လယ်မြေဖုန်ဖုန်မှာ လယ်သူမရဲ့သွေးတွေ စွန်းခဲ့ပြီ။

မြန်မာမကြီးတစ်ယောက်
မြန်မာ့မြေပေါ်မှာ သေနေတယ်။

တိုင်းတပါးသားကို အဲဒီမြေ မပေးလို့တဲ့
သူတို့အသတ်ခံရတာ။

ဟုတ်တယ်။ ဒါဟာ လူသတ်မှုပဲ။
နေ့ခင်းကြောင်တောင် အကြမ်းဖက်မှုပဲ။
ကိုယ့်မြေကို
ကိုယ်ဖက်တွယ်ချင်စိတ်လေးတစ်ခုတည်းအတွက်
သူ့ခမျာ အသတ်ခံရရှာတာ။

လက်ယက္ကန်းထည် ခေါင်းပေါင်းစလေးရယ်
သွေးတွေပေလူးနေတဲ့ ရာဘာဖိနပ်ရယ်
လက်မှာ နောက်ဆုံးဆုပ်ကိုင်သွားရှာတဲ့
ဆေးလိပ်တိုလေးရယ်
ဒါပဲ သူ့ဆီက ရတယ်လို့ ကြားရ။
သူ့ခေါင်းကို ဖောက်ထွက်သွားတဲ့ကျည်ဆံ။
သူပိုင်တဲ့မြေအတွက်
အသက်ပေးသွားရလေတဲ့ အဖြစ်ပေါ့။

သူတို့ခံရတာ မျှတရဲ့လား?
မိရိုးဖလာ ဓါးမဦးချ
လုပ်ကိုင်လာတဲ့မြေကို မစွန့်ချင်တာနဲ့ပဲ။
သူ့ကို သေခိုင်းသင့်သလား?

အမျိုးဘာသာ စည်းရိုးထိုးမကွလို့
လူယုတ်မာတွေက အရေခြုံအသံဟစ်နေကြချိန်မှာ
လယ်သူမကြီးတစ်ယောက်
မြေပေါ်သွေးအလိမ်းလိမ်း အသက်ပျောက်ရှာ။

မြန်မာ့မြေပေါ်မှာ မြန်မာတွေအသတ်ခံရ
တိုင်းတပါးကို အဲဒီမြေပေးအပ်ဖို့
မြန်မာတွေ မချိမဆန့်သေနတ်ဒါဏ်ရာနဲ့
မြေပေါ်တွန့်လိမ်နေရ။
သြော် လုပ်ရက်လွန်းကြပေ။

အမှန်တရားဟာ
မှိုင်းတိုက်မှုတွေကြား ပုန်းကွယ်နေရချိန်မှာ
အကြမ်းဖက်မှုက ဂုတ်ခွစီးနေပြီ။

အဓမ္မဝါဒကို ပြောဟောကြတဲ့နိုင်ငံ
အဓမ္မဝါဒီတွေက အသင်းဖွဲ့ကြတဲ့နိုင်ငံမှာ
မျက်စိကန်းနေတဲ့ သေနတ်ပြောင်းဟာ
ကိုယ့်အမျိုးသားတွေရဲ့သွေးကို သောက်ဖို့
ပလူပျံထွက်ခွာလာပြီ။

နောက်တစ်ကြိမ် ကျည်သင့်သူဟာ
ခင်ဗျားဖြစ်နိုင်သလို ကျုပ်လည်းဖြစ်နိုင်တယ်။

'ငါတို့အမျိုး စည်းရိုးထိုးမယ်'
'အမျိုးသားရေးအရ ဖွတ်ဘောပဲမမယ်'
အနှစ်မဲ့ လိမ်ညာသံတွေ ဆူညံဖုံးနေတဲ့အောက်မှာ
ဒိဠိတရုတ်ရဲ့ သြဇာခံအဖြစ်သို့ …
မြန်မာ့သွေးစက်တွေကို လမ်းခင်း၍ …
Thorn Nay Soe