ကျောက်တော်ကြီး မဟာအောင်မြေ လေးကျွန်းမာရ်အောင်မြတ်စွာဘုရား

သမိုင်းပြောင်သည့် စစ်ကိုင်းတောင်ခြေ သောတာပန်ရွာဦးမြေရှိ၊ ဧရာဝတီ
နဖူး တွင် တည်ရှိသော လေးကျွန်းမာရ်အောင် ကျောက်တော်ကြီး စေတီ
တော်မြတ်ကြီးသည် ကျောက်တော်ကြီး(၅)ဆူအနက် ရှေးအကျဆုံး မူလ
အစ ပထမပင်ဖြစ်သည်။
လေးကျွန်းမာရ်အောင်စေတီမြတ်ကြီးကို ကောဇာသက္ကရာဇ်(၁၀၈၆)ခုနှစ်
တွင် စနေမင်းတရားကြီး၏သားတော် အင်းဝဘုရင်မှန်နန်းရှင် သီရိပ၀ရ
ဓမ္မရာဇာဓိပတိဘွဲ့ အမည်ခံ(ငယ်မည်မောင်အောင်) တနင်္ဂနွေမင်းတရား
ကြီး တည်ထားကိုးကွယ်ခဲ့သည်။ တနင်္ဂနွေမင်းတရားကြီးကလည်း ယုံကြည်
ချက် အပြည့်အ၀နှင့် စေတီတော်ကြီးနှင့်အတူ လှိုဏ်အတွင်း စကျင်ကျောက်
သားစစ်စစ်ဖြင့် သက်တော်ထင်ရှား မြတ်စွာဘုရားမှ တရားပွဲကျင်းပ နေဟန်
ထုလုပ်ပူဇော် တည်ထားကိုးကွယ်၍ ယခုခေတ်ကာလမှာဘဲ လေးကျွန်းမာရ်
အောင်ဝင်းသို့  တရားနှလုံးသွင်း အဓိဌာန်ပြုရင်း အောင်မြေနင်းကြသူများ
လောကီ-လောကုတ္တရာ အောင်မြင်နိုင်ပေသည်။ သို့ ဖြစ်၍ လှိုဏ်အတွင်းသို့ 
ဝင်ရောက်၍ အောင်မြေနင်းပြီး တရားပွဲကြီး တရားနာရသလို ရုပ်ပွားတော်
မြတ်ကြီးအား ဖူးမြင်ရသူတို့ အဖို့  ဖူးမ၀ ထူးခြားလှပြီး သဒ္ဒါရွှင်မြူးကြည်နူး
ဝမ်းသာ ပီတိဖြာလျက် ရှိကြရပေမည်ကား အမှန်ပင်ဖြစ်လေသည်ဟု မှတ်
သားရပါသည်။