>>>ဝေဠုဝန် ငါးထပ်ကြီးမြတ်စွာဘုရား<<<

 
 

ရတနာပူရ ဒုတိယ အင်းဝခေတ် သက္က၇ာဇ် ၉၅၉ခု၊ဒုတိယ ၀ါဆိုလပြည့်ကျော်(၉)ရက်ကြာသပတေးနေ့ တွင် ဟံသာဝတီဆင်ဖြူရှင်မင်းတရားကြီး၏သားတော် ညောင်ရမ်းမင်းတရားသည်(၁)နန်းတော် (၂)နန်းမြို့ (၃)ရွှေစည်းခုံ (၄)ဂူတော်သစ် (၅)တံခါး ဤငါးပါးကို တချိန်တည်း တည်ထောင် ဖန်ဆင်းတော်မူခဲ့သည်။

ထိုမင်းတရားကြီးမှ ဆင်းသက်၍ လေးဆက်မြောက် ကောင်းမှုတော်မြတ်စွာဘုရား ဒါယကာ သာလွန်မင်းတရားကြီး၏ သားတော် မင်းရဲနန္ဒမိတ်ဘွဲ့ ခံ ပင်းတလဲမင်းတရားသည် သီရိနန္ဒသုဓမ္မရာဇာပ၀ရာဓိပတိ ဟူသော အမည်တော်ကို ခံတော်မူ၍ အတုလစန္ဒာဒေ၀ီ ဟူသော ရှင်မိဖုရားနှင့်အတူ သက္ကရာဇ် ၁၀၁၀-ခု တော်သလင်းလဆန်း(၁၀)ရက် ကြာသပတေးနေ့ တွင် အင်းဝရွှေနန်းတော်ကို သိမ်းမြန်းစိုးစံတော်မူခဲ့၍ ထိုမင်းတရားသည် သက္ကရာဇ် ၁၀၁၇-ခု ကဆုန်လပြည့်ကျော်(၆)ရက် တနင်္ဂနွေနေ့ တွင် စစ်ကိုင်းမြို့  အနောက်မျက်နှာတွင် ကျောင်းတော်ကြီး ဆောက်လုပ်ပြီး၍ ဒါဋ္ဌာနာဂရာဇာဂုရု ဆရာတော်ကြီးအား ကပ်လှူပြီးနောက် သက္ကရာဇ် ၁၀၂၀-ခု ကဆုန်လပြည့်ကျော် (၃)ရက် ကြာသပတေးနေ့  တွင် ထိုကျောင်းတော်ကြီး၏ အင်္ဂါထောင့်အရပ်ရှိ ၀ါးရုံတောကြီးတွင် တည်ထားတော်မူသောကြောင့် ဝေဠုဝန်ငါးထပ်ကြီးမြတ်စွာဘုရားဟု ဘွဲ့ တော်အမည်တွင်ပါသည်။ ငါးထပ်ကြီးမြတ်စွာဘုရားကို တည်ထားကိုးကွယ်ရန် ငါးထပ်တိုင် ထူတော်မူသည်။

ဘုရားကြီး၏ ဥာဏ်တော် ၂၈ တောင် အမြင့်ဆောင်သော ရုပ်ပွားတော်မြတ်ကို ပြသ၁ဒ်(၅)ဆင့်၊ ပလ္လင်(၅)ထပ်၊ ဌာပနာ(၅)ရပ်၊ အထပ်(၅)ထပ်၊ ပွဲတော်(၅)ရက်၊ မြေ(၅)ပါယ်တွင် ၀ိုင်းပတ်၍ ဘွဲ့ တော်မှာ ဝေဠုဝန်တောကြီးတွင် တည်ထားသည့်အတွက် " ဝေဠုဝန် ငါးထပ်ကြီး မြတ်စွာဘုရား " ဟု ကမ္ဗည်းထိုး နာမ တတ်တော်မူပြီး အနေကဇာတင် တည်ထားကိုးကွယ်တော်မူခဲ့ပါသည်။ " ထပ်ကြီးဘုရားအစ စစ်ကိုင်း ငါးထပ်ကြီးဘုရား " ကဟူ၍ လည်း မှတ်သားရပါသည်။