖောင်း မဟုတ်တော့ဘဲ ခပ်လျော့လျော့ဖြင့် ညင်ညင်သာသာလေး စီးဆင်းနေသည်။ တချို့နေရာလေးတွေမှာ ကျွန်းလေးတွေတောင်ပေါ်ချင်ချင်။ တောင်ဘက်မှာတော့ အင်းဝတံတားခေါ် စစ်ကိုင်းတံတားကြီးက ခံ့ထည်စွာတည်ရှိနေဆဲပင်ဖြစ်သည်။

မန္တလေးမြို့ထဲမှာ မွန်းကျပ်လှောင်ပိတ်နေရသည့် စိတ်တွေရတနာပုံတံတားပေါ်ရောက်တော့ လေနှင့်အတူ လွင့်စဉ်ရတော့သည်။ ဒါကြောင့်ထင်သည်။ ရတနာပုံတံတားကြီးဖွင့်ပြီးနောက်ပိုင်း ညဘက်ပိုင်းတွင် ၁၂ မိုင်ခန့်ဝေးသည့်မန္တလေးမြို့မှ ကားတွေ၊ဆိုင်ကယ်တွေဖြင့် တကူးတကလာကြသည်ကို တွေ့လာရသည်။ တစ်နေ့တခြား ရုပ်ဝတ္ထုပိုင်း ဆိုင်ရာတွေ မြန်ဆန်ပြောင်းလဲလွန်းလှသည့် မန္တလေး၏ မွန်းကျပ်မှုများအတွက် စစ်ကိုင်းသည် ခေတ္တခဏ အေးငြိမ်းရာ နေရာလေးတစ်နေရာ ဖြစ်လာခဲ့သည်။

စစ်ကိုင်းမြို့က မန္တလေးအတွက် ယခုကာလမှ အေးငြိမ်းချမ်းသာစေခဲ့သည်မဟုတ်ပါ။ ဒုတိယကမ္ဘာစစ်ဖြစ်ချိန် မန္တလေးသူ၊ မန္တလေးသားများ စစ်ဘေးစစ်ဒဏ် ပုန်းရှောင်ရာအဖြစ် စစ်ကိုင်းတောင်ဆီသို့ အပြေးအလွှား လာခဲ့ကြသည်။

သာသနာတော်ထွန်းကား ရာ၊ စေတီပုထိုးများပေါများရာ စစ်ကိုင်းတောင်မှာ ဟိုချောင် သည်ချောင် မန်းသူ၊ မန်းသား များဖြင့် ပြည့်လေတော့သည်။ မန်းသူ၊ မန်းသားများ အန္တရာယ် ကင်းဘေးရှင်းစေရန် စစ်ကိုင်းမြို့ က စောင့်ရှောက်ပေးခဲ့သည်။

သို့ကြောင့်လား မသိ။ တန်ဆောင်မုန်း ကထိန်လဆိုလျှင် ကျေးဇူးရှင် စစ်ကိုင်းတောင်တော် တစ်ရိုးမန်းသူ၊ မန်းသားများ၏ ကထိန်အလှူတော်များဖြင့် စည် ကားတော့သည်။ လပြည့်နေ့ နံနက်ခင်းကျင်းလှူဒါန်းဖို့ မတိုင် မီတစ်ရက် အဖိတ်နေ့ နေ့ခင်း နေ့လယ်ကတည်းက ကားကြီး၊ ကားငယ် အသွယ်သွယ်ဖြင့် စစ်ကိုင်းတောင်ဘက် ခြေဦးတည် ကြသည်။ လှူဖွယ်ပစ္စည်းတွေ လှပအောင်ဆင်၊ ညဘက်ဝတ်ဖို့ အနွေးထည်ထူထူထဲထဲတွေ ထည့်၊ ဆောင်းဘောက်တွေ အသံချဲ့စက်တွေ ကားပေါ်တင် ကာ မန္တလေးတစ်မြို့လုံး စစ်ကိုင်း တောင်ဆီ ရွှေ့ပြောင်းကြတော့ သည်။ တောင်ပေါ်ရောက် လှူ ဖွယ်ပစ္စည်းတွေချပြီး လူကြီးတွေ ကတော့ နောက်တစ်နေ့အတွက် ချက်ဖို့ ပြုတ်ဖို့ ပြင်ဆင်ကြသည်။ လူငယ်လူလတ်တွေကတော့ စစ်ကိုင်းတောင်တော် တစ်ရိုးခြေ ဆန့်ကြတော့သည်။

လပြည့်ညရောက်ရန် တစ် ညသာလိုတော့သည်မို့ လ၀န်းက ပြည့်ပြည့်၀၀ သာစပြုလေပြီ။ တရုတ်စံကားပန်းရနံ့တွေ တစ် ချက်တစ်ချက် ရှူရှိုက်ရသည်။ စစ်ကိုင်းတောင်ရိုး သစ်ပင်တွေ အုံ့ဆိုင်းနေသည့် လမ်းတွေပေါ် လရောင်က ပြောက်တိ ပြောက် ကျား ၀င်ရောက်နေသည်။ တန် ဆောင်မုန်းလလည်း ဖြစ်ပြန်၊ တောင်ပေါ်လည်း ဖြစ်ပြန်ဆို တော့ အနွေးထည်ကိုယ်စီ ၀တ် ထားကြရသည်။ တိတ်ဆိတ်ငြိမ် သက်လှသည့် စစ်ကိုင်းတောင် ရိုးပေါ်မှာ တစ်ဦးကိုတစ်ဦး စနောက်ရင်း ဆွမ်းဦးပုညရှင်စေတီတော်ဆီ အရောက်သွားကြ သည်။

ဆွမ်းဦးပုညရှင် စေတီတော် ကနေ အရှေ့ဘက်ကို လှမ်းမျှော် ကြည့်လိုက်တော့ မီးရောင်တစ် လက်လက်ဖြင့် မန္တလေးမြို့က လှုပ်ရှားနေဆဲ ဖြစ်သည်။ ဧရာဝတီမြစ်ရေပြင်ကတော့ လ ရောင်နှင့်အတူ အေးအေးငြိမ့် ငြိမ့်လေးစီးဆင်းနေသည်။

မြစ်တစ်ဖက်ကမ်းရွှေကြက် ကျစေတီတော် ခြေရင်းမှာမော် တော်အချို့ ဆိုက်ကပ်ရင်း အနား ယူနေပုံရသည်။ ရတနာပုံတံတား ပေါ်မှာတော့ ကားတွေဆိုင်ကယ် တွေက ဥဒဟိုသွားလာနေတုန်း။

