သီတဂူဆရာတော်ဘုရားကြီး မိန့်တော်မူခဲ့တဲ့ “လူအခွင့်အရေးမှာတမ်း”

ယနေ့ နိုင်ငံရေးလောက၌ “လူ့အခွင့်အရေး”ဟူသော စကားကို ကျယ်လောင် ကျယ်လောင်နှင့် ပြောနေကြ၏။ ထို“လူ့အခွင့်အရေး”ဟူသော စကားလုံး၏ အတိမ်အနက်ကို နက်နက်ရှိုင်းရှိုင်း စဉ်းစားဖို့ လိုအပ်ပါသည်။

အပေါ်ယံမျှလောက်ကို ကြည့်ပြီး “လူ့အခွင့်အရေး”ကို နေရာတကာ ရှေ့တန်းတင်လျှင် ထိုလူ့အခွင့်အရေးသည် မိမိတို့ နိုင်ငံအတွက် “အဆိပ်ခွက်” ဖြစ်သွားနိုင်ပါသည်။ ဘာ့ကြောင့်နည်း၊ အမျိုးသားအကျိုးစီးပွားဆုတ်ယုတ်ပျက်ပြား သွားမည် ဖြစ်သောကြောင့်တည်း။

“လူ့အခွင့်အရေးကြေငြာစာတမ်း”သည် လူအများ လိုက်နာကျင့်သုံးဖို့အတွက် အသေးစိတ်ရေးဆွဲထားသော စည်းမျဉ်း မဟုတ်ပါ။ ဖြစ်နိုင်ခြေရှိသည့် အချက်များကို ရေးဆွဲထားခြင်း ဖြစ်၏။ “ဖြစ်ရင်တော့ ကောင်းတာပေါ့” ဆိုသည့် သဘောတရားမျှသာတည်း။

သဘောတရားမျှလောက်သာ ရေးဆွဲထားသည်ဖြစ်သောကြောင့် ကမ္ဘာ့ နိုင်ငံများကလည်း သဘောမျှလောက်သာ လိုက်နာ ကျင့်သုံးကြသည်ကို တွေ့ရပါသည်။ မည်သည့်နိုင်ငံဖြစ်ဖြစ် မိမိတို့နိုင်ငံ၏ “အမျိုးသားအကျိုးစီးပွား”နှင့် ပတ်သက်လာလျှင် ထို“လူ့အခွင့်အရေး”ကို ပြည်ဖုံးကား ချလိုက်ကြတော့၏။ ဤကား ကမ္ဘာ့အစဉ် အလာတည်း။

ဒီမိုကရေစီစနစ် ရင့်ကျက်ပြီးဖြစ်သော အမေရိကန်နိုင်ငံသည် ကုလသမဂ္ဂ၏ခွင့်ပြုချက်မရဘဲ အီရတ်နိုင်ငံကို ကျူးကျော်စစ်ပွဲဆင်နွှဲခဲ့၏။ “လူ့အခွင့်အရေးစာတမ်း”နှင့် တိုက်ဆိုင်ကြည့်လျှင် အမေရိကန်သည် လူ့အခွင့်အရေးချိုးဖောက်ခြင်း ပင်တည်း။

သို့သော် အမေရိကန်တို့ကတော့ “အမျိုးသားအကျိုးစီးပွားကို ကာကွယ် စောင့်ရှောက်ရန်အတွက် အီရတ်ကို စစ်တိုက်ရခြင်း ဖြစ်ပါသည်”ဟု ကြေငြာချက် ထုတ်ပြန်ခဲ့၏။ ဘယ်မှာလဲ လူ့အခွင့်အရေး . . . ။ နောက်ဆုံး ပြောရလျှင် “လူ့အခွင့်အရေး”ဆိုသူများပင် “ငါ့အခွင့်အရေး”အတွက် ဖြစ်ကုန်ကြတော့၏။

အချုပ်ကား မည်သည်နိုင်ငံမဆို ကိုယ့်နိုင်ငံ၏ “အမျိုးသားအကျိုးစီးပွား”နှင့် ပတ်သက်လာလျှင် “လူ့အခွင့်အရေး”ကို ချောင်ထိုးထားကြစမြဲပင်။ “လူ့အခွင့်အရေး”ထက် ကိုယ့်နိုင်ငံ၏ “အမျိုးသားအကျိုးစီးပွား”ကို ရှေ့တန်းတင်ကြစမြဲ။ ဤသည်ကား နိုင်ငံတကာကျင့်စဉ် တစ်ခုပါ။

