ဆန္ဒပြသူများမှ မကြာခဏ အသုံးပြုလာသည့်အတွက် မြို့အထင်ကရ ဗိုလ်ချုပ်ကြေးရုပ်ကြီးအား ပျက်စီးယိုယွင်း လာမည်ကို ဒေသခံပြည်သူများက စိုးရိမ်

မုံရွာ၊ နိုဝင်ဘာ ၂၇
စစ်ကိုင်းတိုင်းဒေသကြီး၊ မုံရွာမြို့၊ ဗိုလ်ချုပ်လမ်းနှင့် ဘူတာလမ်းဆုံနေရာတွင် တည်ရှိသော မြို့အထင်ကရဖြစ် သည့် ဗိုလ်ချုပ်ကြေးရုပ်ကြီးမှာ ဆန္ဒပြသူများမှ မကြာခဏ တက်ရောက်အသုံးပြုလာသည့်အတွက် ပျက်စီးယို ယွင်းလာမည်ကို မုံရွာဒေသခံပြည်သူများက စိုးရိမ်လျက်ရှိကြောင်း သိရသည်။ “ ပြင်သစ်နိုင်ငံသားတွေဟာ သူတို့ရဲ့ ဆန္ဒကိုဖော်ထုတ်ကြတဲ့အခါ ပဲရစ်မျှော်စင်ကြီးပေါ်တက်ပြီး ဆန္ဒမပြကြပါ ဘူး..။ လေပါတီရုပ်ထုကြီးပေါ်တက်ပြီးလည်း ဘယ်သူမှ ဆန္ဒမပြကြပါဘူး..။ နိုင်ငံတော်မှာ အထင်ကရရှိတဲ့ ရုပ် ၀တ္ထုတွေကို နိုင်ငံသားတွေအားလုံးက ၀ိုင်းဝန်း ထိန်းသိမ်းစောင့်ရှောက်မှ ရေရှည်တည်ခန့် ခိုင်မြဲမှာပါ..” ဟု မုံရွာမြို့ခံ စာရေးဆရာ ကိုတိုး (ချင်းတွင်း)မှ ပြောကြားသည်။ နိုင်ငံတကာတွင် နိုင်ငံတစ်နိုင်ငံတိုင်း၏ အထင်ကရရုပ်ဝတ္ထုကြီးများတည်ရှိသည်။ အဆိုပါ ရုတ်ဝတ္ထုကြီးများကို နိုင်ငံသားတိုင်းက တရိုတသေ ချစ်မြတ်နိုးစွာဖြင့် ထိန်းသိမ်းစောင့်ရှောက်ကြသည်။ ကိုယ်ကျိုးဆန္ဒများအတွက် ၎င်း အထင်ကရရုပ်ဝတ္ထုကြီးများကို မည်သည့်အခါမှ အလွဲသုံးစားပြုလုပ်ခြင်းမရှိကြောင်း ကိုတိုး(ချင်းတွင်း)မှ ဆက်လက်၍ ပြောပြသည်။ မုံရွာမြို့၏ အထင်ကရဖြစ်သော ဗိုလ်ချုပ်ကြေးရုပ်ကြီးပေါ်တွင် ဆန္ဒပြသူများမှ မကြာခဏတက်ရောက်ပြီး ထိုသူ တို့၏ ဆန္ဒများအတွက် ဗိုလ်ချုပ်ကြေးရုပ်ကြီးအား အသုံးချလျက်ရှိသည်။ ထို့ကြောင့် ဗိုလ်ချုပ်ကြေးရုပ်ကြီး၏ မူလဂုဏ်ဒြပ်များညှိုးနွမ်းစေကာ အလှဆင်ပစ္စည်းများ ပျက်စီးယိုယွင်းလာမည်ကို မုံရွာဒေသခံပြည်သူများမှ စိုး ရိမ်နေခြင်းဖြစ်ကြောင်း သိရှိရသည်။

ကိုတိုး ချင်းတွင်း စာမျက်နှာမှ ကူးယူဖော်ပြပေးခြင်းဖြစ်သည်။
credit;Monywa Times