လရောင်ဖွေးဖွေးမှာ ထုံးဖြူ ဖြူစေတီတော်တွေဆီ ဦးခိုက်သွား လာရင်း ညဥ့်နက်တော့ တည်းခို ရာချောင်တွင် ပြန်အိပ်စက်ဖို့ ပြင်ရသည်။ လူကြီးတွေကတော့ ချက်ရင်း ပြုတ်ရင်း ရှေးဟောင်းနှောင်း ဖြစ်ပြောကာ တန်ဆောင်မုန်းက ထိန်ည ဖြတ်သန်းကြသည်။ လူ ငယ်အချို့ကတော့ အပျော်အ ပျက် စရင်းနောက်ရင်း သီချင်းဆိုသူကို ဆိုနှင့် အပျင်းဖြေကြ တာလည်း ရှိသည်။ လည်ပတ်ခဲ့သူတွေကတော့ ညောင်းလည်း ညောင်း ချမ်းလည်းချမ်းလာတာ မို့ သီလရှင်ကြီးတွေ ထုတ်ပေး သည့် ပခုက္ကူစောင်တွေ ခြုံကာတစ်ဦးနှင့်တစ်ဦး တိုးဝှေ့ရင်း အိပ်စက်ကြတော့ သည်။

စစ်ကိုင်းက တန်ဆောင်မုန်း တန်ဆောင်တိုင်အပြင် သင်္ကြန် ချိန်ကာလ အခါကြီး ရက်ကြီးတို့ တွင်လည်း အဝေးဧည့်သည်တွေဖြင့် စည်ကားလေ့ရှိသည်။ သင်္ကြန်ကာလမှာတော့ စစ်ကိုင်းတောင်တစ်ကြောက ချောင်တွေမှာတရားစခန်းဝင်၊ ဒုလ္လဘ၀တ်ပြီး အား လပ်ရက်မှာ တရားဓမ္မတွေနဲ့ ပျော်မွေ့ကြသည်။

ယခင်က ထုံးဖြူဖြူ၊ ယခု တော့ မင်းအလိုကျ ရွှေရောင် တစ်ပြောင်ပြောင် ဖြစ်သွားခဲ့ရ သည့် ကောင်းမှုတော် စေတီတော် ကြီး၊ ချောမွေ့မွေ့ကတ္တရာလမ်း များ အုံ့ဆိုင်းဆိုင်း သစ်ပင်ရိပ် တွေကြားက စစ်ကိုင်းကမ်းနား လမ်းနှင့် နိမ့်လိုက်မြင့်လိုက် စစ်ကိုင်းတောင်ရိုးကြား ဖြတ် သန်းရင်းခိုတောင်ရွာမှာ မုန့်တီ ၀င်စားကာ မင်းကွန်းပုထိုးတော် ကြီးသို့ အလည်အပတ်သွားရ သည်မှာလည်း စစ်ကိုင်း၏ ရသ တစ်မျိုးပင်။

ခေတ္တလည်ပတ်သည့် ဧည့်သည်များက စစ်ကိုင်းမြို့ အေးချမ်းငြိမ်ဆိတ်တာကို သဘောကျသည်။ မြို့ခံတွေကတော့ တိုင်းဒေသကြီးတစ်ခု၏ မြို့တော်ဖြစ် နေပြီး စီးပွားရေးအရ မဖွံ့ဖြိုး လှသည့် စစ်ကိုင်းမြို့ကို အားမ လို အားမရ ဖြစ်ပုံရသည်။ လွန်ခဲ့သော ၂ နှစ်ကျော်ခန့်က စစ်ကိုင်းမြို့ ဖွံ့ဖြိုးရေး အလုပ်ရုံ ဆွေးနွေးပွဲတစ်ခုတွင် စစ်ကိုင်းမြို့ကို မန္တလေးမြို့တော်စည်ပင် သာယာရေး ကော်မတီနယ်နိမိတ် ထဲ သွတ်သွင်းပေးဖို့ တိုင်းဒေသကြီး အစိုးရအဖွဲ့တာဝန်ရှိသူများအား တင်ပြပါလေတော့သည်။ လူကြီးတွေကတော့ စစ်ကိုင်းမြို့ဟာ စစ်ကိုင်းတိုင်းရဲ့ မြို့တော်ပဲဖြစ်ကြောင်း၊ စစ်ကိုင်းမြို့ ဖွံ့ဖြိုးတိုးတက်ရေး အတွက် စီစဉ်ထားသည့် စီမံကိန်းရှိကြောင်း ရှင်းပြသည်။ စစ်ကိုင်းမြို့သားတွေကလည်း မိမိတို့မြို့ ဖွံ့ဖြိုးရေးအတွက် အစီအမံတွေ တိုင်းအစိုးရကို တင်ပြနေသည်ဟုလည်း ကြားရသည်။ဘယ်လိုပဲဖြစ်ဖြစ် သာယာရှုမောဖွယ် စစ်ကိုင်းမြို့ကြီးကတော့ မကြာမီနှစ် ၇၀၀ ပြည့်တော့မည် ဖြစ်သည်။ နှစ် ၇၀၀ ပြည့်ပွဲကိုလည်း ခမ်းခမ်းနားနား ကျင်းပရန် စီစဉ်နေကြပြီ ဖြစ်သည်။

စစ်ဘေး ဒဏ်ကြောင့် ဆရာမြို့မငြိမ်းစစ်ကိုင်းချောင်မှာ ခိုလှုံနေရချိန် ရေးသားခဲ့သည့် ‘‘စစ်ကိုင်းတောင်’’သီချင်းလေး နားထဲကြားယောင်မိသည်။

‘‘သမိုင်းပြောင်းမညှိုး စစ်ကိုင်းတောင်တော်ရိုးမှာလေ မြူခိုးရှက်ဆိုင်း အုံ့မှိုင်းပြာရီဝေ မှုန်မှုန်ရီဝေ စေတီပုထိုးဘုရားမိုးဖျားမြင့်သီ ခေါင်ဘွေ တောင်တွေ စိမ့်စမ်း ချောင်တွေ သိန်းသန်းခေမာ သောင်ကမ်းတက်လှမ်းအောင် မြင်မြေ မေဓာဝီလေး တောမှီသုံး တဲ့ ယောဂီထုံးရှာပေ။ ရောက်ကြဖူးသလား ဇေယျာရွှေမြေ မြစ်ရေခွေဝန်း လျှမ်းရှုဆန်းဖြာတွေ စစ်ကိုင်းတောင်ခြေအရောက် သွား တရားရှာချေ။ ဗုဒ္ဓဘာသာမြန်မာတစ်တွေ အတာကူးတဲ့ နှစ်ဦး ဂိမှာန်နွေ’’

စစ်ကိုင်းသည် မန္တလေး လောင်းရိပ်မိတာကြောင့် မဖွံ့ဖြိုးတာဟုဆိုကြသည်။ တကယ် တမ်းကျတော့ မန္တလေးသည် စစ်ကိုင်းရင်ငွေ့ခိုလှုံနေရသည် သာ ဖြစ်သည်။ ဘယ်အချိန်ဘယ် ကာလရောက်ရောက် မန္တလေးသူ၊မန္တလေးသားတွေအတွက် အေး ငြိမ်းချမ်းသာများ ပေးစွမ်းခဲ့သည် သာ ဖြစ်သည်။ မန္တလေးသူ၊မန္တလေးသားတွေအတွက် စစ်ကိုင်းမြို့သည် နတ်တို့ ဖန်ဆင်း ပေးသည့် နတ်ရွာတစ်ခုပင် ဖြစ်ပါ လေတော့သည်။
ဓာတ်ပုံ−ညီညီဇော်
7Day Daily

***မနှောင်း နောင်တ***

"ရှင့် အဖွားကြီးကို ဘယ်နေ့ပို့မှာလဲ ? "
နံနက် စောစောစီးစီး ဇနီးသည် ဖြစ်သူရဲ့ စိတ်မရှည်သံကို စိတ်မချမ်းမြေ့စွာ ကြားလိုက်ရသည်…။

"ပို့မှာပေါ့ကွာ.. မင်းကလဲ.. ငါ့အမေကိုပဲ မျက်စောင်းထိုးနေတာပဲ "

"အို…ထိုးရမှာပဲ… ရှင့်အမေက နေရာတကာပါနေတာကိုး… ကျွန်မ သည်းမခံနိုင်တော့ဘူး.. ရှင့်အမေကို ဒီတစ်ပတ်ထဲ ပို့ရင်ပို့.. မပို့ရင်တော့ ကျွန်မ သားလေးခေါ်ပြီး အမေ့အိမ် သွားနေတော့ မယ်…"

"ကဲ.. ဒီတစ်ပတ်ထဲ ပို့ရင် ပြီးတာပဲ မှတ်လား.."