ထို့ကြောင့် မြန်မာနိုင်ငံအတွက်လည်း “လူ့အခွင့်အရေးနှင့် ဒီမိုကရေစီ”ဆိုသည့် စကားလုံးထက် “မြန်မာ့အခွင့်အရေးနှင့် ဒီမိုကရေစီ” ဆိုသည့် စကားလုံးကား ပို၍ အနှစ်သာရ ရှိပေသည်။

အမေရိကန်ကဲ့သို့ ဒီမိုကရေစီရင့်ကျက်သော နိုင်ငံကြီးများပင် “လူ့အခွင့်အရေး”ကို နောက်တမ်းမှာ ထားနေပါလျက် ဒီမိုကရေစီစနစ် နုနယ်သေးသော မြန်မာနိုင်ငံမှ နိုင်ငံရေး သမားအများစုက “လူ့အခွင့်အရေး”စကားကို တစာစာ အော်ပြီး ရှေ့တန်းတင်နေကြသည်မှာ “ကမ္ဘာ့နိုင်ငံရေးလောက´´ကို မကျွမ်းကျင်သေးကြောင်း ဖေါ်ပြနေခြင်းပင် ဖြစ်၏။

တချို့သော နိုင်ငံရေးသမားများကား “လူကို လူလို့ မြင်ပါ”ဟုလည်းကောင်း၊ “အမျိုးသားဆိုတာလည်း လူပဲ မဟုတ်လား” ဟုလည်းကောင်း၊ “လူ့အခွင့်အရေးက အရေးကြီးဆုံးပဲ”ဟူ၍လည်းကောင်း အပ်ကြောင်းထပ်အောင် ပြောနေကြ၏။ ထိုပုဂ္ဂိုလ်များကို “မြန်မာနိုင်ငံကြီးကို သိမ်းပိုက်ခဲ့သည့် အင်္ဂလိပ်ကို တော်လှန်ခဲ့ခြင်းသည် လူကိုလူလို မမြင်လို့လား”ဟု မေးလိုက် ချင်တော့သည်။

ဆရာတော်ဦးဥတ္တမ၊ သခင်ကိုယ်တော်မှိုင်း၊ ဗိုလ်ချုပ်အောင်ဆန်းစသည့် မျိုးချစ် ၀ံသာနုပုဂ္ဂိုလ်ကြီးများက “အင်္ဂလိပ်”ဟာ “အင်္ဂလိပ်” ပဲ၊ “မြန်မာ”ဟာ “မြန်မာ” ပဲဟု မြင်သော “အမျိုးသားရေးဝါဒ” ကြောင့်သာ “သူ့ကျွန်မခံလိုသော စိတ်ဓာတ်” ဖြင့် အင်္ဂလိပ်ကို တော်လှန်ခဲ့ကြခြင်း ဖြစ်သည်။

“လူကိုလူလို့ မြင်ပါ”ဆိုသော လူ့အခွင့်အရေးဝါဒအရဆိုလျှင် “အင်္ဂလိပ်” လည်း လူ၊ “မြန်မာ”လည်း လူ ဖြစ်သောကြောင့် အင်္ဂလိပ်ကို တော်လှန်စရာ မလိုဟု ပြောရတော့မလိုပင်။ ထို့ကြောင့် အမျိုးသားရေးဝါဒကို လက်ကိုင်ထားဖို့ အထူးလိုအပ်လှပေသည်။

သီတဂူဆရာတော်ကြီးသည် အင်းစိန်သံဃာ့ညီလာခံကြီး၌
လူ့အခွင့်အရေးဆိုသူများနှင့် ပတ်သက်၍ အောက်ပါအတိုင်း မိန့်တော်မူခဲ့ပါသည်။

“ရသမျှအကျိုးအမြတ်ကို လူ့အခွင့်အရေးဆိုတဲ့ အဖွဲ့တွေ၊ ဘာအဖွဲ့ ညာအဖွဲ့တွေပဲ အကုန်ယူသွားကြတာ။ ဒီက တိုင်းရင်းသားတွေကတော့ တဲကုပ်လေးထဲမှာ ဆင်းဆင်းရဲရဲ နေနေကြရတယ်။ သူတို့ပဲ ဝေယူသွားကြတာ၊ လူ့အခွင့်အရေးဆိုတဲ့လူတွေ သတိထားတော်မူကြပါဘုရား”ဟု မိန့်ကြားတော် မူခဲ့ပါသည်။
Day Weinda Ashin