ပြောပြီး ကျွန်တော် ပြန်လှည့်ထွက်လာခဲ့သည်..။ ကျွန်တော့် မိန်းမ ချို က အမေ့ကို ဘိုးဘွားရိပ်သာ ပို့ရန် ပြောနေခြင်းဖြစ်သည်..။ ချမ်းသာသော မာနကြီးသော ဂုဏ်ဒြပ်အရှိန်အ၀ါကြီးမားသော အသိုင်းအ၀ိုင်းမှ ပေါက်ဖွားလာသည့် သူမနှင့် ကျွန်တော် လွန်ခဲ့တဲ့ ၅ နှစ်ခန့်က လက်ထပ်ခဲ့ခြင်းဖြစ်သည်…။

ကျွန်တော်တို့ မိသားစုက ဆင်းရဲပါသည်..။ ငယ်စဉ်ကတည်းက အဖေဆုံးပါးသွားသဖြင့် မိခင်ဖြစ်သူက ဈေးရောင်းပြီး ကျောင်းထားပေးခဲ့ကာ အမေတစ်ခုသားတစ်ခု ဘ၀ဖြင့် ရုန်းကန်ခဲ့ရသည်..။ သူမနဲ့ ချစ်သူဖြစ်ရတာ ကျွန်တော့်အတွက်တော့ လုံးဝမမျှော်လင့်ခဲ့တဲ့ ဆုလာဒ် တစ်ခုဖြစ်ခဲ့သည်..။ သူမ မိသားစု အသိုင်းအ၀ိုင်းတွေ သဘောမတူ တားဆီးထားသည့်ကြားမှ ကျွန်တော့်နောက်ကို အရဲစွန့်ပြီး လိုက်ခဲ့သည်..။

ယခုဆိုရင် ကျွန်တော်တို့တွင် ချစ်စရာကောင်းသော ၃ နှစ်အရွယ် သားလေးတစ်ယောက်ကို ပိုင်ဆိုင်နေပြီဖြစ်သည်..။ ခက်တာက ချိုသည် အမေ့အပေါ် ဆက်ဆံရေးပြောင်းလဲလာခြင်းဖြစ်သည်..။ လက်ထပ်ပြီးခါစကဲ့သို့ ဆက်ဆံမှုမျိုးမတွေ့ရတော့..။ မိသားစု စီးပွားရေးလည်း ကျပ်တည်းလာတော့ အလုပ်မလုပ်နိုင်တော့ပဲ လူပို တစ်ယောက်လိုဖြစ်နေသော အမေ့အား ချို အပြစ်မြင်နေခြင်းဖြစ်သည်..။

ကျွန်တော်ကလည်း နေ့စဉ် အလုပ်ကိစ္စများနှင့် လုံးပန်းနေရသဖြင့် အမေ့ကို သိပ်ဂရုမစိုက်အားပဲ အိမ်မှာ အမြဲတမ်းရှိသော ချိုကသာ တာဝန်ယူ ပြုစုပေးခဲ့သည်..။ ယခုလည်း ကျန်းမာရေးမကောင်းပဲ ချုချာလာခဲ့သော အမေ့ကို ဘိုးဘွားရိပ်သာပို့ရန်ပြောနေခြင်း ဖြစ်သည်..။ အစက အကြံပြုပြီး ကောင်းစေချင်တဲ့ သဘောမျိုးသာ ပြောခဲ့ပေမယ့် အခုတော့ မပို့လျှင် ချိုနှင့်သာလေး အိမ်ကဆင်းသွားတော့မည့် အကြပ်ကိုင်သည့် ပုံစံမျိုးဖြစ်နေသည်..။

အတွေးကောင်းကောင်းနှင့် လှည့်ထွက်လာသော ကျွန်တော် တံခါးပေါက်ထိပ်တွင် နားထောင်နေ သော အမေ့ကို တွေ့လိုက်ရသည်..။ အမေ့မျက်ဝန်းတွင် မျက်ရည်များတွဲခိုနေသည်..။ အမေ ကျွန်တော့်ကို ကြည့်နေသော အကြည့်သည် အသနားခံသော အကြည့်..၊ တုန်ရီနေသော နှုတ်ခမ်းများမှလည်း ကျွန်တော့်ကို ပြောချင်နေသော စကားများ ရှိနေသည်ကို ကျွန်တော် သိသည်..။ ဒါပေမယ့် အမေ့ဆီက ဘာစကားမှထွက်မလာခဲ့ပါ..။ ကျလုစဲ မျက်ရည်ကို လက်ဖြင့်သုတ်ပြီး အမေ သူ့အခန်းထဲ သို့ ပြန်ဝင်သွားခဲ့သည်…။ ကျွန်တော် သက်ပြင်းရှည်ကြီးကို ပင့်ရှိုက် မိလိုက်သည်…………။

ဒီနေ့ အမေ့ကို ဘိုးဘွားရိပ်သာ ပို့ရမည့်နေ့ဖြစ်သည်..။ ယခင်နေ့တွေက သူ့မြေးလေးနှင့် ဆော့နေ တတ်သော အမေ ဒီနေ့ သူမ အခန်းထဲကကို ထွက်မလာ..။ အိမ်ရှေ့ကို ကားရောက်လာတော့ ကျွန်တော် အမေ့ကို ခေါ်ရန် အမေ့အခန်းထဲသို့ ၀င်ခဲ့သည်..။

ကုတင်လေးပေါ်မှာ မကြီးမားလှတဲ့ အ၀တ်ထုတ်လေး တစ်ထုပ် တွေ့ရပြီး အ၀တ်ထုတ်လေးဘေးမှာ ထိုင်ပြီး ဓါတ်ပုံတစ်ပုံကို သေချာစွာ ကြည့်နေသော အမေ့ကိုတွေ့လိုက်ရသည်..။ ကျွန်တော် ၀င်လာတာမြင်တော့ အမေက ဓါတ်ပုံကို ကျွန်တော်မမြင်အောင် လျင်မြန်စွာ သိမ်းဆည်းလိုက်သည်..။ ဓါတ်ပုံက ကျွန်တော် ငယ်ငယ် ရှင်ပြုတုန်းက အမေနဲ့ ရိုက်ထားတုန်းက ပုံဖြစ်သည်..။ ပြီးတော့ ကျွန်တော်ကို "သွားတော့မှာလား…သား" ဆိုပြီး အလောတကြီး မေးလာသည်..။

"ဟုတ် အမေ… ကားရောက်ပြီ.."

"အမေ့ မြေးလေးကို ခေါ်ပေးပါအုံး… နှုတ်ဆက်ချင်လို့…"

အမေ့အသံမှာ ၀မ်းနည်းသံတွေ ပါနေသည်..။ ကျွန်တော် အမေ့ကို မျက်လုံးချင်း မဆိုင်ဝံ့ပဲ သားလေးကို ခေါ်ပေးလိုက်သည်..။ အမေ က သူ့မြေးလေးကို ချီပြီး နှစ်နှစ်ခြိုက်ခြိုက် နမ်းလိုက်သည်..။ ထို့နောက် အမေ့မျက်ဝန်းမှ မျက်ရည် များကျဆင်းလာခဲ့ပြီး သားလေးကိုချကာ အ၀တ်ထုပ်လေးကို ဆွဲကိုင်လိုက်ပြီး

"သွားကြရအောင် သား…" ဆိုပြီး ရှေ့ကနေ ဦးဆောင်ကာ ကားဆီကို ထွက်ခွာသွားခဲ့ပါတယ်..။

ဘိုးဘွားရိပ်သာ သွားတဲ့ လမ်းတစ်လျှောက်လုံး ကားပေါ်မှာ သားအမိနှစ်ယောက်စလုံး စကား မပြောဖြစ်ခဲ့ကြ..။ အမေက ကားပြတင်းပေါက်ကနေ အပြင်ကို ငေးမောကြည့်ရင်း နှုတ်ဆိတ်စွာ လိုက် ပါလာသည်..။ ကျွန်တော် အမေ့ကို ငေးကြည့်နေမိသည်..။ ဘ၀ကို တစ်ယောက်တည်း ရုန်းကန်ပြီး သားကို ပညာတတ်ဖြစ်အောင် ကျောင်းထားပေးခဲ့တဲ့အမေ…၊ ကျောင်းမှာ သား မျက်နှာမငယ်အောင်. အမြဲတမ်း အကောင်းဆုံးတွေကိုပဲ ဖြည့်ဆည်းပေးခဲ့တဲ့အမေ..၊ သားကျောင်းပြန်လာလျှင် ကျောင်းပေါက်ဝကနေ အပြုံးတွေနဲ့ စောင့်ကြိုနေတတ်သောအမေ..၊ အမေ…၊ အမေ…၊ အစရှိတဲ့ အမေ့အကြောင်းတွေက ရုပ်ရှင်ကားချပ်တွေလို အစီအရီ ပေါ်လာသည်..။ ငါ့လုပ်ရပ်ဟာ အမေ့အတွက် မျှတမှု ရှိရဲ့လား…။ အမေပေးဆပ်ခဲ့တာနဲ့ ပြန်ရတာဟာ တန်ရဲ့လား…? ငါ မှားသွားပြီလား?

ကျွန်တော် စဉ်းစားနေတုန်းမှာ ကားက ဘိုးဘွားရိပ်သာထဲကို ရောက်ရှိနေခဲ့ပြီဖြစ်သည်..။ တာဝန်ကျ ၀န်ထမ်းများမှ အမေနေထိုင်ရမယ့် အခန်းကို လိုက်လံပြသပြီး အမေက သူ့အခန်းလေးထဲက ကုတင်ပေါ်မှာ အ၀တ်ထုပ်လေးကို တင်လိုက်ပြီး…

"သား … ပြန်တော့လေ… နောက်ကျနေရင် သားမိန်းမ စိတ်ပူလိမ့်မယ်…၊ ညဖက် အပြင်ထွက်ရင် အနွေးထည်လေးဘာလေး ၀တ်အုံး..၊ သားက အအေးဒဏ် မခံနိုင်ဘူး.."

ကျွန်တော့် မျက်ဝန်းမှ မျက်ရည်တို့ကို ကျွန်တော် မတားဆီးနိုင်ခဲ့ပါဘူး..၊ အမေ့ကို ပြေးဖက်လိုက်ပြီး ကျွန်တော် ကလေးတစ်ယောက်လို ရှိုက်ကြီးတငင် ငိုမိပါတော့တယ်..။ ကျွန်တော့်ရင်ထဲမှာ အမေ့ကို ပြောစရာစကားတွေ အများကြီးရှိပေမယ့် ဘာစကားမှ ထွက်မလာခဲ့ပါ…။

"သား…ကို ..ခွင့်လွှတ်ပါ..အမေရယ်…" ကျွန်တော် ငိုရှိုက်ရင်း အမေ့ကို တောင်းပန်မ်ိသည်..။

"အမေ..နားလည်ပါတယ်ကွယ်.." အမေလည်း ငိုနေတာပါလား..၊ အမေ့မျက်ဝန်းတွင်လည်း မျက်ရည်တွေ တွဲခိုနေသည်…"အမေတို့ ဖြစ်ချင်တာထက်..၊ ဖြစ်သင့်တာကို ဦးစားပေး ကြတာပေါ့.." တဲ့လေ….။

ကျွန်တော် အပြန်လမ်း တစ်လျှောက်လုံး ကားပေါ်မှာ ငိုရှိုက်လာမိသည်..။ အမေ့ကို ဒီလိုထားခဲ့ရတာ ကျွန်တော် လုံးဝစိတ်မကောင်း..၊ ရင်ဘတ်တစ်ခုလုံးလည်း တင်းကြပ်နေပြီး အသက်ရှုရတာတောင် မွန်းကြပ်နေသည်..။

ဒီလိုနဲ့ အိမ်ပြန်ရောက်လာတော့… ချိုက သားလေးကို ချော့သိပ် နေပြီဖြစ်သည်..။ ချိုက…" လူကလေးရဲ့ အိပ်ချိန်တန်…ဗျိုင်းရှေ့ကပျံ…" အစချီတဲ့ သားချော့တေးကို တိုးတိုးလေးဆိုပြီး ချော့သိပ်နေတာပါ..။ တံခါးဝကနေ ကျွန်တော် မြင်ရတဲ့ ချို သားလေးကို ချော့သိပ်နေတဲ့ ပုံစံဟာ ကျွန်တော့်ကို အမေက အဆိုပါ သားချော့တေးကို ဆိုပြီး ချော့သိပ်ခဲ့တာကို ပြန်အမှတ်ရစေ ပြီး ကျွန်တော့် မျက်လုံးထဲမှာ ချိုနဲ့ သာလေးကို မမြင်ပဲ အမေနဲ့ ကျွန်တော်ငယ်ငယ်က ပုံရိပ်တွေကို အစားထိုး ပြန်မြင်ယောင်စေမိပါတယ်..။ ကျွန်တော် မျက်ဝန်းမှ မျက်ရည်များ ထပ်မံစီးကျလာခဲ့ပြီး ကျွန်တော် ချက်ချင်းပြန်လှည့်ထွက်ခဲ့ပြီး လမ်းမပေါ် ပြေးထွက်ကာ ပြတ်သားတဲ့ဆုံးဖြတ်ချက် တစ်ခုကို ချခဲ့ပြီး တက္ကစီ တစ်စီးကို တားလိုက်ပါတယ်..။

ကျွန်တော့်အတွက် ကားမောင်းတာ အရမ်းနှေးနေသလိုပါပဲ…။ အမေ့ကို ပို့တုန်းက မြန်သလောက် အခုကျတော့ တော်တော်ကို နှေးနေသလိုပါပဲ.ကျွန်တော် အမေ့ကို အရမ်းတွေ့ချင်နေပါပြီ..။ ဘိုးဘွား ရိပ်သာကို ရောက်ရောက်ချင်းပဲ ကားပေါ်က ချက်ချင်းဆင်းပြီး ကျွန်တော် အပြေးဝင်ခဲ့ပါတယ်..။ တာဝန်ကျ ၀န်ထမ်းတွေကတော့ ကျွန်တော့်ကို နားမလည်ဘဲ အံ့သြစွာ ကြည့်နေကြပါတယ်..။ ကျွန်တော် အမေ့အခန်းထဲကို အပြေးတစ်ပိုင်း ပြေးဝင်ခဲ့ပါတယ်..။

အခန်းထဲမှာ ကျွန်တော် ငယ်ငယ် ရှင်ပြုတုန်းက အမေနဲ့ရိုက်ထားတဲ့ပုံကိုကြည့်ပြီး အမေငိုနေပါတယ်..။ ကျွန်တော် အမေ့ကို ပြေးဖက်လိုက်ပြီး ရှိုက်ကြီးတငင် ထပ်မံ ငိုမိလိုက်ပါတယ်..။ အမေကတော့ ကျွန်တော့်ကို နားမလည်တဲ့ ပုံစံရှိနေပြီး ကျွန်တော့် ခေါင်းကို ပွတ်သပ်ကာ ကျွန်တော့်ကို နှစ်သိမ့်နေပါတယ်....။ ကျွန်တော် ဘာမှ မပြောပဲ အမေ့ရဲ့ ခြေဖမိုးလေးကို ကိုင်ကာ မြတ်နိုး နှစ်ခြိုက်စွာ နမ်းရှုံ့လိုက်ပြီး………….

"သားတို့ အိမ်ပြန်ကြရအောင်…အမေ…."

***ဘယ်တော့မှ အမေ့ကို မစွန့်လွှတ်မိပါစေနဲ့…။ အဲ့ဒီဆုံးရှုံးမှုကို သင်ယခု မခံစားရရင်တောင်မှ တစ်ချိန်ကြရင် ခံစားရပြီး ကြီးမားတဲ့ နောင်တ တရား ရပါလိမ့်မယ်…။ အမေ့ကို မြတ်မြတ်နိုးနိုး ချစ်တတ်ကြပါစေဗျာ…***

အောင်ထွန်းဦး

Credit to >>> Tharlay Zinminsoe

အကျိုးရှိမယ့် စာကောင်း ပေမွန်များကို ဖြန့်ဝေခြင်းဟာလည်း သာသနာပြုခြင်း တစ်မျိုးပဲလို့ မြင့်မြတ်စွာ ခံယူပါသည်။

မေတ္တာဖြင့်-
ဓမ္မရိပ်ငြိမ် အရှင်ဝေဠုရိယ(အုတ်ဖို)
28-7-2014

သီတဂူဆရာတော်၏ ထေရုပ္ပတ္တိ

သီတဂူဆရာတော် ဦးဥာဏိဿ ရ (၁၉၃၆ခုနှစ်) မြန်မာသက္ကရာဇ် ၁၂၉၈ - ခု၊ တပါင်းလပြည့်နေ့၌ အဖ ဦးမောင်ညို၊ အမိ ဒေါ်သန်းတင်တို့က ပဲခူးတိုင်း၊ ပြည် မြို့နယ် စီရင်စု၊ သဲကုန်းမြို့နယ် ပုတီးကုန်းမြို့တွင် ဖွားမြင်သည်။
အသက်(၇)နှစ်အရွယ်တွင် သဲကုန်းမြို့တပ် အလယ်တန်းကျောင်းတွင် စတင် ပညာ သင်ကြား ခဲ့ပါသည်။
အသက်(၁၅)နှစ် အရွယ်တွင် ရှင်သာမဏေ ပြုခဲ့ပါသည်။ သက္ကရာဇ် ၁၃၁၈ - (သာသနာနှစ်-၂၅၀၀ ပြည့်နှစ်) နယုန်လဆန်း(၄)ရက်နေ့ အသက်(၁၉)နှစ် အရွယ်တွင် သဲကုန်းမြို့၌ ရဟန်းပြုခဲ့ပြီး ရှင်သာမဏေပြုချိန်မှ စ၍ ပိဋကတ် အခြေခံ ကျမ်းစာများကို သဲကုန်းမြို့တပ် အလယ်တန်းကျောင်း ဆရာတော်ထံ၌ ပြည့်စုံအောင် သင်ကြားခဲ့သည်။ ၁၃၂၂ - ဓမ္မာစရိယတန်းအောင်။ ရန်ကုန်မြို့၊ တာမွေ သိမ်ကုန်းတိုက်၊ မန္တလေးမြို့ အနောက် ခင်မကန်တိုက်၊ စကု တိုက်၊ တောင်သမန်တိုက်၊ မိုးကောင်းတိုက်၊ ဝေယံဘုံသာတိုက်၊ ဘုရားကြီးတိုက်၊ ရွှေရေးဆောင်တိုက်များတွင် အဆင့်မြင့် ပိဋကတ် ကျမ်းစာများကို သင်ကြား ခဲ့ပါသည်။ ၁၃၂၃-၂၆ - ရန်ကုန်မြို့၊ ကမ္ဘာအေး သံဃာ့တက္ကသိုလ်တွင် သာသနာပြု ပညာရပ်များ သင်ကြား ခဲ့ပါသည်။ ၁၃၂၆-၂၇ - ဧရာဝတီတိုင်း၊ လေးမျက်နှာမြို့ -ဘီ၊ ဘီအမ်အေ ကောလိပ် (မြန်မာ ဗုဒ္ဓဘာသာ၊ သာသနာပြု ကျောင်း)တွင် ပရဟိတ လုပ်ငန်းများ၌ ပါဝင် ဆောင်ရွက် ခဲ့ပါသည်။ ၁၃၂၉ - ၁၃၃၃ - စစ်ကိုင်းတောင် အနီးစခန်း ဆရာတော်ထံ၌ ပိဋကတ် ကျမ်းစာများကို (၅)နှစ်တိုင်တိုင် အင်္ဂလိပ်ဘာသာဖြင့် သင်ကြား ခဲ့ပါသည်။ ၁၃၃၄ - ၃၇ - (၄)နှစ်တိုင်တိုင် မွန်ပြည်နယ်၊ ပေါင်မြို့နယ် သပိတ်အိုင်တောရ စခန်း၌ ဧကစာကျင့်သုံးကာ ဓုရ နှစ်ပါးမပြတ် အားထုတ်ခဲ့ပါသည်။ ၁၃၃၈ - စစ်ကိုင်းတောင်၊ သဒ္ဓမ္မသီတဂူချောင်ကို စတင် တည်ဆောက်ခဲ့ပါသည်။ ၁၃၄၂ - ၄၇ - စစ်ကိုင်းတောင် ချောင်ပေါင်း (၉၀၀)ခန့်အတွက်-သီတဂူ ရေအလှူတော် စီမံကိန်းကို ဆောင်ရွက်ခဲ့ပါသည်။ (တစ်နေ့လျှင် ရေဂါလံ ၅-သိန်းခန့်ပေးဝေလျှက်ရှိပြီး ဧရာဝတီမြစ် အတွင်းမှ ရေများကို စစ်ကိုင်းတောင်ရိုးပေါ် အရောက် ဆောင်ရွက်ရခြင်း ဖြစ်ပါသည်။ ) ၁၃၄၇ - ၀ါခေါင်လပြည့်နေ့မှစ၍ သီတဂူ အာယုဒါနဆေးရုံကို တည်ဆောက်ခဲ့ပါသည်။ (တစ်လလျှင် ပျမ်းမျှကုန်ကျ စရိတ် ကျပ်သိန်း (၂၀)ခန့်ဖြင့် ဆေးဝါး ကုသ ဒါနပြုလျှက် ရှိပါသည်။) ၁၃၅၁ - ဆေးရုံပြီးမြောက် (ကုတင်-၁၀၀ဆန့် ကျပ် သိန်း ၅၀၀ကျော် ကုန်ကျပါသည်။ ) ဆရာတော်ဘုရားကြီးသည် ရေအလှူတော်၊ အာယုဒါန အလှူတော် သာမက ပညာရေး၊ လူမှုရေး၊ မိဘမဲ့ ကလေးငယ်များ စောင့်ရှောက်နိုင်ရေး အတွက်ပါ သိန်းပေါင်းများစွာ လှူဒါန်းလျက်ရှိပါသည်။ ဆရာတော်ကြီးသည် မြန်မာပြည်တွင်း ကျန်းမာရေး၊ ပညာရေးနှင့် ဧရာဝတီ အလှူတော်လုပ်ငန်များကို လုပ်ဆောင်ခဲ့သည်။ လွန်ခဲ့သည့် နှစ်ပေါင်း ဆယ်စုနှစ်များစွာကတည်းက ဆရာတော်ကြီး၏ ရေအလှူတော်၊ ဆေးရုံနှင့် ဆေးအလှူတော် လုပ်ငန်းများမှာ ကြည်နူးဖွယ်ရာ ဖြစ်သည်။ ဆားတောင်၊ သီပေါ၊ ကလေး၊ နတ်မောက်၊ ပန်းတနော်၊ ထားဝယ်၊ မင်းတပ် (ချင်းပြည်နယ်) နဲ့ မြိုင်ကြီးငူ (ကရင်ပြည်နယ်) တို့၌ ဆေးရုံများ တည်ဆောက်နေသည်။ ဆေးရုံ ၈ ရုံ ရှိပြီး ဆေးရုံ တရုံကို ကျပ်ငွေ သိန်း ၁၀၀၊ ဆေးပစ္စည်း သိန်း ၁၅၀ ကုန်ကျမှာ ဖြစ်သည်။ မျက်စိ အလင်းရရန် ခွဲစိတ် ကုသပေးနေပြီး ပြည်သူ ၁ သောင်းခွဲ ရှိသည်။ နှစ်စဉ် ၁ သောင်းခွဲ အလင်းရဖို့ လုပ်ပေးနေခြင်း ဖြစ်သည်။

ပြည်ပသာသနာပြုခရီး
၁၉၈၁ခုနှစ်မှစ၍ နိုင်ငံပေါင်းများစွာသို့ အကြိမ်ကြိမ် သွားရောက် သာသနာပြုခဲ့ပြီး အင်္ဂလန်၊ အမေရိကန်၊ အိန္ဒိယနိုင်ငံတို့တွင် ၀ါကပ် ဆိုခဲ့ပါသည်။ အမေရိကန်ပြည်ထောင်စု နက်ရ်ှဗီးမြို့၌ ၀ါဆိုစဉ် တက္ကသိုလ် ကောလိပ်များတွင် ဗုဒ္ဓဒေသနာ ကမ္မဌာန်း၊ သစ္စာလေးပါး၊ မဂ္ဂင်ရှစ်ပါးတို့ကို အမေရိကန်လူမျိုးများအား သင်ကြား ပို့ချ ဟောကြား ခဲ့ပါသည်။ ပြည်ပတွင်လည်း ဒါနပြုခဲ့၊ ပြည်ပမှ မျက်စိကု ဆရာဝန်ကြီးများအား ဖိတ်ကြား၍ ဝေဒနာရှင်များ အား အာယုဒါနဆေးရုံတွင် ခွဲစိတ်ကုသပေးခဲ့ပါသည်။ သက္ကရာဇ်-၁၄၅၄ - ၀ါဆိုလပြည့်နေ့တွင် အမေရိကန်ပြည်ထောင်စု၊ တက္ကဆပ်ပြည်နယ်၊ အော်စတင်မြို့တွင် ရဟန်းတော်(၅)ပါး၊ လူပုဂ္ဂိုလ် (၁၅)ယောက်တို့ဖြင့် ထေရ၀ါဒ ဓမ္မအသင်းကို တည်ထောင်ခဲ့ပါသည်။ ဓမ္မပြန့်ပွားရေး ဆောင်ရွက်ခဲ့ပါသည်။ ထိုသင်တန်းတွင် နက်ရ်ှဗီးမြို့၊ ဗန်ဒါဗစ် တက္ကသိုလ်၌ ကျောင်းသား၊ ကျောင်းသူများအား ပို့ချခဲ့ပါသည်။ ထိုဟောပြောချက်မှ ဓမ္မအနှစ် စာတမ်းပေါင်း (၁၅)ခု ပေါ်ထွက်ခဲ့ပါသည်။ ကမ္ဘာ့ဗုဒ္ဓတက္ကသိုလ် ၁၉၉၁ ခုနှစ်မှ စတင်၍ သဒ္ဓမ္မသီတဂူချောင်တွင် ကမ္ဘာ့ ဗုဒ္ဓတက္ကသိုလ် ဖွင့်လှစ်၍ ပိဋကတ် ကျမ်းစာ၊ ဗုဒ္ဓသာသနာ့သမိုင်း၊ သာသနာပြုနည်း၊ ကမ္မဌာန်းတရားများအား ရဟန်းတော်၊ သာမဏ၊ သီလရှင်နှင့် လူပုဂ္ဂိုလ်များအား ပို့ချပေးခဲ့ပါသည်။ ထိုတက္ကသိုလ်မှ B.A, M.A, Ph.D-ဘွဲ့များအပ်နှင်းနိုင်ခဲ့။ ၁၉၉၄ခုနှစ်တွင် အမေရိကန် ပြည်ထောင်စု၊ အော်စတင်မြို့၌ သီတဂူ ဗုဒ္ဓ၀ိဟာရကျောင်းတိုက် တည်ထောင်ခဲ့ပါသည်။ ထိုကျောင်းမှ ၂-လ တစ်ကြိမ်၊ အင်္ဂလိပ် မြန်မာနှစ်ဘာသာဖြင့် ဗုဒ္ဓ၊ ဓမ္မ စာစောင်များ ထုတ်ဝေခဲ့ပါသည်။ ဓမ္မသင်တန်း များပို့ချခဲ့ပါသည်။် ၂၀၀၂ ခုနှစ် ကမ္ဘောဒီးယားနိုင်ငံတွင် ကျင်းပသည့် ဗုဒ္ဓသာသနာညီလာခံ၌ နိုင်ငံခြားသားများအား ဓမ္မစာပေ ပို့ချခဲ့ပါသည်။ ဂျပန်၌တည်ဆောက်မည့် အပြည်ပြည်ဆိုင်ရာ ဗုဒ္ဓတက္ကသိုလ်၏ အကြီးအကဲအဖြစ် ခန့်အပ်ခြင်း ခံခဲ့ရပါသည်။

အစိုးရက ဆက်ကပ်သည့် ဘွဲ့များ
၁၉၉၃ - မဟာဓမ္မကထိက ဗဟုဇနဟိတဓရဘွဲ့
၁၉၉၅ - အဂ္ဂမဟာသဒ္ဓမ္မဇောတိကဓဇဘွဲ့
၁၉၉၆ - အဂ္ဂမဟာပဏ္ဍိတဘွဲ့
၂၀၀၂ - ရန်ကုန်တက္ကသိုလ်မှ ဂုဏ်ထူးဆောင် စာပေပါရဂူဘွဲ့ Doctor of Literature (Hononur-Causa)
၂၀၀၉တွင် "အဂ္ဂမဟာဂန္တ၀ါစကပဏ္ဍိတဘွဲ့" တို့ကို ဆက်ကပ်ပူဇော်ခဲ့ပါသည်။
၂၀၁၀ ခုနှစ်အတွက် ပြည်သူ့ဂုဏ်ရည်ဆု ဂုဏ်ပြုချီးမြှင့်ခြင်း အစီအစဉ်၏ နောက်ဆုံး ဆန်ကာတင် ပုဂ္ဂိုလ် ၅ဦးတွင် ပါဝင်ပြီး ပြည်သူ့ဂုဏ်ရည် ဂုဏ်ပြုမှတ်တမ်းလွှာနှင့် အလှူငွေ အမေရိကန်ဒေါ်လာ ၁ ထောင်ကို ရရှိသည်။

ရေးသားပြုစုခဲ့သည့် စာပေများ
၁။ပုဏ္ဏောဝါဒ သုတ္တန်(၁၉၉၇) ၂။ဒါရုက္ခန္ဓောပမာ သုတ္တန်(၂၀၀၁) ၃။ဝေဒနာနုပဿနာ သတိပဌန်တရားတော်(၂၀၀၂) ၄။လမ်းရိုးဟောင်းတွင် ဆင့်ကာထွင်(ရွှေကျင်ဆရာတော်ကြီးဘ၀ဖြစ်စဉ်အကျဉ်း)(၂၀၀၂) ၅။စကားလေးခွန်းတရားတော်(ရဌပါလသုတ်အနှစ်ချုပ်)(၂၀၀၃) ၆။လောကမျက်လုံး ကွယ်ပျောက်ခြင်းတရားတော် ၇။တက္ကသိုလ်တရားတော်(၂၀၀၄) ၈။ဗုဒ္ဓနှင့်ဗုဒ္ဓ၀ါဒ(၂၀၀၄) ၉။မမေ့အပ်သောလေးနေရာ(သံဝေဇနိယသုတ္တန်တရားတော်) ၁၀။ဝေဒနာကိုသည်းခံခြင်း တရားတော်(မဟာပရိနိဗ္ဗာနတရားတော်) ၁၁။ကဿပဂုဏ်ရည် တရားတော် ၁၂။သံဃာ့ဂုဏ်ရည်တရားတော် ၁၃။ပညာရှိတစ်ဆူကို ပူဇော်ခြင်းတရားတော် ၁၄။သာသနာပြု သူရဲကောင်းတရားတော် ၁၅။သိကြားမင်းရေးသော ခန္တီစာတမ်းတရားတော် ၁၆။ကုမုဒြာတွေပွင့်တဲ့ည တရားတော် ၁၇။ဘ၀တန်ဖိုး တရားတော်(၂၀၀၄) ၁၈။သစ္စာနှင့်မေတ္တာတရားတော်(၂၀၀၄) ၁၉။ယုံအသင်း၏ယုံမင်းတရားတော်(သသပဏ္ဍိတဇာတ်)(၂၀၀၃) ၂၀။နိယာမနှင့် အနတ္တလက္ခဏသုတ်တရားတော် ၂၁။မေတ္တာသုတ်တရားတော် ၂၂။ညီတော်အာနန္ဒာ ဆရာတော်ကြီးသည် မြန်မာသက္ကရာဇ်၁၃၃၄ - ခု၊ ၀ါဆိုလပြည့်နေ့မှစ၍ (၃၄)နှစ်ကျော်တိုင် နှစ်စဉ် တရားပွဲ ပေါင်းများစွာ ဟောကြားခဲ့ပြီး လက်ရွေးစဉ် တရားပုဒ်ရေ(၇၀)ကျော်ကို သီတဂူစာစဉ်များအဖြစ် ထုတ်ဝေပြီး ဖြစ်ပါသည်။

ကျေးဇူးတော်ရှင် ဆရာတော်ကြီးးများ၏ ထေရုပ္ပတ္တိ များကို ရှာဖွေကာတင်ပြခြင်းဖြင့် ကျေးဇူး ဆပ်နိုင်ကြပါစေ။ ကုသိုလ်ဒါနပြုနိုင်ကြပါစေ...

အောင်အောင်(မကစ)

credit;ဟန်းဂုရွာ

***အဖေဆိုသည်မှာ. . . ***

ဟိုး. .
ကျွန်တော်ငယ်ငယ် ကလေးဘဝ
စကားပြောတတ်စ အရွယ်တုန်းကပေါ့
အဖေနဲ့ အမေကမေးတယ်
ဖေဖေနဲ့မေမေ ဘယ်သူ့  ကိုပိုချစ်သလဲတဲ့
ကျွန်တော် ဖြေတယ်
''မေမေ့ကို ပိုချစ်တယ်''
အမေကပြုံးပြီးအဖေ့ကိုကြည့်တယ်
အဖေကတော့ကျွန်တော့်ကို ပြုံးပြုံးကြီးကြည့်နေလေရဲ့. . .
အဲဒီလူထူးဆန်းကြီးအကြောင်း
ကျွန်တော့်ခေါင်းသေးသေးလေးနဲ့
စဉ်းစားလို့မရခဲ့ဘူး. . . .

ဒီလိုနဲ့ . .
ကျွန်တော်အဝေးရောက်ခဲ့တယ်
အပြုံးတုတွေကြား
ကျွန်တော်ယဉ်ပါးလာတော့. . .
အဖေ့အပြုံးကို ပြန်မြင်လာတယ်. .
အဖေရယ်. . .
အမေ့ကိုပိုချစ်တယ်ပြောတော့
အဖေတကယ်ပျော်လို့ပြုံးခဲ့တာလား. . .
ကျွန်တော့်ရင်ထဲစို့နင့်နေတယ်
ဟုတ်တယ်. . .
အဖေဆိုတာ. . .
ခံစားချက်ကိုမျိုသိပ်
ကျွန်တော်တို့အိပ်မက်တွေ အရောင်လက်ဖို့
တိတ်တိတ်ကလေး ပေးဆပ်ခဲ့တဲ့သူ. . .

ကျွန်တော်ငယ်ငယ်က
မိသားစုထမင်းဝိုင်းလေး
ခုပြန်တွေးတိုင်း မျက်ရည်ဝဲတယ်
တစ်ခါတစ်ရံချက်ဖြစ်တဲ့
ကြက်သားဟင်းနဲ့နေ့ကလေးပေါ့
အမေကအသည်းအမြစ်ကလေးကို
အဖေ့ပန်းကန်ထဲဦးချတယ်
အဖေရယ်လေ. . .
အသည်းအမြစ်လေးကို လေးပိုင်းပိုင်း
ကျွန်တော်တို့မောင်နှစ်မလေးယောက်ကို
မျှပေးပြီး ကြက်ခြေထောက်နဲ့လည်ပင်းရိုးကို
သူ့ ပန်းကန်ထဲထည့်စားတယ်
ကျွန်တော်အဖေ့ကိုမေးတယ်
အဖေကဘာလို့အရိုးတွေစားတာလဲလို့
အဖေကပြုံးပြုံးကြီးဖြေတယ်
အဖေက အရိုးတွေကြိုက်လို့ပေါ့ သားရယ်တဲ့
အဲဒီလူထူးဆန်းကြီးအကြောင်း
ကျွန်တော့်ခေါင်းသေးသေးလေးနဲ့
တွေးမရခဲ့ဘူး. . .

အခု မုသားတွေကြား
ကျွန်တော်အသားကျလာတော့
အဖေ့စကားသံတွေပြန်ကြားတယ်
အဖေရယ်. . .
အဖေကြိုက်တဲ့ အရိုးတွေက
တကယ်များချိုမြိန်ခဲ့တာလား
ကျွန်တော့်ရင်ထဲစို့နင့်လာတယ်
ဟုတ်တယ်. . . အဖေဆိုတာ. . .
ဆူးခင်းလမ်းပေါ် ရဲရဲလျှောက်
ကျွန်တော်တို့ဘဝတွေ အရောင်တောက်ဖို့
မိုးကောင်ကင်ကို ဖောက်ခဲ့တဲ့သူ. . .

ငယ်ငယ်က အမေ့လက်ဖုဝါးလေး
ဆော့ကစားတော့
အဖေကလက်ဖုဝါးလေးထိုးပေးခဲ့ဖူးတယ်
ကျွန်တော်ပြောခဲ့ဖူးတယ်
မကိုင်ချင်ဘူး အဖေ့လက်တွေကကြမ်းတယ်
အဖေက ကျွန်တော့ပါးလေးမွှေးမွှေးပေးပြီး
ပေါက်တူးတစ်လက်နဲ့ လယ်တောထွက်သွားတယ်
အဲဒီလူထူးဆန်းကြီးအကြောင်း
ကျွန်တော့်ခေါင်းသေးသေးလေးနဲ့
တွေးလို့မရခဲ့ဘူး. . .

ဒီနေ့
လောကလမ်းထဲ
စမ်းတဝါးဝါးနဲ့ ငွေတွင်းကနက်တယ်
အဖေ့လက်ဖုဝါးတွေ ဘာကြောင့်ကြမ်းလဲ ကျွန်တော်သိပြီ
ကျွန်တော့်ရင်ထဲ စို့နင့်လာတယ်
ဟုတ်တယ် အဖေဆိုတာ
ကြယ်တစ်စင်းလို မမှိတ်မသုန်အလင်းနဲ့
ကျွန်တော်တို့နင်းဖို့ ဘဝကို မြေလိုခင်းပေးခဲ့တဲ့သူ. . .

မနေကတော့
အမေ့အိမ်လေး
ကျွန်တော် အပြေးရောက်ခဲ့မိတယ်
ငါ့သားအနေအစားဆင်းရဲလာတယ်
အသားဟင်းလေးချက်ပါတဲ့. . .
အဖေ့စကားသံတွေကမပီပြင်ဘူး
အဖေ့သွားတွေ အရင်လို အစီအရီမရှိကြတော့ဘူးလေ
တိုက်တိုက်ဆိုင်ဆိုင်
အမေကြက်သားဟင်းချက်တယ်
ထမင်းဝိုင်းလေးက အရင်လို လူမစုံတော့ဘူး
အမေကတော့ ဝတ္တရားမပျက်
အဖေ့အတွက် ဦးချမြဲ
အသည်းအမြစ်ကလေးပါပဲ. . .
အဖေရယ်လေ
တုန်တုန်ရင်ရင် သူ့လက်ကလေးနဲ့
ကျွန်တော့်ပန်းကန်ထဲ ထည့်ဖို့ပြင်နေလေရဲ့
ကျွန်တော်အဖေ့လက် ရှုံ့ရှုံ့လေးကိုဖွဖွကိုင်ပြီး အဖေစားပါအဖေရယ်လို့  ပြောမိတယ်
ကျွန်တော့်ပါးပြင်ပေါ် မျက်ရည်တွေ တလိမ့်လိမ့် စီးကျလာတယ်
ကျွန်တော်အဖေ့ကို လက်အုပ်ကလေးချီလိုက်ပြီး
အမေ့ဘက်လှည့်လို့ ပြောလိုက်တယ်
''အမေ အဲဒီကြက်ခြေထောက်နဲ့လည်ချောင်းရိုး
ကျွန်တော့ပန်းကန်ထဲထည့်ပေးပါ ''
အဖေက ကျွန်တော့်ကိုပြုံးပြုံးကြီးကြည့်နေလေရဲ့
မျက်ဝန်းမှာတော့ မျက်ရည်စတွေနဲ့. . .
ကျွန်တော်အဖေ့လည်ပင်းလေးကို မွှေးမွှေးပေးရင်း တစ်ချက်ရှိုက်လိုက်မိတယ်
ဟုတ်တယ်. . .
အဲဒီလူထူးဆန်းကြီးအကြောင်း
ကျွန်တော် ဒီနေ့ကောင်းကောင်းသိခဲ့ပါပြီ. . . .။ ။
ရှိခိုးဦးချကန်တော့ပါရစေ အဖေ

လွမ်းခွင့်မရှိတဲ့ လူ
( copy from Min Zaw Swe facebook)

အကျိုးရှိမယ့် စာပေများကို ဖြန့်ဝေခြင်းဟာလည်း သာသနာပြုခြင်းပဲလို့ မြင့်မြတ်စွာ ခံယူပါသည်။

မေတ္တာဖြင့်-
ဓမ္မရိပ်ငြိမ် အရှင်ဝေဠုရိယ(အုတ်ဖို)
22.8.2014